Gwefan llywodraeth y DU

Beth yw'r Grantiau Dawns a Drama?

Mae'r Grantiau Dawns a Drama ar gyfer myfyrwyr 16 oed a throsodd sydd am weithio ym maes y celfyddydau perfformio.

Ar gael gan rai o ysgolion preifat blaenllaw Lloegr ym myd dawns a drama, byddan nhw'n helpu i dalu am le ar gwrs nodedig a mawr ei barch, beth bynnag y bo'ch amgylchiadau ariannol.

Bydd y grant yn talu am y rhan fwyaf o'ch ffioedd dysgu, ond bydd disgwyl i chi wneud cyfraniad. Gallech hefyd gael arian ychwanegol i helpu gyda'ch costau byw.

Pa gyrsiau sy'n cael eu cynnwys dan y Grantiau Dawns a Drama?

Dim ond os byddwch yn mynd am gymhwyster Coleg y Drindod Llundain gydag un o'r 22 darparwr achrededig y gallwch gael Grant Dawns a Drama.

Bydd y darparwyr hyn yn cael eu harchwilio'n allanol i wneud yn siŵr bod eu cyrsiau yn cynnig hyfforddiant o safon uchel.

Mae'r cyrsiau, ar lefel Tystysgrif neu Ddiploma Genedlaethol, yn para rhwng blwyddyn a thair blynedd.

Bydd y cyrsiau, a ddatblygir gyda chyngor gan bobl broffesiynol yn y sector, yn rhoi pwyslais ar y sgiliau artistig, creadigol a thechnegol sydd eu hangen ar artistiaid er mwyn cael gyrfa amrywiol o safon uchel.

Mae’r cyrsiau yn cynnwys:

• actio proffesiynol
• dawnsio proffesiynol
• theatr cerddoriaeth broffesiynol
• sgiliau cynhyrchu proffesiynol
• bale clasurol proffesiynol

Dilynwch y dolenni isod am fwy ynghylch y cyrsiau a’r ysgolion.

• Grantiau Dawns a Drama : cyrsiau ac ysgolion (A-M)

• Grantiau Dawns a Drama : cyrsiau ac ysgolion (N-Z)

Cyrsiau nad ydynt yn cael eu cynnwys dan y Grantiau Dawns a Drama

Ni ellir cael Grantiau Dawns a Drama ar gyfer cyrsiau academaidd neu gyrsiau cyffredinol ym maes Dawns a Drama, fel Safon Uwch, cyrsiau gradd, cyrsiau dysgu, neu gyrsiau mewn colegau addysg bellach.

Dim ond os byddwch yn dilyn cwrs gydag un o'r 22 darparwr achrededig y byddwch yn gymwys i gael Grant Dawns a Drama.

I gael gwybodaeth gyffredinol am gyrsiau ac am gyfarwyddyd gyrfa, cysylltwch â Connexions Direct.

• Cysylltu â Connexions Direct Opens new window

Y Camau Nesaf

Dilynwch y dolenni isod am bopeth y mae angen i chi ei wybod am Grantiau Dawns a Drama:

• a ydych yn gymwys
• faint o arian allech chi ei gael
• sut i wneud cais

• Grantiau Dawns a Drama: ydych chi'n gymwys?

• Grantiau Dawns a Drama: faint o arian allech chi ei gael

• Grantiau Dawns a Drama: sut i wneud cais