Gwefan llywodraeth y DU

Y cynllun cynorthwyo wrth newid i'r drefn ddigidol

Mae'r Llywodraeth wedi sefydlu cynllun i wneud yn siŵr y bydd pawb yn barod i drosglwyddo i deledu digidol. Bydd y cynllun cynorthwyo yn rhoi cymorth i drosi un set deledu'n ddigidol. Bydd hyn yn cynnwys:

• cymorth gydag offer
• cymorth i osod
• cymorth ar ôl gosod

Pwy sy'n gymwys

Mae'r cynllun ar gael i bobl sy'n 75 oed a throsodd, pobl sydd wedi'u cofrestru'n ddall neu bobl rannol ddall, pobl sy'n derbyn Lwfans Byw i’r Anabl neu Lwfans Gweini, a phobl sydd wedi bod yn breswyl mewn cartref gofal am fwy na chwech mis.

Os ydych chi'n gymwys i gael cymorth, bydd mwy o wybodaeth yn cael ei hanfon atoch ymhell cyn i'ch rhanbarth chi droi'n ddigidol. Byddwch yn derbyn manylion ynghylch sut mae'r cynllun yn gweithio a pha ddewisiadau sydd yna o ran cael teledu digidol.

Costau

Darperir y cynllun am ddim i gartrefi cymwys sydd ar incwm isel iawn, hy. y rheini sy'n cael Cymhorthdal Incwm, Lwfans Ceisio Gwaith yn seiliedig ar incwm, Lwfans Cyflogaeth a Chymorth ar sail incwm neu Gredyd Pensiwn. Bydd angen i gartrefi cymwys eraill dalu'r ffi ratach o £40.

Gweinyddiaeth

Sefydlir y cynllun cymorth gan y BBC ac fe'i rheolir gan bartner darparu. Tra bod y BBC yn gyfrifol am ddarparu’r cynllun, mae’r weithred dydd i ddydd yn cael ei chontractio allan.

Beth yw manteision teledu digidol i bobl anabl?

Mae teledu digidol yn cynnig gwasanaethau penodol i wylwyr gyda nam ar eu golwg neu ar eu clyw, megis

• disgrifiadau llafar
• is-deitlau
• gwasanaethau iaith arwyddion

Dim ond nifer fach o raglenni sy'n cynnig rhai o'r nodweddion hynny ar deledu analog

Nam ar y clyw

Gyda'r rhan fwyaf o gynnyrch digidol, gellir dewis cael isdeitlau dim ond drwy bwyso botwm. Mae gwasanaethau iaith arwyddion hefyd i'w gweld ar fwy a mwy o raglenni. Ar deledu digidol, gellir cael y gwasanaeth hwn ar sianel ar wahân, yn yr un modd ag y mae isdeitlau'n gweithio. Ceir opsiwn wedyn i'w droi ymlaen neu ei ddiffodd.

Nam ar y golwg

Mae disgrifiadau llafar yn drac sain ychwanegol ar raglenni. Bydd yn disgrifio'r newidiadau sy'n digwydd ar y sgrin pan fydd seibiannau yn y ddeialog.

Gellir cael y disgrifiad ar yr un sianel â'r rhaglen wreiddiol, neu gellir ei ddarlledu ar sianel sain arall sy'n cynnwys y disgrifiadau llafar.

Dolenni defnyddiol

• Technoleg ddigidol a thechnoleg symudol (adran y cartref a’r gymuned)

• Trosglwyddo i deledu digidol ar wefan y BBC Opens new window

• Gwefan Digital UK Opens new window

• Gwefan Digital Television Opens new window

• Ricability – adroddiadau annibynnol ar gynhyrchion teledu digidol Opens new window