Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Pobl anabl - Nodwch, os gwelwch yn dda, na ddiweddarir yr adran hon bellach

Pobl anabl

Cynghorwyr Cyflogaeth i Bobl Anabl

Os oes angen cymorth cyflogaeth ychwanegol arnoch oherwydd anabledd, gall eich Canolfan gwaith lleol eich cyfeirio at un o’i Gynghorwyr Cyflogaeth i Bobl Anabl.

Gall Cynghorwyr Cyflogaeth i Bobl Anabl (DEAs) roi cymorth a chefnogaeth i chi beth bynnag yw'ch sefyllfa. Gallant eich helpu i ddod o hyd i waith neu feithrin sgiliau newydd hyd yn oed os ydych wedi bod yn ddi-waith am gyfnod hir, os mai ychydig o brofiad o waith sydd gennych, neu os nad oes gennych brofiad o waith o gwbl.

Gwasanaethau a ddarperir gan Gynghorwyr Cyflogaeth i Bobl Anabl

Gall Cynghorydd Cyflogaeth i Bobl Anabl gynnig y canlynol ichi:

  • asesiad cyflogaeth i ganfod pa waith neu hyfforddiant sydd fwyaf addas i chi
  • eich cyfeirio, pan fydd hynny'n briodol, at y rhaglen Paratoi at Waith, rhaglen wedi'i theilwra'n arbennig i helpu rhai pobl anabl
  • eich cyfeirio, pan fydd hynny'n briodol, at gynghorydd personol Llwybrau at Waith
  • eich cyfeirio, pan fydd hynny'n briodol, at raglen waith ar gyfer pobl anabl, gan gynnwys y Cynllun Cyflwyno Swydd, CAM AT WAITH neu Mynediad at Waith
  • eich cyfeirio, os oes angen, at Seicolegydd Gwaith i gael asesiad cyflogaeth manylach er mwyn canfod y gwaith neu'r hyfforddiant gorau i chi
  • gwasanaeth cyfeirio a chyfateb swyddi - gall y Cynghorydd roi gwybod i chi am swyddi sy'n addas ar gyfer eich profiad a'ch sgiliau
  • gwybodaeth am gyflogwyr yn eich ardal sydd wedi mabwysiadu'r symbol anabledd 'dau dic'

Asesiadau cyflogaeth

Gall asesiad cyflogaeth eich helpu i nodi eich galluoedd a'ch cryfderau. Ar ei ddiwedd, byddwch chi a'r Cynghorydd wedi llunio cynllun gweithredu o gamau y gallwch eu cymryd i gyflawni eich nodau o ran cyflogaeth.

Beth sy'n digwydd yn yr asesiad?

Bydd eich asesiad cyflogaeth fel arfer yn cael ei gynnal yn eich canolfan waith leol. Byddwch yn cael cyfweliad gyda'ch Cynghorydd, a fydd yn gyfle i'r ddau ohonoch wneud y canlynol:

  • siarad am eich sgiliau a'ch galluoedd
  • trafod unrhyw brofiad gwaith blaenorol sydd gennych o bosibl
  • cytuno ar y math mwyaf addas o waith ar eich cyfer chi

Fel rhan o'r asesiad, efallai y gofynnir ichi wneud rhai tasgau ymarferol a gwaith ysgrifenedig. Bydd y tasgau hyn yn debyg i dasgau cyffredin a wneir mewn gwahanol fathau o waith.

Gall yr asesiad bara hanner diwrnod neu fwy, yn dibynnu ar eich anghenion unigol chi. Bydd y Cynghorydd yn trafod hyd eich asesiad gyda chi ymlaen llaw.

Ar ôl yr asesiad

Byddwch chi a'ch Cynghorydd yn trafod eich asesiad ac yn cytuno ar gynllun gweithredu i'ch helpu chi gyflawni eich nodau o ran swydd. Gall eich cynllun gweithredu gynnwys hyfforddiant neu gymryd rhan yn y rhaglen 'Paratoi at Waith'.

Ni fydd asesiad cyflogaeth yn effeithio ar eich budd-daliadau. Gallwch hawlio costau teithio am fynd i gael asesiad.

Yn yr adran hon...

Allweddumynediad llywodraeth y DU