Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Pobl anabl - Nodwch, os gwelwch yn dda, na ddiweddarir yr adran hon bellach

Pobl anabl

Cyflogwyr sydd ag agwedd gadarnhaol at anabledd

Mae rhai pethau sy’n gallu eich helpu i ddod o hyd i'r cyflogwyr sy'n annog pobl anabl yn gadarnhaol i wneud cais am swyddi neu leoliadau profiad gwaith. Er enghraifft, efallai y byddant yn arddangos y symbol anabledd ar hysbyseb swydd.

Y symbol anabledd 'dau dic'

Er bod cyflogwyr yn rhwym wrth y Ddeddf Gwahaniaethau ar Sail Anabledd i’ch trin yn deg, mae rhai ohonynt yn dangos eu bod yn gadarnhaol iawn o ran cyflogi a chadw pobl anabl.

Mae rhai cyflogwyr yn dangos hyn trwy osod symbol anabledd 'dau dic' y Ganolfan Byd Gwaith ar eu hysbysebion swyddi.

Golyga hyn bod y cyflogwr wedi gwneud rhai ymrwymiadau penodol yn gysylltiedig â chyflogi pobl anabl. Fel rhan o hyn, byddwch yn siŵr o gael cyfweliad os ydych yn bodloni meini prawf sylfaenol y swydd.

Polisïau cyfle cyfartal

Mae gan lawer o gyflogwyr bolisïau cyfle cyfartal. Mae hynny’n golygu bod y cyflogwr yn cytuno i gyflogi pobl ar sail teilyngdod, ni waeth pethau megis anabledd, hil, rhyw neu oedran er enghraifft.

Mae hynny hefyd yn golygu bod y cyflogwr wedi ymrwymo i drin gweithwyr yn gyfartal ac i roi'r un cyfleoedd i bawb.

Efallai y byddwch yn teimlo'n fwy cyfforddus yn datgelu anabledd wrth gwmni sydd wedi datgan bod ganddo bolisïau o’r fath ar waith.

Hysbysebion swydd a ffurflenni cais

Gall cyflogwr gynnwys datganiad mewn hysbyseb swydd sy'n annog pobl anabl i wneud cais ac sy'n cadarnhau bod y cyflogwr yn glir am eu cyfrifoldebau cyfreithiol dan y Ddeddf Gwahaniaethu ar sail Anabledd.

Chwiliwch am y canlynol:

  • ydy’r symbol ‘dau dic’ wedi’u harddangos ar hysbysebion a ffurflenni cais?
  • lle gwelsoch chi'r hysbyseb swydd? Mae rhai cyflogwyr yn rhoi hysbysebion mewn mannau lle mae pobl anabl yn fwy tebygol o'u gweld, megis gydag Ymgynghorydd Cyflogaeth i Bobl Anabl yn un o swyddfeydd y Ganolfan Waith
  • ydy'r ffurflenni cais ar gael mewn fformatau gwahanol?
  • a oes trefniadau ar gael i alluogi ymgeiswyr i gyflwyno'r ceisiadau yn y fformat sydd fwyaf addas iddynt hwy?
  • a ofynnir i chi ar y ffurflen gais ddweud a oes angen unrhyw addasiadau arbennig arnoch yn y cyfweliad?
  • a oes adran yn y ffurflen gais sy'n gofyn i chi roi eich sylwadau ar unrhyw addasiadau y byddai eich angen arnoch o bosibl oherwydd anabledd neu gyflwr meddygol?

Os ydych yn pryderu am y mater olaf hwn ac am gael cyngor, siaradwch â'ch Ymgynghorydd Cyflogaeth i Bobl Anabl. Gall eich helpu i benderfynu ar y ffordd orau o esbonio eich addasrwydd i'r swydd. Gall hefyd gysylltu â’r cyflogwr ar eich rhan os dymunwch

Yn yr adran hon...

Allweddumynediad llywodraeth y DU