Gwefan llywodraeth y DU

Cynllunio eich nodau gyrfaol

Gall fod yn gymhleth pan fyddwch yn penderfynu pa ddewisiadau gyrfa i’w dilyn.

Os bydd eich dewisiadau yn gwneud y mwyaf o’ch sgiliau a’ch gallu, gallwch edrych ymlaen at ddyfodol hapus.

Fodd bynnag, mae’n bosib nad ydych yn gwybod pa fath o yrfa y carech ei dilyn eto. Mae’n bosib eich bod yn meddwl ei bod hi'n rhy gynnar i feddwl am yr hyn y byddwch yn ei wneud ymhen pump neu ddeng mlynedd.

Wrth i fyd gwaith newid mor gyflym, sut y gallwch ddod o hyd i'r llwybr iawn? I wneud y penderfyniadau sy’n iawn i chi, bydd angen help arnoch.

• Dod o hyd i yrfa sy'n addas i chi

Pa gymorth sydd ar gael?

Pan fyddwch yn cynllunio’ch dyfodol, bydd cynghorwyr hyfforddedig yn gallu cynnig:

• gwybodaeth ddibynadwy a chyfredol am eich dewisiadau yn eich bywyd personol a’ch dewisiadau o ran dysgu a gyrfa
• cyngor ynghylch lle i fynd i gael help sy'n berthnasol i chi a sut i'w ddefnyddio yn eich bywyd chi

Bydd eich cynghorwr hefyd yn eich helpu i wneud y canlynol:

• penderfynu beth y carech ei wneud
• deall beth y gallwch ei gyflawni
• datrys unrhyw broblemau yn eich bywyd
• cael dyfodol disglair

Mae hefyd llawer o gymorth ar-lein y gallwch ei ddarllen.

• Pa ffordd nawr? - canllaw i benderfynu eich dewisiadau Cyfnod Allweddol 4 Opens new window

• Chi sydd â'r dewis - sut i benderfynu ar eich dewisiadau ôl-16 Opens new window

• Cymorth a chyngor ar gyfer eich bywyd personol gan need2know Opens new window

Cael cymorth o Flwyddyn 7 ymlaen

Os ydych chi’n hŷn nag 11 oed, bydd tiwtor personol yn eich helpu i gael gwybodaeth arbenigol pan fydd ei angen arnoch chi. Byddan nhw hefyd yn datrys unrhyw broblemau sy’n torri ar draws eich dysgu.

Er enghraifft, bydd eich tiwtor yn eich helpu i ddod o hyd i’r canlynol:

• addysg gyrfaoedd o safon uchel i’ch helpu i gynllunio a rheoli’ch gyrfa
• cyngor diduedd am eich dysg a'ch dewisiadau gwaith, gan gynnwys Prentisiaethau, y Diploma, Dysgu Sylfaen, TGAU a Safon Uwch
• cyfleoedd i roi cynnig ar gymwysterau gwahanol i benderfynu a ydynt yn addas i chi
• gwybodaeth am y cyfleoedd a'r buddiannau o addysg uwch a'r hyn sydd ei angen arnoch chi i fynd i’r brifysgol

• Egluro cymwysterau (adran addysg a dysgu)

• Beth all addysg uwch ei wneud i chi? (adran addysg a dysgu)

Dysgu sy’n gysylltiedig â gwaith ym Mlynyddoedd 10 ac 11

Ym mlynyddoedd 10 ac 11, gallwch gymryd rhan mewn dysgu sy’n gysylltiedig â gwaith. Bydd eich ysgol fel arfer yn trefnu hyn, ond eich dewis chi yw penderfynu pa fath o lwybr gyrfaol y carech gael gwybod mwy amdano.

Gallai’r dysgu sy’n gysylltiedig â gwaith fod yn un o’r canlynol:

• sesiynau blasu ar gyfer gwaith
• cyflogwr yn ymweld â’ch ysgol
• profiad o weithio mewn gweithle go iawn

Bydd hyn yn eich helpu i ddeall y byd gwaith i’ch helpu i wneud penderfyniadau am eich addysg a’ch dewisiadau gyrfaol.

• Profiad gwaith ym Mlwyddyn 10 ac 11 (adran addysg a dysg)

Cael cymorth gan arbenigwr gyrfa

Mae gan bob person ifanc fynediad at y canlynol:

• cyngor un i un a chefnogaeth gan gynghorwr Connexions lleol
• gwybodaeth a chyngor dros y ffôn ac ar-lein bob dydd gan Connexions Direct
• gwybodaeth am wasanaethau cefnogi lleol ar gyfer unrhyw broblemau personol, cymdeithasol, problemau’n ymwneud ag iechyd neu broblemau ariannol gan eich awdurdod lleol
• gwybodaeth am bob rhaglen ddysgu leol ar gyfer pobl ifanc rhwng 14 a 19 oed yn eich prosbectws ar-lein lleol

Erbyn 2011, byddwch hefyd yn gallu gwneud cais ar-lein ar gyfer cyfleodd dysgu drwy broses ymgeisio gyffredin os ydych yn 16 oed neu’n hŷn.

Golyga hyn y byddwch yn gwneud cais am unrhyw gwrs o’r un wefan, gan ddefnyddio’r un broses ymgeisio, lle bynnag yr ydych yn byw yn y wlad.

• Dod o hyd i gynghorydd Connexions personol Opens new window

• Connexions Direct Opens new window

• Dod o hyd i'ch prosbectws 14-19 lleol Opens new window

Mwy o ddolenni defnyddiol

• Dod o hyd i'ch awdurdod lleol