Gwefan llywodraeth y DU

Age UK

Elusen genedlaethol fawr yw Age UK sy’n cyfuno Help the Aged ac Age Concern. Mae gan Age UK canghennau lleol ac mae’n cynnig amrediad eang o wasanaethau a gweithgareddau cymdeithasol.

Mae'r gwasanaethau'n amrywio o le i le, ond gall y rhai sydd ar gael yn eich ardal gynnwys:

• clybiau cinio
• dosbarthiadau ymarfer corff
• gwasanaethau cymorth emosiynol megis gwasanaethau cwnsela ac ymweld
• cymorth ymarferol yn y cartref megis cymorth cartref a chymorth gyda garddio
• gweithgareddau y tu allan i'r cartref megis tripiau
• hyfforddiant cyfrifiadurol a defnyddio'r rhyngrwyd
• gwybodaeth a chyngor

Rhif llinell wybodaeth ddi-dâl Age UK yw 0800 00 99 66. Gall ddarparu gwybodaeth gyffredinol a chymorth rhwng 8.00 am a 7.00 pm, bob diwrnod o'r flwyddyn.

Mae gan Age Concern hefyd wasanaeth larwm personol ymateb yn syth a elwir yn Aid-Call. Mae Aid-Call ar gael i bawb heb brawf modd ond bydd y rhan fwyaf o bobl yn gorfod talu am y gwasanaeth.

I gael rhagor o wybodaeth, gallwch ffonio llinell ymholiadau Aid-Call am ddim ar 0800 772 266 rhwng 9.00 am a 5.30 pm, o ddydd Llun i ddydd Gwener.

• Dod o hyd i'ch canolfan Age UK neu Age Concern agosaf Opens new window

• Gwefan larymau personol Aid-Call Opens new window

• Taflenni ffeithiau a gwybodaeth gan Age UK Opens new window

Cyngor Ar Bopeth

Gallwch dderbyn cyngor annibynnol di-dâl gan eich Canolfan Cyngor ar Bopeth (CAB) leol, beth bynnag y bo'ch oedran.

Mae canolfannau Cyngor ar Bopeth yn cael eu staffio gan wirfoddolwyr sydd wedi'u hyfforddi, a gallant roi cyngor i chi ar amrywiaeth mawr o faterion, gan gynnwys:

• sut i reoli a lleihau dyled
• budd-daliadau a threthiant
• materion cyfreithiol
• tai
• gwahaniaethu
• problemau defnyddwyr

Mae'r CAB hefyd yn darparu cyngor ar-lein trwy'r wefan Adviceguide. Mae'r wefan yn cynnwys cyngor annibynnol ar eich hawliau ac yn eich cyfeirio at ffynonellau eraill o gyngor arbenigol os bydd angen mwy o gymorth arnoch chi.

• Dod o hyd i'ch CAB lleol Opens new window

• Adviceguide CAB Opens new window

Elusennau lleol eraill

Gall elusennau lleol gynnig cymorth gydag amgylchiadau penodol neu bryder sy'n bersonol i chi.

Mae gormod o elusennau rhanbarthol llai ar gael i'w rhestru, ond mae'r wefan Charitynet yn cynnwys gwefannau mudiadau di-elw ar draws y byd. Ceir cyfarwyddiadau clir ynghylch sut i ddefnyddio'r wefan i ddod o hyd i'r wybodaeth yr ydych ei hangen.

• Charitynet Opens new window

Y Comisiwn Elusennau

Mae'r Comisiwn Elusennau wedi'i sefydlu drwy gyfraith i weithredu fel cofrestrydd a rheolydd elusennau yng Nghymru a Lloegr. Os ydych yn bryderus ynghylch defnyddio gwasanaethau elusen neu roi rhodd, gallwch ganfod a oes gan elusen statws cyfreithiol (trwy gofrestru gyda'r comisiwn). Neu efallai yr hoffech ddod yn ymddiriedolwr i elusen? Bydd y wefan yn darparu gwybodaeth ddefnyddiol i chi.

• Comisiwn Elusennau Opens new window

Cyngor First Stop Care

Mae Cyngor First Stop Care yn wasanaeth sy’n darparu gwybodaeth a chyngor ynghylch gofal a thai yn ddiweddarach yn eich bywyd. I ddysgu mwy, ffoniwch linell gymorth rhad y mudiad ar 0800 377 7070 rhwng 9.00 am a 5.00 pm, o ddydd Llun i ddydd Gwener.

Mae First Stop yn gydweithrediad ar y cyd rhwng Counsel and Care, Elderly Accomodation Counsel, Help the Aged a NHFA Ltd.

• Cyngor First Stop Care (adran cysylltiadau defnyddiol)

Mwy o ddolenni defnyddiol

• Cysylltiadau ar gyfer mudiadau ac elusennau (adran gofalu am rywun)

• Cysylltiadau ar gyfer mudiadau ac elusennau (adran pobl anabl)

Cysylltiadau defnyddiol

• Cysylltiadau ymddeol

• Cysylltiadau dros 50