Gwefan llywodraeth y DU

Lleoliadau dysgu cynnar i blant tair a phedair oed

Mae gan bob plentyn tair a phedair oed yr hawl i 15 awr o addysg meithrin am ddim bob wythnos am 38 wythnos o'r flwyddyn. Mae hyn yn gymwys nes ei fod yn cyrraedd oedran ysgol gorfodol (y tymor yn dilyn ei ben-blwydd yn bump). Gall addysg meithrin am ddim cael eu cynnal mewn meithrinfeydd, cylch chwarae, sefydliadau cyn ysgol neu gyda’u gwarchodwr plant.

Am fwy o wybodaeth ynghylch addysg meithrin am ddim yn eich ardal, cysylltwch â’ch Gwasanaeth Gwybodaeth i Deuluoedd. Mae’r Gwasanaeth Gwybodaeth i Deuluoedd yn darparu gwybodaeth, cyngor a chymorth i rieni, gofalwyr a gweithwyr proffesiynol ar yr ystod o wasanaethau plant, teuluoedd a phobl ifanc sydd ar gael yn eu hardal.

• Dysgu cynnar am ddim i blant tair a phedair oed

• Dod o hyd i’ch Gwasanaeth Gwybodaeth i Deuluoedd lleol Opens new window

Help i rieni sy'n gweithio

Os oes gennych blentyn, efallai y gallwch gael Credyd Treth Plant i helpu gyda chost gofalu amdanynt. Os ydych chi ar incwm isel, mae’n bosib y byddwch yn gymwys i gael Credyd Treth Gwaith. Gallai hyn olygu eich bod chi’n cael hyd at 70 y cant o’ch costau gofal plant yn ôl – hyd at derfynau penodol. £122.50 yr wythnos ar gyfer un plentyn a £210 yr wythnos ar gyfer dau blentyn neu fwy yw’r terfynau. Rhaid i chi ddefnyddio darparwr gofal plant cofrestredig neu gymeradwy.

• Credydau treth (adran arian, treth a budd-daliadau)

Help i rieni unigol

Gall rhieni unigol nad ydynt yn gweithio gael help drwy raglen gan y llywodraeth a elwir yn Fargen Newydd i Rieni Unigol. Cewch fwy o wybodaeth gan eich swyddfa Canolfan Byd Gwaith leol.

• Dod o hyd i'ch swyddfa Canolfan Byd Gwaith leol Opens new window

Help i fyfyrwyr

Os ydych chi mewn addysg bellach efallai y cewch gymorth ariannol ychwanegol. Gallai hwn ddod drwy'r Cynllun Gofal i Ddysgu (i fyfyrwyr dan 20 oed) neu drwy Gronfeydd Cefnogi Dysgwyr. Hefyd, ceir cynllun sy'n darparu cymorth gyda chostau gofal plant i fyfyrwyr chweched dosbarth 20 oed neu hŷn.

Fel myfyriwr addysg uwch, efallai y byddwch yn gymwys i gael cymorth ychwanegol ar ben unrhyw grantiau neu fenthyciadau myfyrwyr safonol a gewch. Gallai hyn gynnwys bwrsari, Credyd Treth Plant, Grant Gofal Plant neu gymorth gan y Gronfa Mynediad at Ddysgu.

Gallai arian fod ar gael hefyd drwy elusennau neu ymddiriedolaethau addysgol. Gofynnwch am gyngor gan eich cynghorydd lles myfyrwyr neu'ch awdurdod lleol.

• Gofal i ddysgu (adran addysg a dysgu)

• Cronfeydd Cefnogi Dysgwyr (adran addysg a dysgu)

Help gan gyflogwyr

Mae rhai cyflogwyr yn cynnig talebau neu lwfans gofal plant fel rhan o gynllun 'aberthu cyflog'. Mae'n werth i chi holi'ch rheolwr llinell, neu'ch adran bersonél neu adnoddau dynol a oes gan eich cyflogwr gynllun o'r fath.

• Cymorth gan eich cyflogwr ar gyfer costau gofal plant Opens new window

• Treth a Chyfraniadau Yswiriant Gwladol ar ofal plant gyda chefnogaeth cyflogwr Opens new window

Mwy o ddolenni defnyddiol

• Gofal plant

• Gwybodaeth am chwilio am waith a chychwyn gweithio (adran cyflogaeth)

• Llwytho llyfryn 'Chwilio am ofal plant' Cychwyn Cadarn Opens new window

• Llwytho taflen Cyllid a Thollau EM, 'Cymorth gyda chostau gofal plant' (WTC5) (PDF, 86K) Opens new window

• Cymorth gyda ffeiliau PDF

Cysylltiadau defnyddiol

• Cysylltiadau rhieni