Gwefan llywodraeth y DU

Pryd y gall plant fynd dramor gyda'r rhiant arall

Fel arfer, byddwch wedi cytuno â'r rhiant arall pryd y gall fynd â phlant dramor ac am ba mor hir. Weithiau, bydd hwn yn gytundeb anffurfiol a wnaed rhyngoch.

Os ydych yn anghytuno ar daith benodol, dylech geisio datrys y broblem â rhiant arall y plentyn os yw'n bosibl.

Gorchmynion preswyliaeth a mynd â phlant dramor

Os oes gennych 'gorchymyn preswyliaeth' gan y llys, mae'r gyfraith yn dweud y gallwch fynd â'r plentyn allan o'r DU am hyd at fis heb ganiatâd y ddau riant.

Os nad oes gan y rhiant arall orchymyn preswyliaeth, ni all fynd â'r plant y tu allan i'r DU oni bai eich bod chi a phawb arall sydd â chyfrifoldeb rhiant yn cytuno.

Os oes gennych orchymyn llys am ba un a all y plentyn deithio eisoes, gallwch atgoffa eich partner o'r amodau a cheisio dod i gytundeb.

Os na allwch ddod i gytundeb â'r rhiant arall

Os na allwch ddod i gytundeb, neu eich bod yn poeni y caiff ei plentyn ei gymryd dramor am hirach na'r hyn a ganiatawyd gan y llys, gallwch ystyried cymryd camau.

Dylech ystyried gwneud y canlynol:

• mynd i'ch gorsaf heddlu leol a gwneud datganiad (bydd yr heddlu'n rhoi gwybod i feysydd awyr, porthladdoedd a gorsafoedd trenau os ydych yn credu bod y plentyn am gael ei gymryd allan o'r wlad)
• ysgrifennu i swyddfa leol y gwasanaeth pasbort gan ofyn iddi beidio â chyflwyno pasbort i'ch plentyn - ond bydd angen gorchymyn llys arnoch i wneud hyn
• os yw'r rhiant arall o wlad arall cysylltwch â'i lysgenhadaeth a gofynnwch iddi beidio â chyflwyno pasbort i'ch plentyn

• Dod o hyd i gynghorydd cyfreithiol Opens new window

Gorchmynion llys os ydych am atal plentyn rhag teithio dramor

Gallwch wneud cais i lys am un neu fwy o'r canlynol:

• 'gorchymyn camau gwaharddedig' sy'n delio â theithio (sy'n golygu na all y rhiant arall fynd â'r plentyn i unrhyw le heb eich caniatâd)
• 'gorchymyn preswyliaeth' (sy'n dweud y dylai eich plentyn fyw gyda chi)
• 'gorchymyn cyfrifoldeb rhiant' (sy'n rhoi hawliau a dyletswydd rhiant i chi os nad oes gennych gyfrifoldeb rhiant eisoes)
• 'gwaharddeb' sy'n atal y rhiant arall rhag mynd â'ch plentyn dramor
• y plentyn yn cael ei wneud yn 'ward yr Uchel Lys' (sy'n golygu bod mynd â'ch plentyn allan o'r DU heb ganiatâd y llys yn anghyfreithlon)

Nid oes rhaid i chi ddweud wrth y rhiant arall eich bod wedi gwneud cais am orchymyn llys. Gall y llys ddweud wrth y rhiant arall eich bod wedi gwneud cais.

Mae'n syniad da cael cyngor cyfreithiol os ydych am wneud cais am orchymyn llys neu waharddeb o dan yr amgylchiadau hyn.

• Gwneud cais am orchmynion llys os ydych yn anghytuno ynghylch plant

• Dod o hyd i gynghorydd cyfreithiol Opens new window

Gwybodaeth sydd angen i chi ei rhoi os caiff eich plentyn ei gymryd dramor

Os ydych yn poeni y caiff eich plentyn ei gymryd dramor, neu ei fod eisoes wedi'i gymryd dramor, dylech gadw gwybodaeth allweddol wrth law. Drwy wneud hyn, gallwch ddatrys y broblem yn gyflymach.

Gwybodaeth am eich plentyn

Dylech gadw cymaint o wybodaeth â phosibl am eich plentyn wrth law, gan gynnwys:

• enw llawn
• dyddiad a man geni
• rhif pasbort, dyddiad a lle y cafodd ei roi
• ffotograffau a disgrifiad corfforol
• manylion am unrhyw hawliau sydd ganddo i gael pasbort tramor a manylion y pasbort hwnnw os yw wedi cael ei roi

Gwybodaeth am y person a all fynd â'ch plentyn dramor neu sydd wedi gwneud hynny

Bydd gwybodaeth am y person a all fynd â'r plentyn dramor neu sydd wedi gwneud hynny hefyd yn bwysig. Dylech gasglu cymaint o wybodaeth â phosibl, gan gynnwys:

• enw llawn (gan gynnwys unrhyw enw blaenorol, enw cyn priodi neu enw arall)
• dyddiad a man geni
• rhif pasbort, y dyddiad a'r lle y cafodd pasbort Prydeinig neu basbort tramor ei roi
• ffotograffau a disgrifiad corfforol
• beth mae'n ei wneud fel bywoliaeth
• dyddiad gadael tebygol
• gwybodaeth am adael (er enghraifft - ehediad, trên, fferi)
• manylion am gysylltiadau â gwlad dramor, fel enwau, cyfeiriadau a rhifau ffôn perthnasau, ffrindiau a chysylltiadau busnes

Copïau o ddogfennau y bydd eu hangen arnoch

Os oes gennych ddogfennau am eich plentyn, gallant fod yn ddefnyddiol iawn. Dylech geisio gwneud yn siŵr bod gennych y canlynol wrth law:

• unrhyw gytundebau neu orchmynion llys am eich plentyn
• tystysgrif geni eich plentyn
• eich tystysgrif priodi neu ddyfarniad ysgaru (os yw'n berthnasol)