Gwefan llywodraeth y DU

Eich hawliau

Os caiff eich plentyn ei arestio am drosedd ac yntau o dan 17 oed, rhaid i'r heddlu ddweud wrthych cyn gynted â phosibl. Ni ddylai'r heddlu gyfweld â'ch plentyn hyd nes y byddwch chi'n bresennol, oni bai y byddai oedi yn arwain at risg uniongyrchol o niwed i rywun neu golled neu ddifrod difrifol i eiddo. Mewn achosion o'r fath, rhaid i'r heddlu sicrhau bod 'oedolyn priodol' annibynnol yn bresennol i wneud yn siŵr y caiff eich plentyn ei drin yn deg.

Mae gan eich plentyn yr un hawliau i gyngor cyfreithiol ag oedolyn.

• Gwybodaeth i bobl ifanc am drosedd a'r gyfraith (adran pobl ifanc)

• Gwybodaeth i bobl anabl am ddelio â'r heddlu a mynd i'r llys (adran pobl anabl)

Camau troseddol yn erbyn eich plentyn

Os yw eich plentyn o dan deg mlwydd oed, ni ellir ei gyhuddo o drosedd. Fodd bynnag, unwaith y bydd dros deg oed, bydd yn cael ei drin yn yr un ffordd ag unrhyw berson ifanc arall o dan 18 oed.

Os mai dyma'r tro cyntaf i'ch plentyn fynd i drafferth, ymddwyn yn wrthgymdeithasol neu gyflawni mân drosedd, gellir delio ag ef y tu allan i system y llys. Gellir rhoi orchymyn cyn achos llys iddynt a fydd yn golygu ei fod yn cael ei geryddu'n ffurfiol neu ei rybuddio gan swyddog yr heddlu. Caiff hyn ei gofnodi fel cofnod troseddol. Fel arfer bydd rhywun o'r tîm troseddau ieuenctid yn cysylltu â chi i weld a oes angen cymorth neu gyngor arnoch chi neu ar eich plentyn. I gael gwybod mwy, dilynwch y ddolen isod ‘Tîm troseddau ieuenctid: beth ydynt’.

Os bydd yr heddlu'n cyhuddo eich plentyn, caiff ei fechnïo (caniatâd i fynd adref) neu ei remandio yn y ddalfa (gorfod aros). Yna bydd yn rhaid iddynt ymddangos gerbron llys ieuenctid. Os bydd eich plentyn yn pledio'n euog neu'n cael ei gollfarnu o'r cyhuddiad, bydd yn cael ei ddedfrydu gan y llys ieuenctid. Ar gyfer troseddau mwy difrifol, bydd y llys ieuenctid yn cyfeirio'r achos i Lys y Goron.

Os caiff eich plentyn ei gyhuddo ar y cyd ag oedolyn, bydd llys oedolion yn delio ag ef.

• Tîm troseddau ieuenctid: beth ydynt (adran pobl ifanc)

• Mechnïaeth a remand i bobl ifanc (adran pobl ifanc)

• Pobl ifanc: mynd i’r llys ar ôl cael eich cyhuddio o drosedd (adran pobl ifanc)

Cael cyngor cyfreithiol - llinell gymorth cyngor cyfreithiol am ddim

Os bydd eich plentyn yn wynebu cyhuddiadau troseddol neu'n gorfod mynd i'r llys, mae'n bwysig eich bod yn siarad â chynghorydd profiadol.

Mae Canolfan Gyfreithiol y Plant yn cynnig cyngor am ddim ar ystod eang o faterion. Llinell gymorth 0845 120 2948 rhwng 09.00 am a 5.00 pm bob dydd.

• Gwefan Canolfan Gyfreithiol y Plant Opens new window

Ar gyfer gwasanaethau cyfreithiol a chyngor yn eich ardal, dilynwch y ddolen isod ‘Ble i gael cyngor cyfreithiol’.

• Ble i gael cyngor cyfreithiol (adran llywodraeth, dinasyddion a hawliau)

Mwy o ddolenni defnyddiol

• ChildLine Opens new window

• Dod o hyd i’ch tîm troseddau ieuenctid lleol Opens new window

Cysylltiadau defnyddiol

• Cyngor Ar Bopeth

• Gwasanaeth Llysoedd Ei Mawrhydi

• Canolfan Gyfreithiol y Plant