Gwefan llywodraeth y DU

Gallwch adnewyddu eich trwydded yrru Brydeinig gyfredol ar-lein:

• os oes gennych drwydded Brydeinig sydd eisoes wedi dod i ben neu a fydd yn dod i ben o fewn 90 diwrnod
• os ydych chi'n byw yng Ngwledydd Prydain
• os ydy eich golwg yn ddigon da i fodloni'r gofyniad sylfaenol
• os nad ydych wedi’ch rhwystro rhag gyrru ar hyn o bryd am unrhyw reswm
• os oes gennych basbort dilys y DU neu brawf arall o bwy ydych chi (os ydych yn cyfnewid trwydded bapur)
• os gallwch ddweud lle rydych chi wedi byw dros y tair blynedd diwethaf

Ni fyddwch yn gallu gwneud cais ar-lein os yw’ch enw wedi newid. I wneud cais i newid eich enw mae angen i chi wneud cais drwy’r post gan ddefnyddio ffurflen gais D1. Am ragor o wybodaeth ar sut i newid eich enw ar eich trwydded yrru, defnyddiwch y ddolen isod.

• Newid eich enw a'ch cyfeiriad ar eich trwydded yrru

Os ydych am adnewyddu’r llun ar eich trwydded fel rhan o’ch cais rhaid i chi ddarparu pasbort a gyhoeddwyd o fewn y pum mlynedd diwethaf. Nid yw'n bosib defnyddio'r gwasanaeth ar-lein os ydych am adnewyddu:

• eich hawl i yrru cerbydau maint canolig (C1)
• eich hawl i yrru bws mini (D1) ar eich trwydded

I gael gwybod mwy, gweler y cymorth cyferbyn.

Ei wneud ar y we – ei wneud yn gyflymach

Sicrhewch fod y canlynol gennych wrth law cyn i chi barhau:

• eich trwydded yrru
• eich pasbort y DU os oes gennych un
• eich rhif Yswiriant Gwladol os oes gennych un
• manylion cyfeiriadau blaenorol

Bydd DVLA yn ceisio anfon eich trwydded yrru atoch o fewn dwy wythnos ar ôl i chi gyflwyno eich cais.

* Nodwch: Os byddwch yn gwneud cais ar-lein does dim rhaid i chi lenwi a dychwelyd eich ffurflen atgoffa D46.