Gwefan llywodraeth y DU

Beth sy'n rhan o wasanaeth ar-lein di-dâl Cyllid a Thollau EM

Gallwch anfon eich prif Ffurflen Dreth Hunanasesu (SA100) ar-lein yn ddi-dâl drwy ddefnyddio gwasanaeth Hunanasesu Cyllid a Thollau EM. Gallwch hefyd ddefnyddio’r gwasanaeth hwn i anfon gwybodaeth ynghylch yr incwm a’r enillion canlynol, i gefnogi eich prif ffurflen dreth:

• cyflogaeth
• hunangyflogaeth
• partneriaeth – i roi gwybod am yr incwm a gewch fel partner
• eiddo yn y DU
• enillion cyfalaf
• tramor

Dim ond yr incwm ac enillion a restrir uchod y mae gwasanaeth Hunanasesu di-dâl Cyllid a Thollau EM yn delio â nhw.

Gallwch ddefnyddio meddalwedd fasnachol i anfon ffurflenni treth eraill a gwybodaeth ategol ar-lein. Er enghraifft, os ydych yn anfon Ffurflen Dreth ar gyfer Ymddiriedolaethau ac Ystadau neu’r Ffurflen Dreth ar gyfer Partneriaeth, bydd angen i chi ddefnyddio meddalwedd fasnachol.

Bydd angen i chi gofrestru ar gyfer Gwasanaethau Ar-lein Cyllid a Thollau EM cyn y gallwch chi anfon eich ffurflen dreth ar-lein.

• Cofrestru ar gyfer Gwasanaethau Ar-lein Cyllid a Thollau Opens new window

Beth sy'n rhan o feddalwedd fasnachol

Gallwch anfon y ffurflenni treth canlynol ar-lein drwy ddefnyddio meddalwedd y gallwch brynu gan gyflenwyr masnachol:

• SA100 – Ffurflen Dreth (ar gyfer unigolion – gan gynnwys y rheini sy’n hunangyflogedig)
• SA800 – Ffurflen Dreth ar gyfer Partneriaeth
• SA900 – Ffurflen Dreth ar gyfer Ymddiriedolaethau ac Ystadau

Mae cynhyrchion y meddalwedd fasnachol hefyd yn gadael i chi anfon rhai, neu’r cyfan, o’r tudalennau canlynol ar-lein – mae’r rhain yn cefnogi eich ffurflen dreth bersonol (SA100):

• cyflogaeth
• hunangyflogaeth
• partneriaeth - i roi gwybod am yr incwm a gewch fel partner
• eiddo yn y DU
• gwybodaeth ychwanegol
• incwm tramor
• incwm o ymddiriedolaethau
• enillion cyfalaf
• di-breswyl
• Gweinidog yr efengyl
• tanysgrifwyr Lloyd's

Dilynwch y ddolen isod i gael rhestr o feddalwedd fasnachol. Mae pob cyflenwr meddalwedd wedi llwyddo i ddangos y gallu i gyflwyno ffurflen dreth 2011-12 a'r tudalennau atodol i Gyllid a Thollau EM.

Nid yw Cyllid a Thollau EM yn argymell un cynnyrch neu wasanaeth arbennig dros un arall, felly bydd yn rhaid i chi ddewis eich hun. Wrth gymharu cyflenwyr, gallech edrych ar bethau megis y nodweddion ychwanegol a gynigant, pa mor hawdd yw'r rhaglen i'w defnyddio a safon y cymorth a roddir.

Mae angen i chi fod wedi cofrestru ar gyfer Gwasanaethau Ar-lein Cyllid a Thollau EM cyn y gallwch chi ddefnyddio meddalwedd fasnachol i anfon eich ffurflen dreth ar-lein.

• Deall a defnyddio Hunanasesu Ar-lein – cael gwybod sut mae cofrestru

• Meddalwedd Hunanasesu gan gyflenwyr masnachol Opens new window

• Cofrestru ar gyfer gwasanaethau Cyllid a Thollau Ei Mawrhydi Ar-lein Opens new window

Ffurflenni treth na allwch eu hanfon ar-lein

Ar hyn o bryd, nid oes gwasanaeth na meddalwedd ar gael i anfon y ffurflenni canlynol ar-lein:

• SA700 – Ffurflen Dreth i Gwmnïau Dibreswyl
• SA970 – Ymddiriedolwyr Cynlluniau Pensiwn Cofrestredig

Hefyd ceir rhai achosion eithriadol ble na allwch anfon eich ffurflen dreth bersonol ar-lein. Mae hyn oherwydd nid yw’r tudalennau ychwanegol y bydd angen i chi eu llenwi ar gael ar-lein. Gweler yr adrannau uchod i gael gwybod pa dudalennau sydd ar gael.

Mae’n rhaid i chi anfon y rhain fel ffurflenni papur. Gan nad oes modd i chi eu hanfon ar-lein, mae'r dyddiad cau ar gyfer cyflwyno'r ffurflenni papur hyn yr un fath â'r dyddiad cau ar gyfer ffurflenni ar-lein, sef 31 Ionawr.

• Dyddiadau cau ar gyfer Hunanasesu - cael gwybod mwy

Dechrau arni gyda Gwasanaethau Ar-lein Cyllid a Thollau EM

Cofrestru ar gyfer Gwasanaethau Ar-lein Cyllid a Thollau EM

Bydd rhaid i chi gofrestru i ddefnyddio Gwasanaethau Ar-lein Cyllid a Thollau EM cyn y gallwch anfon eich ffurflen dreth ar-lein am y tro cyntaf. Bydd angen i chi wneud hyn p'un ai gwasanaeth Hunanasesu di-dâl Cyllid a Thollau EM ynteu feddalwedd fasnachol yr ydych yn ei defnyddio.

• Cofrestru ar gyfer Hunanasesu i gael ffurflen dreth

• Cofrestru i ddefnyddio Gwasanaethau Ar-lein Cyllid a Thollau EM Opens new window

Prif nodweddion Gwasanaethau Ar-lein Cyllid a Thollau EM

Gallwch ddefnyddio Gwasanaeth Ar-lein Cyllid a Thollau EM i wneud y canlynol:

• anfon eich ffurflen dreth ar-lein
• gweld a newid eich manylion cyswllt
• anfon e-bost diogel i ofyn cwestiwn i Gyllid a Thollau EM
• gweld eich taliadau Hunanasesiad ac unrhyw symiau sy’n ddyledus i chi gan Gyllid a Thollau EM

• Darllen mwy am ddefnyddio Hunanasesu Ar-lein

Llenwi eich ffurflen dreth ar adeg sy'n hwylus i chi

Mae’r gwasanaeth Hunanasesu di-dâl Cyllid a Thollau EM yn arbed eich ffurflen yn ddiogel wrth i chi weithio arni. Nid oes yn rhaid i chi lenwi eich ffurflen dreth ar-lein i gyd gyda'i gilydd. Gallwch lenwi rhan ohoni, ei chadw a dychwelyd ati'n ddiweddarach.

Gallwch ei hargraffu hefyd os dymunwch. Ni fydd neb arall yn gallu edrych ar eich ffurflen, nid hyd yn oed Cyllid a Thollau EM, nes byddwch wedi'i chyflwyno. Gallwch hefyd ei hargraffu os ydych am wneud hynny.
Os ydych yn defnyddio meddalwedd fasnachol, efallai y bydd modd i chi arbed eich gwaith ar eich cyfrifiadur eich hun. Os yw'r nodwedd hon yn bwysig i chi, sicrhewch ei bod ar gael cyn dewis eich meddalwedd.

Cymorth ar gyfer Gwasanaeth Ar-lein Cyllid a Thollau EM

Gallwch gael cymorth i ddefnyddio gwasanaeth Hunanasesu di-dâl Cyllid a Thollau EM gan y Ddesg Gymorth Gwasanaethau Ar-lein. Ni fyddant yn gallu i helpu gyda meddalwedd gan gyflenwyr masnachol.

• Cysylltu â’r Ddesg Gymorth Gwasanaethau Ar-lein Opens new window

Mwy o ddolenni defnyddiol

• Tudalen Mewngofnodi i Wasanaethau Ar-lein Cyllid a Thollau EM Opens new window

Cysylltiadau defnyddiol

• Hunanasesiad a’ch ffurflen dreth