Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Y cartref a’r gymuned - Nodwch, os gwelwch yn dda, na ddiweddarir yr adran hon bellach

Sut i leihau'r perygl o gwympo a baglu

Mae pobl yn cwympo ac yn baglu yn arwain at nifer fawr o anafiadau yn y cartref. Trwy ddilyn rhai canllawiau syml, gallwch helpu i leihau'r risg i chi a'ch teulu.

Sut i ddelio gyda chwympiadau a baglu

Mae'r dull gweithredu pum cam ar gyfer asesu risg yn darparu fframwaith defnyddiol wrth ddelio gyda chwympiadau a baglu:

chwiliwch o gwmpas am unrhyw beth allai achosi damwain, er enghraifft, lloriau llithrig
penderfynwch pwy sydd mewn perygl
cymerwch fesurau ataliol
cadwch gofnod o'r hyn yr ydych wedi'i newid
dylech fonitro eich mannau byw yn barhaus - a chadw nodyn o'r holl beryglon posibl

Achosir damweiniau yn y cartref yn aml gan y canlynol:

llwybrau cerdded wedi'u trefnu'n wael
goleuadau anaddas/annigonol
gweithdrefnau glanhau anghywir
symud/codi llwyth
rhuthro o gwmpas
blinder
golwg wael, sbectol amrywiol ei ffocws
meddyginiaeth a all arwain at benysgafnder

Chwiliwch am y peryglon hyn:

hylifau a solidau wedi gollwng neu wedi tasgu
lloriau gwlyb
esgidiau anaddas
matiau/ceriach ar y lloriau
tywydd garw
newid o arwyneb gwlych i sych
gorchudd/arwyneb llawr anaddas
lloriau llychlyd
arwynebau ar oledd

Gall y peryglon o ran baglu fod yn broblem ymhob cartref, yn enwedig mewn cartrefi gyda lloriau pren agored. Dylech gadw llygad am:

orchudd llawr neu lawr rhydd
gorchudd llawr wedi treulio
tyllau, craciau
arwynebau anwastad y tu allan
newidiadau yn lefelau arwynebau
ceblau’n llusgo
rhwystrau

Sut i helpu'ch hun a'r bobl o'ch cwmpas

Gallwch helpu eich lles cyffredinol a helpu i leihau'r risg o syrthio a baglu trwy gadw'n iach ac yn gorfforol weithgar. Ffordd dda o gryfhau'ch cyhyrau a gwella'ch cydbwysedd yw ymarfer yn rheolaidd.

Mae ymarfer yn bwysig i bobl hŷn, sy'n fwy tebygol o faglu yn y cartref. Does dim rhaid i chi fynd i'r gampfa i gadw'n gorfforol weithgar. Gall tasgau syml megis garddio, gwaith tŷ rheolaidd a cherdded roi hwb i'ch lefelau ynni a gwella symudiad a chydbwysedd.

Pobl hŷn - cael cymorth a chyngor

Sicrhewch eich bod yn gwneud asesiad risg o holl ystafelloedd eich cartref. Er enghraifft, oes gennych chi ganllaw ar gyfer y baddon neu ydy'r gegin yn rhydd o unrhyw geriach ac wedi'i goleuo'n ddigonol?

Os ydych yn pryderu am unrhyw agwedd o'ch cartref, gallwch gael cyngor arbenigol gan eich cyngor lleol, a all fod yn gweithredu cynllun diogelwch yn y cartref. Gellir cael rhagor o gymorth arbenigol gan fudiadau megis Help the Aged, sy'n darparu pecynnau gwybodaeth a thaflenni ffeithiau cynhwysfawr.