Gwefan llywodraeth y DU

Dod o hyd i blot o dir

Dyma rai awgrymiadau ar gyfer dod o hyd i blot o dir:

• ymuno â grŵp o hunan-adeiladwyr posibl eraill a phrynu plot datblygu mwy
• cysylltu â datblygwyr a gofyn a oes ganddynt blotiau unigol o dir y byddent yn fodlon eu gwerthu
• cysylltu â'r cyngor lleol rhag ofn fod ganddynt blotiau ar werth
• cysylltu â gwerthwyr tir posibl eraill - weithiau mae cwmnïau gwasanaethau megis cwmnïau dŵr, nwy a thrydan yn gwerthu tir
• cynlluniau rhan-berchnogaeth hunan-adeiladu gan y Gorfforaeth Dai
• cysylltu â gwerthwyr tai a thir lleol
• cysylltu ag asiantaethau sy'n arbenigo mewn dod o hyd i dir a datblygwyr plotiau
• chwilio am blotiau sy'n cynnwys adeilad o ansawdd gwael neu adeilad hyll y gellid eu dymchwel
• asesu'r potensial ar gyfer adeiladu mewn gardd gefn neu ochr fawr

Gwnewch gymaint o ymchwil ag y gallwch, er enghraifft, mae Asiantaeth y Swyddfa Brisio (VOA) yn darparu adroddiadau ar y farchnad eiddo ddwywaith y flwyddyn a cheir adran ar dir adeiladu preswyl sy'n darparu gwybodaeth megis prisiau a pholisi cynllunio ar draws y DU. Mae'r Gofrestr Tir Ar-lein yn eich galluogi chi i chwilio'r gofrestr a chwilio am wybodaeth am gynlluniau teitl eiddo sydd wedi'u cofrestru yng Nghymru a Lloegr y gellir eu pennu gyda chyfeiriad.

• Adroddiadau Asiantaeth y Swyddfa Brisio (VOA) ar y farchnad eiddo Opens new window

• Cofrestr Tir Ar-lein Opens new window

• Y Gorfforaeth Dai Opens new window

Asesu plot o dir

Dyma rai awgrymiadau gan y Cyngor Cenedlaethol Adeiladu Tai (NHBC) ar gyfer asesu plot o dir.

Cyn i chi brynu plot o dir, gwnewch yn siŵr fod caniatâd cynllunio amlinellol dilys ar ei gyfer. Ond cofiwch - nid yw caniatâd cynllunio'n golygu y bydd adeiladu'n bosibl. Gall cyfamodau cyfyngu fod yn rhwym wrth dir gyda chaniatâd a all gyfyngu ar yr hyn y gallwch ei wneud gyda'r tir. Os yw'r safle'n gorwedd uwchben gwaith mwyngloddio neu hen dwneli, efallai y bydd yr adeiladu'n ddrud.

Trefnwch werthusiad safle o'r tir. Bydd hyn yn asesu pa mor addas yw'r tir i adeiladu arno, a bydd yn cynnwys tystiolaeth o broblemau posibl y defnydd blaenorol o'r tir, megis hen sylfeini, ffynhonnau, gweithrediadau tipio, ac yn y blaen.

Ystyriwch brynu plot o dir sydd eisoes yn cynnwys adeilad gwael ac wedyn adeiladu rhywbeth newydd. Er y gall y gost gychwynnol fod yn uwch na chost plot gwag, efallai y gallwch fanteisio ar y gwasanaethau sydd eisoes yno megis ffyrdd, trydan a nwy. Efallai y bydd system ddraenio a system cyflenwad dŵr yno'n barod, a fydd yn arbed symiau sylweddol o arian.

Cyn ichi ddechrau gwario unrhyw arian na chyflogi contractwyr, trowch eich hun yn arbenigwr. Ceisiwch gael gafael ar gymaint o wybodaeth ag y gallwch ar bob agwedd ar hunan-adeiladu trwy wneud gwaith ymchwil. Y mwyaf o wybodaeth sydd gennych, y lleiaf tebygol y byddwch o wneud camgymeriadau.

• Caniatâd cynllunio

• Dod o hyd i’ch cyngor lleol

• Cymorth gyda ffeiliau PDF