Gwefan llywodraeth y DU

Help i dalu am gwrs sy'n gwella eich rhagolygon gyrfa

Ydych chi'n meddwl y byddai mynd yn ôl i astudio yn rhoi hwb i'ch rhagolygon gyrfa? Ydych chi'n bwriadu newid gyrfa ond bod angen i chi ailhyfforddi? Ydych chi eisoes yn astudio ond bod arnoch eisiau datblygu eich sgiliau ymhellach drwy ddilyn cwrs ychwanegol?

Gallai Benthyciad Proffesiynol a Datblygu Gyrfa eich helpu i dalu am gwrs sy'n gwella eich rhagolygon gyrfa.

Sut mae Benthyciadau Proffesiynol a Datblygu Gyrfa yn gweithio

Mae'r Cyngor Dysgu a Sgiliau yn talu'r llog ar eich benthyciad tra byddwch yn astudio Benthyciad banc yw'r Benthyciad Proffesiynol a Datblygu Gyrfa. Byddwch yn gwneud cytundeb gyda banc sy'n rhan o'r cynllun i fenthyg swm rhwng £300 a £10,000. Ar ôl i'ch cwrs ddod i ben, byddwch yn talu'r arian yn ôl yn y ffordd arferol.

Y gwahaniaeth gyda Benthyciad Proffesiynol a Datblygu Gyrfa yw bod y Cyngor Dysgu a Sgiliau yn talu'r llog ar y benthyciad tra byddwch yn astudio – ac am fis ar ôl hynny.

Ar ôl hyn, byddwch yn talu llog ar y gyfradd a bennwyd pan drefnwyd y benthyciad. Caiff cyfraddau llog ar y benthyciadau eu pennu fel eu bod yn gystadleuol â benthyciadau personol 'heb eu gwarantu' eraill sydd ar gael yn fasnachol.

Ar hyn o bryd, mae banciau yn cynnig Benthyciadau Proffesiynol a Datblygu Gyrfa ar gyfradd is i gwsmeriaid o 9.9% y flwyddyn, sy’n gyfatebol i gyfradd ganrannol flynyddol o 5.6% dros oes y benthyciad. Fodd bynnag, gall cyfraddau llog amrywio o fanc i fanc. Am fwy o wybodaeth, cysylltwch â’r banciau sy’n cymryd rhan.

Peidiwch ag anghofio nad yw Benthyciad Proffesiynol a Datblygu Gyrfa i bawb a bod mathau eraill o gymorth ariannol ar gael. Gweler ‘Cymorth gyda chostau dysgu: cyflwyniad’ am fanylion.

• Cymorth gyda chostau dysgu: cyflwyniad

Sut y gallwch ddefnyddio Benthyciad Proffesiynol a Datblygu Gyrfa

Dyma'r cyrsiau y gallwch gael Benthyciadau Proffesiynol a Datblygu Gyrfa ar eu cyfer

Gall Benthyciad Proffesiynol a Datblygu Gyrfa helpu i ariannu ystod eang o gyrsiau sy'n para hyd at ddwy flynedd (neu dair blynedd os yw'r cwrs yn cynnwys blwyddyn o brofiad gwaith).

Nid oes rhaid i'r cwrs arwain at gymhwyster, ond rhaid iddo fod o fudd i'ch gyrfa. Cewch wybodaeth fanwl yn y pecyn cais, ond yn gyffredinol gallai Benthyciad Proffesiynol a Datblygu Gyrfa fod yn opsiwn ar gyfer:

• cwrs ôl-radd, fel cwrs meistr
• hyfforddiant rheoli neu dechnegol
• cymhwyster proffesiynol
• cwrs yn eich coleg lleol neu ddarparwr dysgu
• gradd baglor ychwanegol (os ydych eisoes wedi graddio)

Costau y gallwch ddefnyddio Benthyciad Proffesiynol a Datblygu Gyrfa ar eu cyfer

Gallwch ddefnyddio Benthyciad Proffesiynol a Datblygu Gyrfa ar gyfer:

• ffioedd y cwrs (hyd at 80 y cant o'r cyfanswm – neu hyd at 100 y cant os ydych yn ddi-waith ers tri mis)
• costau eraill y cwrs, fel llyfrau, teithio a gofal plant
• costau byw, fel rhent, bwyd a dillad (os ydych yn ddi-waith neu'n gweithio llai na 30 awr yr wythnos)

Pethau na chewch ddefnyddio Benthyciad Proffesiynol a Datblygu Gyrfa ar eu cyfer

Bwriad Benthyciadau Proffesiynol a Datblygu Gyrfa yw eich helpu gyda chostau nad yw ffynonellau eraill o arian cyhoeddus yn talu amdanynt.

Er enghraifft, ni allech gael benthyciad os ydych yn bwriadu astudio ar sail amser llawn am radd dosbarth cyntaf (oherwydd mae pecyn ar wahân o Fenthyciadau Myfyrwyr ar gael).

Fodd bynnag, os ydych chi'n cael cyfraniad at eich costau efallai y bydd modd i chi Benthyciad Proffesiynol a Datblygu Gyrfa i dalu am y gweddill. Er enghraifft, os ydych chi'n cael grant ar gyfer ffioedd y cwrs, gallech wneud cais am fenthyciad i gael help gyda'ch costau byw.

Ceir amodau eraill hefyd. Er enghraifft, ni allwch ddefnyddio Benthyciad Proffesiynol a Datblygu Gyrfa i helpu i dalu am y canlynol:

• cwrs mynediad neu sylfaenol sy'n gam at gwrs gradd (ond, byddai cwrs sylfaenol annibynnol, sy'n arwain at swydd ynddo'i hun, yn gymwys)
• y Diploma Graddedig yn y Gyfraith (a elwir hefyd fel yr Arholiad Proffesiynol Cyffredin) oherwydd bod y cwrs hwn yn gallu arwain at y Cwrs Ymarfer Cyfreithiol neu Gwrs Galwedigaeth Bar
• cyngor gyrfa neu help i chwilio am swydd
• costau rhedeg neu sefydlu busnes (er enghraifft, marchnata neu brynu trwydded masnachfraint)

Felly, darllenwch y manylion yn y pecyn cais, a gofynnwch am gyngor os ydych yn ansicr a yw'ch cwrs yn gymwys.

Angen rhywun i siarad â nhw?

I gael cyngor ar eich cais, ffoniwch 0800 585 505. Gallwch hefyd gael cynghorydd i'ch ffonio yn ôl am ddim, neu gallwch gysylltu drwy neges e-bost.

• Trefnu i gael galwad ffôn yn ôl am ddim gan gynghorydd Benthyciadau Proffesiynol a Datblygu Gyrfa Opens new window

• Anfon e-bost at gynghorydd Benthyciadau Proffesiynol a Datblygu Gyrfa Opens new window

Allech chi gael Benthyciad Proffesiynol a Datblygu Gyrfa?

I fod yn gymwys bydd angen i chi fod:

• yn 18 neu'n hŷn
• wedi 'ymgartrefu' yn y DU, a'ch bod yn preswylio fel arfer yn y DU ers tair blynedd o leiaf cyn dechrau ar eich rhaglen ddysgu
• yn bwriadu gweithio yn y DU, yn yr UE neu yn AEE ar ôl i'r cwrs ddod i ben

Mae 'ymgartrefu' yn golygu naill ai 'caniatâd amhenodol' i ddod i'r DU neu i aros yn y DU, neu fod â'r hawl i breswylio yn y DU.

Cofiwch: hyd yn oed os byddwch yn bodloni'r amodau hyn, y banc fydd yn dal i benderfynu a fu eich cais yn llwyddiannus ai peidio. Bydd penderfyniad y banc yn dibynnu ar i ba raddau yr ydych yn bodloni eu meini prawf penodol ar gyfer rhoi benthyg arian.

Cael y ffeithiau am ad-dalu Benthyciadau Proffesiynol a Datblygu Gyrfa

Gallwch fenthyg unrhyw swm rhwng £300 a £10,000.

Bydd angen i chi gytuno â'r banc ar faint y benthyciad cyn i chi wneud cais. Mae'n hollbwysig i chi fod yn realistig, ac i beidio â benthyg mwy nag y gallwch fforddio ei dalu'n ôl.

• Ad-dalu Benthyciad Proffesiynol a Datblygu Gyrfa

Cofiwch nad yw Benthyciadau Proffesiynol a Datblygu Gyrfa yn iawn i bawb: gweler 'Sut i wneud cais am Fenthyciad Proffesiynol a Datblygu Gyrfa' i gael mwy o awgrymiadau ar beth y dylech ei ystyried.

Cael pecyn cais

• Sut i wneud cais am Fenthyciad Proffesiynol a Datblygu Gyrfa

Mwy o ddolenni defnyddiol