Gwefan llywodraeth y DU

Sut y gall Gofal i Ddysgu eich helpu chi

Os ydych chi'n rhiant ifanc, gall Gofal i Ddysgu helpu i dalu am ofal plant a chostau teithio cysylltiedig tra'ch bod chi'n dysgu.

Chi sydd i benderfynu pa bwnc neu gwrs yr ydych am ei ddilyn. Er enghraifft, gallwch ddewis a ydych yn dymuno cael cymhwyster ai peidio, a p'un ai mewn coleg neu drwy weithio yr ydych am ddysgu.

Lle bynnag y byddwch yn penderfynu dysgu, gallwch fod yn hyderus bod eich plentyn yn cael ei warchod yn ddiogel.

A hoffech chi siarad â rhywun am Ofal i Ddysgu?

Cewch lawer o wybodaeth am Ofal i Ddysgu ar y tudalennau hyn. Ond os bydd gennych fwy o gwestiynau - neu os hoffech gael help gyda'ch ffurflen gais - gallwch naill ai:

• ffonio'r llinell gymorth Cefnogaeth i Ddysgwyr ar 0800 121 8989
• cysylltu â'ch Cynghorydd Connexions Personol

• Llinell gymorth Cefnogi Dysgwyr

• Dod o hyd i Gynghorydd Personol Connexions yn eich ardal Opens new window

Beth allwch chi ei ddysgu

Pan fyddwch yn cael Gofal i Ddysgu, eich penderfyniad chi yw beth yr ydych am ei ddysgu.

Gallech ddewis mynd ar gwrs neu ymgymryd â rhaglen ddysgu sy'n para am ychydig ddyddiau'n unig, neu un sy'n para am nifer o flynyddoedd. Nid oes oriau pendant, felly gallech astudio'n rhan-amser neu'n llawn amser.

Tra'ch bod yn dysgu, gallech helpu i adeiladu gwell dyfodol i chi a'ch teulu. Mae mwy a mwy o gyflogwyr yn chwilio am bobl sydd â lefelau sgiliau a chymwysterau uwch, a dengys yr ymchwil diweddaraf fod pobl sydd â chymwysterau yn tueddu i ennill mwy na'r rhai sydd heb gymwysterau.

Byddwch hefyd yn cwrdd â phobl newydd ac yn gwneud ffrindiau newydd, yn cael mynd allan o'r tŷ ac yn cael cyfle i fagu mwy o hyder a bod yn fwy annibynnol efallai.

Y peth pwysicaf yw eich bod yn dewis rhywbeth sy'n gweddu i chi ac sydd o ddiddordeb i chi.

Dod o hyd i gwrs

Mae miloedd o gyfleoedd ar gael, yn amrywio o gyrsiau byr yn y gymuned a fyddai'n helpu i roi hwb i'ch hyder, i gwrs dwy flynedd yn eich coleg lleol.

Does dim rhaid i chi astudio cwrs sy'n arwain at gymhwyster. Yr unig beth sydd angen i chi ei wneud yw dewis cwrs dysgu sy'n cael cyllid cyhoeddus.

Os ydych chi'n chwilio am syniadau neu am ysbrydoliaeth ynghylch pa fath o gwrs dysgu i fynd arno, ewch i ‘Dewisiadau yn 16: beth sy’n iawn i chi’ neu gysylltu â Connexions Direct:

• Connexions Direct: 080 800 13219

• Dewisiadau yn 16 oed: beth sy'n addas i chi

• Cysylltu â Connexions Direct Opens new window

Gofal Plant: Pwy sy’n gofalu am eich plentyn

Gall gadael i rywun arall ofalu am eich plentyn fod yn gam mawr.

Mae Gofal i Ddysgu'n helpu drwy adael i chi ddewis y math o ofal plant sy'n addas i chi ac i'ch plentyn. Gallwch, er enghraifft, ei ddefnyddio i dalu am ofal plant yn unrhyw un o'r lleoliadau canlynol:

• gyda gwarchodwr plant
• mewn cylch chwarae cyn-ysgol
• mewn meithrinfa ddydd
• mewn clwb y tu allan i'r ysgol
• gofal plant cofrestredig arall

Mae'n rhaid i'r darparwr gofal plant fod ar ran gorfodol Cofrestr Gofal Plant Ofsted neu ar y Gofrestr Blynyddoedd Cynnar. Rhaid i ddarparwyr gofal plant cofrestredig fodloni'r safonau cenedlaethol, ac fe fyddant yn cael eu harchwilio'n rheolaidd i wneud yn siŵr eu bod yn darparu gwasanaeth gofal o safon.

Os oes gennych unrhyw bryderon am les neu ddiogelwch eich plentyn, gallwch gysylltu â'r llinell gymorth Cefnogaeth i Ddysgwyr ar 0800 121 8989.

• Dewis gofal plant (adran rhieni)

• Llinell gymorth Cefnogi Dysgwyr

Dod o hyd i ofal plant

Os nad ydych yn sicr pa fath o ofal plant i'w ddefnyddio, gofynnwch am gyngor – mae holi eich Cynghorydd Connexions Personol neu'ch Gwasanaeth Gwybodaeth Teulu lleol yn lle da i ddechrau.

Gallant helpu i drefnu eich bod yn cael ymweld â gwahanol ddarparwyr gofal plant, fel y gallwch ddod o hyd i'r un sy'n diwallu'ch anghenion orau.

Yn ystod yr ymweliad, gwnewch yn siŵr eich bod yn fodlon bod y lle yn addas ar gyfer eich plentyn chi. Efallai yr hoffech holi am y pethau hyn:

• beth fyddant yn ei wneud yn ystod diwrnod arferol
• beth sy'n digwydd pan mae'ch plentyn wedi ypsetio, pan mae eisiau bwyd arno neu pan mae angen newid ei glwt
• sut mae'r gofal plant yn cael ei drefnu o amgylch diwrnod ysgol eich plentyn

Holwch y darparwr gofal plant i gael copi o'u llyfryn gwybodaeth ar gyfer rhieni. Bydd yn cynnwys manylion beth y byddant yn ei wneud mewn gwahanol amgylchiadau.

Mae llyfryn 'Cod Ymarfer Gofal i Ddysgu' ar gael hefyd. Mae hwn wedi'i anelu at ddarparwyr gofal plant, ond gall eich helpu i benderfynu beth i'w drafod.

• Dod o hyd i Gynghorydd Personol Connexions yn eich ardal Opens new window

• Download Cod Ymarfer Gofal i Ddysgu oddi ar y we (PDF, 183K)

Y cam nesaf: cael gwybod a ydych chi'n gymwys

Os oes gennych ddiddordeb mewn gwneud cais am Ofal i Ddysgu, eich cam nesaf fydd canfod a ydych yn gymwys.

• Gofal i Ddysgu: ydych chi'n gymwys?