Gwefan llywodraeth y DU

Gofal i Ddysgu: cael trefn ar eich cais

Gwnewch gais am Ofal i Ddysgu cyn gynted ag y byddwch yn penderfynu beth yr ydych am ei wneud. Os ydych chi am elwa o'r cynllun dylech wneud yn siŵr eich bod yn dechrau’ch cwrs cyn eich pen-blwydd yn 20 oed.

Er mwyn talu eich darparwr gofal plant o'r diwrnod y byddwch yn dechrau’ch cwrs, bydd angen i chi wneud cais cyn i'ch cwrs dysgu ddechrau - neu o fewn 28 diwrnod ers iddo ddechrau.

Mae'r ceisiadau'n gyflym ac yn hawdd. Fodd bynnag, os bydd angen help arnoch gallwch gysylltu ag un o'r canlynol:

• Cynghorydd Connexions Personol
• eich coleg, eich ysgol neu ddarparwr yr hyfforddiant

I gael gwybodaeth gyffredinol ynghylch pwy sy'n gymwys ar gyfer Gofal i Ddysgu, cysylltwch â'r llinell gymorth Cefnogaeth i Ddysgwyr ar 0800 121 8989.

• Cysylltu â'ch Cynghorydd Connexions Personol Opens new window

• Llinell gymorth Cefnogaeth i Ddysgwyr

Cyn i chi wneud cais

Pan fyddwch yn gwneud cais am Ofal i Ddysgu, bydd angen i chi wybod:

• pa gwrs neu raglen ddysgu rydych yn gwneud cais amdani
• pa ofal plant rydych yn bwriadu ei ddefnyddio

Fodd bynnag, nid oes angen cadarnhau eich lle ar y cwrs.

Cael pecyn gwneud cais am Ofal i Ddysgu

I gael pecyn gwneud cais am Ofal i Ddysgu, cysylltwch â'r llinell gymorth Cefnogaeth i Ddysgwyr ar 0800 121 8989.

Mae'r pecyn gwneud cais yn disodli'r ffurflen PDF, nad yw ar gael mwyach. Mae'r ffurflen PDF wedi'i disodli gan nad oedd bob amser yn glir pan oedd yn cael ei hargraffu - a oedd weithiau'n achosi oedi wrth ei phrosesu.

• Llinell gymorth Cefnogaeth i Ddysgwyr

Llenwi ffurflen gais Gofal i Ddysgu

Mae angen i chi lenwi ffurflen gais. Os bydd angen cymorth arnoch, holwch eich Ymgynghorydd Connexions, eich rhieni neu eich gofalwr – a darllenwch y nodiadau cyfarwyddyd a ddaw gyda'r ffurflen.

Rhaid i'r ffurflen hon gael ei llenwi:

• gennych chi
• gan eich darparwr dysgu (ysgol, coleg neu ddarparwr yr hyfforddiant)
• gan eich darparwr gofal plant

Bydd angen hefyd i’ch darparwr dysgu a darparwr gofal plant lofnodi eu rhannau nhw o’r ffurflen.

Bydd angen i chi fynd â thystysgrif geni eich plentyn (neu lythyr budd-daliadau eich plentyn) i ddarparwr y cwrs wneud llungopi ohonynt. Bydd angen i'r darparwr gofal plant hefyd anfon copi o'u tystysgrif cofrestru Ofsted gyda'r cais.

Os ydych yn cael cymorth i lenwi’r ffurflen

Os ydych yn cael cymorth gan Ymgynghorydd Personol Connexions neu weithiwr cefnogaeth arall, gallwch ofyn iddynt hwy gael eu cysylltu am unrhyw gwestiynau dilynol am eich cais.

Os ydych eisiau hyn, dwedwch hynny ar eich ffurflen a rhowch ei fanylion cysylltu. Sicrhewch eich bod yn gofyn iddynt yn gyntaf.

Beth sy’n digwydd ar ôl i chi ymgeisio

Ar ôl i'r gwasanaeth Cefnogaeth i Ddysgwyr gael eich ffurflen, byddant yn edrych a yw pob rhan ohoni wedi ei llenwi.

Oni fydd, caiff y ffurflen ei dychwelyd atoch gyda chais am yr wybodaeth sydd ar goll. Efallai yr anfonir y cais atoch dros e-bost (os ydych wedi rhoi cyfeiriad e-bost) neu drwy'r post. Os byddwch wedi rhoi'r holl wybodaeth ofynnol a'ch bod yn gymwys i gael Gofal i Ddysgu, bydd y gwasanaeth Cefnogaeth i Ddysgwyr yn ysgrifennu atoch chi a'ch darparwr gofal plant o fewn tair wythnos. Bydd y llythyr hwn yn cadarnhau beth fydd eich taliadau Gofal i Ddysgu a phryd y cânt eu gwneud.

Os nad ydych yn gymwys i gael Gofal i Ddysgu, cewch lythyr yn egluro pam.

Ddim yn fodlon gyda'r ffordd yr ymdriniwyd â'ch cais?

Os nad ydych yn fodlon gyda'r ffordd yr ymdriniwyd â'ch cais, ffoniwch y llinell gymorth Cefnogaeth i Ddysgwyr ar 0800 121 8989.

Caiff ei staffio gan gynghorwyr a fydd yn fwy na bodlon eich helpu i ddatrys eich problem.

• Llinell gymorth Cefnogaeth i Ddysgwyr

Os bydd eich amgylchiadau'n newid

Bydd angen i chi lenwi ffurflen 'newid mewn amgylchiadau' os bydd unrhyw newid i'r canlynol:

• eich manylion personol
• eich darparwr gofal plant - neu'r ffioedd y mae eich darparwr presennol yn eu codi
• y costau teithio rhwng eich cartref a'ch darparwr gofal plant
• eich cwrs neu'ch rhaglen ddysgu
• faint o oriau a dreuliwyd yn dysgu (efallai eich bod wedi anghofio cynnwys eich astudiaethau preifat, amser i adolygu ac amser i sefyll arholiadau)

I gael ffurflen newid mewn amgylchiadau, ffoniwch y llinell gymorth Cefnogaeth i Ddysgwyr ar 0800 121 8989.

Os byddwch yn gadael eich darparwr gofal plant presennol, efallai y bydd yn rhaid i chi roi mis o rybudd.

• Llinell gymorth Cefnogaeth i Ddysgwyr

I ble y dylech anfon eich ffurflen

Dylech anfon y ffurflen gais Gofal i Ddysgu a'r ffurflen newid mewn amgylchiadau wedi'u llenwi i'r cyfeiriad canlynol:

Care to Learn
Freepost RSAX-RXKX-GZBZ
Learner Support Service
Manceinion
M3 3JZ