Gwefan llywodraeth y DU

Ategolion moduro i bobl anabl

Mae'r ategolion hyn yn cynnwys:

Mae'r elusen ymchwil, Ricability, wedi cyhoeddi nifer o adroddiadau sy'n edrych yn fanwl ar y gwahanol fathau o addasiadau sydd ar gael i'ch helpu i yrru os oes gennych anabledd, gan gynnwys offer rheoli car, teclynnau codi pobl ac addasiadau er mwyn cael cadair olwyn i mewn i gar.

Mae'r canllawiau hefyd yn cynnwys manylion cyflenwyr sy'n gwneud addasiadau.

• Adroddiadau defnyddwyr symudedd gan Ricability Opens new window

I gael asesiad annibynnol o'r addasiadau y byddai eu hangen i ddiwallu'ch anghenion chi, cysylltwch â Fforwm y Canolfannau Symudedd.

• Gwefan Fforwm y Canolfannau Symudedd Opens new window

I gael gwybodaeth am gymorth ar gyfer ariannu eich addasiadau, cysylltwch â Motability.

• Gwefan Motability Opens new window

Addasu eich cerbyd ar gyfer anableddau yn rhan uchaf y corff

Os ydych wedi colli'r defnydd o un fraich neu os yw eich braich wedi gwanio, gallwch ystyried yr addasiadau canlynol:

Os oes gennych aelod artiffisial wedi'i osod o dan y benelin, gallwch yrru car gan ddefnyddio cysylltiad ceugrwm arbennig ar gyfer yr aelod a osodir dros y llyw neu'r ffon newid gêr.

Hyd yn oed os ydych wedi colli'r defnydd o'r ddwy fraich, gallwch barhau i yrru drwy addasu offer rheoli'r car. Gallech hefyd roi cynnig ar system lywio gyda'r droed.

Addasu cerbyd ar gyfer anableddau yn rhan isaf y corff

Os ydych wedi colli'r defnydd o un o'ch coesau neu os nad ydych yn gallu defnyddio un goes gystal, gallwch ystyried gwneud yr addasiadau canlynol:

• car gyda thrawsyriant awtomatig lle nad oes angen defnyddio cydiwr (clutch)
• symud y sbardun ar gar awtomatig i ochr chwith y brêc troed os oes gennych anabledd yn y goes dde
• cydiwr lled-awtomatig lle gallwch ddefnyddio blwch gêr llaw heb orfod defnyddio pedalau'r cydiwr (clutch)

Os ydych wedi colli'r defnydd o'r ddwy goes, gallwch ystyried addasiadau megis:

• offer rheoli â llaw, yn enwedig gyda thrawsyriant awtomatig
• cymorth llywio

Os byddwch yn addasu'ch cerbyd, neu os byddwch yn llogi neu'n prynu cerbyd wedi'i addasu, mae'n bwysig cael cyngor a hyfforddiant da ar ddefnyddio'r cerbyd. Mae hyn yn arbennig o bwysig ar gyfer addasiadau megis gosod sbardun ar gyfer y droed chwith.

Addasu'ch cerbyd ar gyfer mynediad haws

Mae ategolion ac addasiadau ar gael a all ei gwneud yn haws i chi fynd i mewn ac allan o'ch cerbyd. Gall hyn fod yn arbennig o bwysig os ydych yn defnyddio cadair olwyn.

Efallai y bydd modd i chi fynd i mewn i'ch car o ochr y gyrrwr, ochr y teithiwr neu o'r cefn . Bydd yr addasiadau y bydd eu hangen ar gyfer eich cerbyd yn dibynnu ar y ffordd y dewiswch fynd i mewn iddo.

Ar gyfer ochr y gyrrwr neu ochr y teithiwr, bydd angen drysau llydan a byddai cymorth llithro a swiflo yn fanteisiol hefyd.

Mae arbenigwyr ar addasu cerbydau'n cynhyrchu cerbydau sy'n hwylus i gadeiriau olwyn.

Trosglwyddo o gadair olwyn i'ch car

Gall fod yn anodd trosglwyddo o gadair olwyn i gar. Gallwch ddefnyddio bwrdd, beltiau codi neu godwyr coesau. Hefyd, mae 'na hoistiau, lifftiau i'ch codi chi a'ch cadair i mewn i'r car a cheir neu faniau wedi'u haddasu'n arbennig fel y gallwch lywio'ch cadair olwyn i mewn iddynt.

Cael gwybod sut i wneud cais am balmant isel yn lleol

Gall palmant isel ei gwneud yn haws i chi fynd o'ch car i'ch tŷ, os ydych yn gorfod parcio ar y ffordd. Bydd y gwasanaeth canlynol yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael gwybod sut i wneud cais am gael gosod palmant isel y tu allan i'ch cartref.

Nodir os gwelwch yn dda bod y gwasanaeth hwn ond ar gael i gynghorau yn Lloegr.

• Cael gwybod sut i wneud cais am balmant isel Opens new window

• Cynghorau lleol