Gwefan llywodraeth y DU

Os oes gennych ofalwr a bod angen cymorth ychwanegol arnoch bryd rydych yn dychwelyd i’ch cartref, gyda’ch caniatâd, gellir dangos iddynt unrhyw drefniadaeth arbennig a rhoi iddynt wybodaeth ynghylch eich anghenion gofal parhaol.

• Tai â chefnogaeth a chartrefi gofal

• Gwybodaeth i ofalwyr (adran gofalu am rywun)

Gofal parhaus (tymor hir) y GIG

Gall gofal parhaus gynnwys gofal iechyd a chymdeithasol. Mae 'gofal parhaus' y GIG a ariennir yn llawn yn becyn gofal a drefnir ac a ariennir yn llwyr gan y GIG. Er mwyn cael gafael ar y gofal hwn, rhaid i chi fodloni'r meini prawf cymhwysedd a bennir gan eich awdurdod iechyd strategol. Os bydd staff yn teimlo eich bod yn gymwys, byddant yn gwneud cais ar eich rhan.

Mae 'gofal iechyd a chymdeithasol parhaus' yn becyn gofal lle darperir gwasanaethau gan y GIG a gofal cymdeithasol.

Os byddwch yn bodloni meini prawf eich awdurdod iechyd strategol ar gyfer gofal parhaus y GIG, bydd y GIG yn talu am eich holl anghenion gofal. Gallai hyn fod mewn cartref gofal neu weithiau yn eich cartref eich hun.

Os na fyddwch yn bodloni meini prawf eich awdurdod iechyd strategol am ofal parhaus y GIG, efallai y bydd dal gennych hawl i gael cefnogaeth gan sefydliadau iechyd megis eich ymddiriedolaeth gofal sylfaenol leol a'ch awdurdod lleol. Pan fyddant wedi asesu eich bod yn barod i adael yr ysbyty, dylai'r tîm sy'n gyfrifol am y broses drefnu asesiadau er mwyn canfod eich anghenion a gwneud atgyfeiriadau priodol ar eich cyfer.

• Mwy am asesiadau iechyd a gofal cymdeithasol

Ailsefydlu

Ceir nifer o ganolfannau ailsefydlu ar hyd a lled y wlad. Yn y rhain ceir cyfleusterau i helpu gyda'r gwaith o ailsefydlu pobl gyda namau oherwydd anaf neu salwch.

Dyma fathau o gefnogaeth:

Gall eich meddyg lleol neu eich ymgynghorydd ysbyty eich cyfeirio i ganolfan ailsefydlu.

• Pwy 'di pwy yn y gwasanaethau iechyd