Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Pobl anabl - Nodwch, os gwelwch yn dda, na ddiweddarir yr adran hon bellach

Hyfforddiant preswyl ar gyfer oedolion anabl

Rhaglen sy'n helpu pobl anabl sy'n ddi-waith yn y tymor hir i gael swydd a'i chadw neu hunangyflogaeth yw hyfforddiant preswyl ar gyfer oedolion anabl.

Darperir y rhaglen pan nad oes rhaglenni eraill addas ar gael yn lleol.

Cynhelir yr hyfforddiant mewn lleoliad preswyl mewn adeiladau hwylus. Dysgir y cyrsiau gan staff gyda gwybodaeth arbenigol am faterion anabledd.

Mae'r rhaglenni'n cael eu teilwra i helpu hyfforddeion i gael swydd trwy gyfuniad o arweiniad, profiad gwaith, hyfforddiant galwedigaethol (mewn gwaith) a chymwysterau cymeradwy.

Pwy sy'n gymwys

Bydd hyfforddiant preswyl ar gyfer oedolion anabl yn eich helpu:

os ydych yn breswyliwr DU
os oes gennych anabledd synhwyraidd neu gorfforol, neu anhawster dysgu
os ydych chi yn 18 neu drosodd
os na allwch gael gafael ar hyfforddiant lleol addas
os ydych yn ddi-waith a bod y potensial gennych i weithio, gan gynnwys gwaith gyda chefnogaeth

Byddwch yn derbyn lwfans yn ystod eich hyfforddiant. Bydd eich costau preswyl, a all gynnwys rhywfaint o gostau teithio hefyd, yn cael eu talu gan yr Uned Hyfforddiant Preswyl.

Mathau o gyrsiau

Mae'r cyrsiau'n amrywio o goleg i goleg, gyda thros 50 o gyrsiau hyfforddiant galwedigaethol ar gael drwy'r rhaglen. Mae llawer yn arwain at Gymwysterau Galwedigaethol Cenedlaethol (NVQs). Dyma ddetholiad ohonynt:

gweinyddiaeth
technegydd clyweledol
swyddi yn y maes adeiladu
arlwyo
peirianwyr beiciau
addurno
electroneg
peirianneg
garddwriaeth
technoleg gwybodaeth
hamdden/twristiaeth/teithio
stiwdio recordio
adwerthu
teleweithio
ailorffen cerbydau

Bydd hyd y cyrsiau'n amrywio yn ôl eich anghenion, ond ni fyddant yn hwy na 52 wythnos. Mae rhai rhaglenni hyfforddiant yn benodol ar gyfer pobl â nam ar eu clyw neu ar eu golwg.

Ble y cynhelir y cyrsiau

Ceir 9 o ddarparwyr cyrsiau arbenigol ar draws Lloegr. Does dim darparwyr yng Nghymru na’r Alban, ond os ydych chi’n gymwys cewch fynychu cwrs yn Lloegr, ble bynnag yr ydych yn byw.

Darparwyr hyfforddiant preswyl

Sut i wneud cais

I wneud cais am hyfforddiant preswyl, dylech gysylltu â'ch Ymgynghorydd Cyflogaeth i Bobl Anabl yn eich Canolfan Gwaith leol. Byddant hwythau wedyn yn edrych ar yr opsiynau sydd ar gael i chi. Gallant hefyd roi gwybodaeth i chi am fudd-daliadau y gallech eu derbyn yn ystod y rhaglen.