Gwefan llywodraeth y DU

Pwy all ddefnyddio'r gwasanaeth hwn?

Mae'n rhaid i chi fod yn preswylio ym Mhrydain Fawr i ddefnyddio'r gwasanaeth. Os ydych yn byw yng Ngogledd Iwerddon neu yn breswylydd sydd ddim yn y DU, defnyddiwch un o'r cysylltiadau isod i wneud cais am eich Pensiwn y Wladwriaeth ar-lein.

• Gwneud cais am eich Pensiwn y Wladwriaeth yng Ngogledd Iwerddon Opens new window

• Dechrau cais am Bensiwn y Wladwriaeth (Preswylwyr sydd ddim yn DU, yn cynnwys Ynysoedd y Sianel) Opens new window

Pwy sy'n gymwys i wneud cais am Bensiwn y Wladwriaeth ar-lein

I wneud cais am eich Pensiwn y Wladwriaeth ar-lein mae'n rhaid i chi:

• fod yn gwneud cais i chi eich hun
• bod o fewn pedwar mis i oedran Pensiwn y Wladwriaeth, neu'n hŷn
• peidio bod eisiau oedi rhag cymryd eich Pensiwn y Wladwriaeth
• bod gyda rhif Yswiriant Gwladol
• bod a chyfrif banc, cymdeithas adeiladu'r DU neu gyfrif cerdyn Swyddfa'r Post
• peidio bod yn cael, neu yn y broses o wneud cais am, Bensiwn y Wladwriaeth, Pensiwn Ymddeol Graddedig, Budd-dal Marwolaeth Diwydiannol, Pensiwn Rhyfel Gwr neu Wraig Weddw, Budd-dal Profedigaeth, Lwfans Cyflogaeth a Chymorth, Gymhorthdal Incwm neu Lwfans Ceisio Gwaith

Cam un: Porth y Llywodraeth

Os nad oes gennych gyfrif Porth y Llywodraeth

Mae Porth y Llywodraeth yn llwybr diogel i wasanaethau'r llywodraeth. Fel rhan o gofrestru ar gyfer Porth y Llywodraeth fe ofynnir cwestiynau i chi i gadarnhau pwy ydych chi. Unwaith y byddwch wedi cofrestru, efallai yr anfonir ID Defnyddiwr a chod ysgogi i chi drwy'r post. Byddwch angen y rhain i ddefnyddio'r gwasanaeth Pensiwn y Wladwriaeth ar-lein.

Peidiwch â rhannu'r wybodaeth bersonol neu gyfrinair rydych yn ei rhoi i mewn gydag unrhyw un arall.

Os oes gennych gyfrif Porth y Llywodraeth

Os oes gennych gyfrif Porth y Llywodraeth yn barod, byddwch angen ateb cwestiynau ychwanegol i gadarnhau pwy ydych chi. Efallai yr anfonir cod ysgogi i chi drwy'r post i'w ddefnyddio gyda Phensiwn y Wladwriaeth ar-lein.

Peidiwch â rhannu'r wybodaeth bersonol neu gyfrinair rydych yn ei rhoi i mewn gydag unrhyw un arall.

• Cofrestru gyda Phorth y Llywodraeth Opens new window

• Mewngofnodi i Borth y Llywodraeth a chadarnhau pwy ydych chi Opens new window

Cam dau: gwybodaeth rydych ei angen cyn y gallwch wneud cais am eich Pensiwn y Wladwriaeth ar-lein

Mae rhywfaint o wybodaeth bwysig y byddwch efallai ei angen cyn y gallwch wneud eich cais ar-lein. Dilynwch y cyswllt isod i gael rhestr wirio o beth rydych ei angen.

• Rhestr wirio o’r wybodaeth sydd ei angen i wneud cais am Bensiwn y Wladwriaeth

Cam tri: Gwneud cais am eich Pensiwn y Wladwriaeth

Mewngofnodwch i'ch cyfrif Porth y Llywodraeth newydd neu ddiwygiedig. Os bydd angen, ysgogwch y cyfrif gyda'ch cod ysgogi. Yna gallwch wneud cais am eich Pensiwn y Wladwriaeth.

• Ysgogwch eich cyfrif a gwnewch gais am eich Pensiwn y Wladwriaeth Opens new window

Cam pedwar: Cadarnhad bod eich cais wedi cael ei gwblhau

Wedi i chi gwblhau eich cais byddwch yn gweld sgrin sy'n cadarnhau ei fod wedi'i anfon ac yn dweud wrthych beth fydd yn digwydd nesaf.

Dychwelyd i gais rydych wedi'i ddechrau'n barod

Gallwch ddychwelyd i gais rydych wedi'i ddechrau'n barod, os nad ydych wedi'i anfon hyd yn hyn. Byddwch angen eich rhif cyfeirnod unigryw gwasanaeth Pensiwn y Wladwriaeth. Rhoddwyd hwn i chi y tro diwethaf i chi ddefnyddio'r gwasanaeth.

• Dychwelyd i gais rydych wedi'i ddechrau'n barod Opens new window

Gwasanaeth ddim ar gael

Ni fyddwch yn gallu cofrestru neu ysgogi eich cyfrif rhwng 9.30 pm a 7.00 am.

Cael cyngor ar fudd-daliadau

Os hoffech gael rhagor o wybodaeth am fudd-daliadau defnyddiwch y cynghorydd budd-daliadau, gwasanaeth ar-lein i'ch helpu i ddarganfod pa fudd-daliadau y gallech fod a hawl iddynt.

• Cynghorydd budd-daliadau