Gwefan llywodraeth y DU

Elusennau sy'n rhoi cymorth i deuluoedd a ffrindiau carcharorion

Mae Gweithredu dros Deuluoedd Carcharorion yn elusen genedlaethol sy'n rhoi cymorth i deuluoedd carcharorion.

Mae hefyd yn rhoi gwybodaeth i berthnasau neu ffrindiau pobl sydd yn y carchar yng Nghymru a Lloegr. Mae rhestr lawn o sefydliadau cymorth eraill ar ei wefan.

Mae un sefydliad - Grŵp Cymorth Partneriaid a Theuluoedd Carcharorion - yn rhedeg y Llinell Gymorth i Deuluoedd Troseddwyr. Gallwch ffonio 0808 808 2003 am ddim. Mae'r llinellau ar agor o ddydd Llun i ddydd Gwener rhwng 9.00 am ac 8.00 pm, a dydd Sadwrn a dydd Sul rhwng 10.00 am a 3.00 pm.

• Gweithredu dros Deuluoedd Carcharorion Opens new window

• Grŵp Cymorth Partneriaid a Theuluoedd Carcharorion Opens new window

• Llinell Gymorth i Deuluoedd Troseddwyr Opens new window

• Gwasanaeth Teuluoedd a Ffrindiau Carcharorion Opens new window

Cysylltu â'r carchar os ydych yn poeni am rywun

Os ydych yn poeni am rywun rydych yn ei adnabod yn y carchar, gallwch:

• ddweud wrth aelod o staff y carchar pan fyddwch yn ymweld â'ch ffrind neu aelod o'r teulu
• cysylltu â'r 'Tîm Cadwraeth Fwy Diogel' neu'r 'Llywodraethwr ar Ddyletswydd' yn y carchar yn ystod oriau arferol
• cysylltu â'r swyddog ar ddyletswydd ('Orderly Officer') yn y carchar y tu allan i oriau

Mae gan rai carchardai linellau cymorth Cadwraeth Fwy Diogel cyfrinachol, a gallwch eu defnyddio i adael neges yn esbonio unrhyw bryderon. Gallwch ddweud wrth y carchar am unrhyw beth a fyddai'n helpu staff y carchar i gefnogi'r carcharor yn eich barn chi.

Dilynwch y ddolen isod i gael manylion cyswllt carcharorion unigol.

• Adnodd chwilio am garchar - chwilio gan ddefnyddio'r rhestr A i Y neu yn ôl rhanbarth Opens new window

Gwybodaeth am fywyd yn y carchar mewn ieithoedd eraill

Dylai gwybodaeth fod ar gael mewn nifer o ieithoedd am fywyd y carchar.

Os nad yw teulu'r carcharor yn siarad Saesneg, mae gwybodaeth am fywyd yn y carchar ar gael mewn sawl iaith dramor.

Ewch i wefan Ymddiriedolaeth Diwygio'r Carchardai i lawrlwytho'r 'Llyfr Gwybodaeth i Garcharorion'.

• Llyfr Gwybodaeth i Garcharorion Opens new window

Os yw carcharor yn anfodlon ar ei driniaeth

Mae sawl ffordd y gall carcharor gwyno am ei driniaeth yn y carchar. Mae'n rhaid iddo gwyno ei hun, er enghraifft drwy:

• siarad yn anffurfiol ag aelod o staff y carchar - caiff y rhan fwyaf o broblemau eu datrys yn y ffordd hon
• gwneud cwyn ysgrifenedig i'r carchar - mae ffurflenni cwyno ar gael yn y carchar
• siarad ag aelod o'r Bwrdd Monitro Annibynnol

Mae'r Bwrdd Monitro Annibynnol yn gorff ar wahân i'r Gwasanaeth Carchardai a'r cyhoedd yw'r aelodau. Mae'n monitro sut y caiff carchardai lleol eu rhedeg.

Os ydych yn adnabod rhywun yn y carchar, gallwch ysgrifennu at gyfreithiwr y carcharor neu Aelod Seneddol ar ei ran.

Gweler 'Hawliau carcharorion a chwyno am garchar' i gael mwy o wybodaeth.

• Hawliau carcharorion a chwyno am garchar

• Dod o hyd i gynghorydd cyfreithiol Opens new window

Cymorth pan gaiff rhywun ei ryddhau o'r carchar

Mae sut a phryd y caiff carcharorion eu rhyddhau o'r carchar yn dibynnu ar eu dedfryd. Efallai y bydd yn rhaid iddynt ddilyn rheolau penodol ar ôl iddynt gael eu rhyddhau. Er enghraifft, ynghylch ble maent yn byw ac â phwy y caniateir iddynt gysylltu â nhw.

Gall hyn effeithio ar eu teuluoedd a'u ffrindiau o bryd i'w gilydd.

Mae Nacro yn elusen sy'n helpu pobl ar ôl iddynt gael eu rhyddhau o'r carchar - er enghraifft, i ddod o hyd i dai.

• Pryd y gall carcharor fod yn gymwys i gael ei ryddhau

• Nacro - cyngor pan gaiff rhywun ei ryddhau o'r carchar Opens new window

Ymddiriedolaeth Diwygio'r Carchardai

Mae Ymddiriedolaeth Diwygio'r Carchardai yn gorff ar wahân i'r Gwasanaeth Carchardai ac efallai y bydd yn gallu helpu hefyd os ydych yn poeni am driniaeth rhywun yn y carchar.

Ni all helpu mewn achosion o gollfarnu ar gam a phan fydd rhywun am apelio yn erbyn ei gollfarn.

• Ymddiriedolaeth Diwygio'r Carchardai Opens new window