Gwefan llywodraeth y DU

Opsiynau ar gyfer dychwelyd i’r gwaith

Efallai y byddwch eisiau:

• dychwelyd i weithio pan fydd cyfnod o ofalu wedi dod i ben
• dychwelyd i weithio neu ddechrau gweithio a chithau'n dal i ofalu am rywun

Os ydych wedi bod yn gofalu am rywun am dipyn, efallai y byddwch yn ei chael hi’n anodd dychwelyd i gyflogaeth gyflogedig. Mae’n bosib eich bod wedi colli ychydig o hyder ac yn teimlo fel eich bod wedi colli gafael ar y byd gwaith.

Fodd bynnag, fel gofalwr byddwch wedi dysgu sgiliau newydd a fyddai o bosib yn elwa cyflogwyr potensial. Mae rhai cyflogwyr yn chwilio am ofalwyr sydd wedi’r rhoi’r gorau i weithio yn y gorffennol ond nawr yn dymuno dychwelyd.

Meddyliwch am unrhyw gostau ychwanegol efallai y bydd angen i chi dalu os ydych yn dechrau cyflogaeth gyflogedig, er enghraifft, mwy o help yn y cartref.

• Canllaw i gymorth ariannol i ofalwyr

Sut i gael gwaith

Os nad ydych yn gyflogedig gallech siarad â:

Rhowch wybod iddynt eich bod naill ai'n gofalu am rywun ar hyn o bryd, neu nad ydych yn gofalu am rywun bellach. Gallant helpu i hwyluso'ch ffordd yn ôl i fyd gwaith a gallant hefyd eich cynghori am gyfleoedd hyfforddi.

Os ydych yn ystyried gwneud cais am swydd, mae'n werth holi beth yw polisi'ch darpar gyflogwr ar ofalwyr. Gofynnwch hefyd am gyfleoedd i weithio oriau hyblyg.

• Cyflogaeth (adran cyflogaeth - cyffredinol

Materion ariannol

Gallai mynd yn ôl i weithio gael effaith ar unrhyw hawliau a budd-daliadau yr ydych chi fel gofalwr yn eu derbyn. Bydd yr oriau a weithiwch, faint y byddwch yn ei ennill a'ch cynilion yn cael eu hystyried. Ceir rhagor o wybodaeth yn yr adran arian, treth a budd-daliadau.

• Lwfans Gofalwr - newid mewn amgylchiadau i chi neu'r person yr ydych yn gofalu amdano