Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Prydeinwyr sy’n byw dramor - Nodwch, os gwelwch yn dda, na ddiweddarir yr adran hon bellach

Prydeinwyr sy’n byw dramor

Gweithio dramor

Os byddwch chi'n symud dramor i weithio, dylech ganfod pa hawliau sydd gennych o dan gyfraith cyflogaeth y wlad dan sylw. Rhowch wybod i'ch swyddfa dreth os byddwch chi'n symud dramor, ac os ydych chi'n hawlio budd-daliadau, siaradwch â'ch swyddfa Canolfan Byd Gwaith, â'ch Canolfan Waith neu â'ch swyddfa nawdd cymdeithasol.

Gall eich hawliau cyflogaeth amrywio wrth ichi weithio dramor

Os byddwch chi'n mynd dramor fel gweithiwr i gwmni sydd wedi'i leoli yn y DU, efallai na fydd gennych chi'r un hawliau cyflogaeth â gweithwyr yn y DU. Gall gofynion o ran oriau gweithio, gwyliau blynyddol a gwyliau cyhoeddus amrywio.

Gwybodaeth ymarferol ynghylch eich gwaith tramor

Os byddwch chi'n symud dramor i weithio, gofynnwch y cwestiynau canlynol i chi'ch hun:

  • a oes angen trwyddedau gwaith, trwyddedau preswyl neu fisas arnoch chi a'ch teulu ar gyfer y wlad dan sylw? Mewn rhai gwledydd, efallai y bydd angen i chi gofrestru gyda'r llysgenhadaeth neu'r is-genhadaeth Brydeinig leol unwaith i chi symud yno
  • a yw'r cyflog yn ddigon, ac ystyried costau byw?
  • beth yw'r cyfleoedd ar gyfer dyrchafiad a chynnydd mewn cyflog?
  • arian pa wlad a ddefnyddir i'ch talu?
  • os ydych chi'n mynd dramor i weithio i gwmni o'r DU, a fydd y cyflogwr yn talu unrhyw lwfans i chi, a oes unrhyw gynlluniau i'ch helpu pe baech chi'n dymuno dychwelyd i'r DU, ac a oes unrhyw gynlluniau ar gael i gefnogi partner neu blant sy'n teithio gyda chi?
  • a oes unrhyw drefniadau wedi'u gwneud ar gyfer llety dros dro pan fyddwch chi'n symud i ddechrau?
  • os oes gennych chi gartref i'w werthu yn y DU, a fydd eich cyflogwr yn caniatáu amser i chi ddychwelyd i'r DU i lofnodi dogfennau a rhoi trefn ar bethau cyn symud dramor?
  • os yw'ch swydd yn dod i ben a chithau'n dymuno aros yn y wlad lle buoch chi'n gweithio, pa drwyddedau y bydd eu hangen arnoch chi a'ch teulu a faint o obaith sydd gennych i ddod o hyd i swydd newydd yno?

Cymwysterau

Nid yw pob cymhwyster yn cael ei gydnabod drwy'r UE

Nid yw pob cymhwyster yn cael ei gydnabod drwy'r UE ac AEE, ac mae gan rai proffesiynau gyfyngiadau cyflogaeth. Bydd modd i chi weld statws eich cymwysterau ar daflenni gwybodaeth sy'n cael eu darparu gan aelod-wladwriaethau'r UE. Mae taflenni gwybodaeth yn eich galluogi i weld a yw'ch cymhwyster o'r DU yn dderbyniol. Gall sgiliau iaith a pha mor rhugl ydych chi hefyd fod yn fater o bwys wrth chwilio am waith.

Mwy o wybodaeth ddefnyddiol

Gellir cael gwybodaeth gan y Comisiwn Ewropeaidd am symud i wlad arall yn yr Undeb Ewropeaidd. Gallwch gael help gyda chael cydnabyddiaeth am eich cymwysterau, gyda chwilio am waith yn llwyddiannus, gyda thalu treth a gyda’ch hawliau. Gweler gwefan Your Europe am fanylion. Mae cymorth hefyd ar gael gan EURES, sef rhwydwaith o ymgynghorwyr cyflogaeth drwy'r UE.

Yn yr adran hon...

Allweddumynediad llywodraeth y DU