Gwefan llywodraeth y DU

Pam gwirfoddoli

Mae gwirfoddoli'n rhoi cyfle i chi wneud gwahaniaeth i fywydau pobl eraill ac i'ch cymuned.

Mae llawer o wirfoddolwyr hefyd yn gweld bod eu gwaith yn rhoi mwy o hyder iddynt, yn dysgu sgiliau newydd iddynt a'i fod yn rhoi hwb i'w rhagolygon ym myd addysg a chyflogaeth. Os oes gennych syniad clir pa fath o yrfa yr ydych yn dymuno ei dilyn, yna mae gwirfoddoli'n ffordd wych o gael profiad ychwanegol - profiad a allai wneud i chi sefyll allan mewn cyfweliad am swydd neu gyfweliad i fynd i goleg neu brifysgol.

Mae llawer o gyfleoedd gwirfoddoli ar gael, a gallai'r rhain fod yn berthnasol i'ch cynlluniau ar gyfer y dyfodol o safbwynt eich gyrfa. Efallai yr hoffech wneud un o'r rhain:

• helpu yn eich canolfan hamdden leol yn ystod gwyliau'r haf fel goruchwyliwr cynllun chwarae
• bod yn wirfoddolwr cadwraeth mewn parc lleol neu ar un o safleoedd yr Ymddiriedolaeth Genedlaethol
• gwirfoddoli mewn digwyddiadau chwaraeon, arddangosiadau neu ŵyl leol
• bod yn fentor i bobl ifanc eraill

• Lleoliadau gwaith gwirfoddol

• Canfod cyfle i wirfoddoli yn eich ardal chi ar wefan 'do-it' Opens new window

• Beth mae bod yn fentor yn ei olygu Opens new window

v - yr elusen gwirfoddoli

Sefydlwyd v er mwyn hyrwyddo gwirfoddoli ymhlith pobl ifanc yn Lloegr. Maent yn gobeithio annog un miliwn ychwanegol o bobl ifanc rhwng 16 a 25 oed i wirfoddoli yn eu hamser hamdden ar brosiectau yn eu hardal leol.

Gan eu bod yn gweithio gyda phobl ifanc bob amser, mae'r cyfleoedd gwirfoddoli y gall v eu cynnig o ddiddordeb arbennig i bobl ifanc. Gallech fod yn gweithio mewn gorsaf radio gymunedol leol, yn rhedeg tîm chwaraeon neu'n goruchwylio plant ifanc mewn gweithgareddau yn ystod gwyliau'r ysgol.

• vinspired - gwirfoddoli i bobl ifanc rhwng 16 a 25 oed yn Lloegr Opens new window

• Darllen mwy am rai gwirfoddolwyr enwog Opens new window

Gwirfoddoli amser llawn oddi cartref

Os ydych chi'n barod i fyw oddi cartref, efallai y byddech chi'n ystyried gwneud gwaith gwirfoddol amser llawn drwy gyfrwng mudiad fel Gwirfoddolwyr Gwasanaeth Cymunedol (CSV).

Rhaid i chi fod ar gael am gyfnod rhwng pedwar a 12 mis, a bod yn barod i fynd i ble bynnag y cewch chi'ch anfon yn y DU.

Does dim rhaid i chi fod â phrofiad, sgiliau arbenigol na chymwysterau, dim ond brwdfrydedd. Fe gewch eich lleoli yn y man lle mae'r angen mwyaf ac fe gewch help, cyngor a hyfforddiant pan gyrhaeddwch y lleoliad.

Dylech ddisgwyl gweithio hyd at 40 awr yr wythnos, ac fe allai hyn gynnwys penwythnosau. Os byddwch yn gwirfoddoli gyda'r CSV, byddwch yn derbyn lwfans a llety, a bydd y bwyd am ddim.

• Gwirfoddoli yn ystod blwyddyn fwlch

• Gwirfoddolwyr Gwasanaeth Cymunedol - Gwneud gwahaniaeth Opens new window

Cynllun Gwobrau Dug Caeredin

Rhaglen o weithgareddau gwirfoddol i chi ei dilyn yn eich amser rhydd yw cynllun gwobrau Dug Caeredin. Mae gwahanol adrannau o weithgareddau y gallwch ddewis rhyngddynt:

• gwirfoddoli
• ennill sgiliau newydd
• gweithgareddau corfforol
• cymryd rhan mewn alldaith
• gweithio oddi cartref mewn tîm

Gall pawb dros 14 oed gymryd rhan yn y cynllun, ac fe'i rhennir yn dair gwobr wahanol: Gwobr Aur, Arian ac Efydd. Bydd y math o gynllun y cewch ei ddilyn yn dibynnu ar eich oed.

Os nad ydych chi eisoes wedi cael y wobr Efydd a'r wobr Arian, fe allwch ddechrau gyda'r wobr Aur, cyn belled â'ch bod yn cwblhau chwe mis ychwanegol yn y maes sgiliau neu hamdden a'ch bod dros 16 oed.

Gall Gwobr Dug Caeredin fod o gymorth i roi hwb i'ch CV ac fe allai eich helpu yn yr yrfa a ddewiswch. Oherwydd bod y cynllun yn gofyn am lefel uchel o ymrwymiad a gwaith caled, mae ganddo enw da ymhlith cyflogwyr. Mae hefyd yn ffordd ardderchog o gwrdd â phobl newydd sydd â diddordeb yn yr un pethau â chi.

Holwch athro neu weithiwr ieuenctid am gynllun Dug Caeredin. Efallai fod rhai eraill yn eich ysgol neu'ch clwb ieuenctid yn cymryd rhan yn y cynllun. Os nad oes, cymerwch olwg ar y wefan er mwyn gweld â phwy y dylech gysylltu yn eich ardal chi.

• Cael mwy o wybodaeth am Wobrau Dug Caeredin Opens new window

Mwy o ddolenni defnyddiol

• Gwirfoddoli (adran cartref a chymuned)

• Gwaith gwirfoddol dramor (adran Prydeinwyr sy'n byw dramor)