Gwefan llywodraeth y DU

Dod o hyd i dacsi neu gerbyd hurio preifat trwyddedig yn Llundain

Mae tacsis a cherbydau hurio preifat yn Llundain yn cael eu trwyddedu'n flynyddol gan Adran Drafnidiaeth Llundain (TfL). Mae TfL hefyd yn sicrhau bod pob cerbyd yn bodloni'r safonau diogelwch a hygyrchedd.

Tacsis

Maent yn gerbydau sydd wedi'u hadeiladu at eu pwrpas ac mae ganddynt blât ar gefn y cerbyd yn dangos rhif trwydded y tacsi. Mae tacsis Llundain i gyd yn hygyrch i gwsmeriaid anabl. Gallwch hurio tacsi dros y ffôn gan ddefnyddio’r gwasanaeth ‘One number’. Y rhif i ffonio yw 0871 871 8710.

Cerbydau hurio preifat

Trwyddedir cerbydau hurio preifat yn Llundain gan Adran Drafnidiaeth Llundain yn unol â Deddf Cerbydau Hurio Preifat (Llundain) 1988. Rhaid iddynt arddangos disgiau arbennig ar ffenestr flaen a ffenestr gefn y cerbyd yn dangos statws eu trwydded.

Mae gan dacsis a cherbydau hurio preifat uchafswm o wyth sedd ar gyfer cwsmeriaid.

• Dod o hyd i gerbyd hurio preifat trwyddedig yn Llundain Opens new window

• Canfod a yw cerbyd hurio preifat wedi'i drwyddedu Opens new window

Tacsis a cherbydau hurio preifat y tu allan i Lundain

Oddi allan i Lundain, cyfrifoldeb awdurdodau lleol (cynghorau dosbarth neu fwrdeistref neu awdurdodau unedol) sy'n gyfrifol am drwyddedu tacsis a cherbydau hurio preifat yng Nghymru a Lloegr. Mae gan awdurdodau trwyddedu lleol llais ynghylch pennu rheolau a safonau trwyddedu lleol.

Mae’r awdurdod trwyddedu hefyd yn gwneud archwiliadau fel rhan o’r proses drwyddedu. O ran trwyddedu tacsis, gall awdurdodau lleol nodi'r canlynol:

• y math neu'r mathau o gerbydau y maent yn barod i'w trwyddedu
• unrhyw anghenion penodol o ran lliw
• unrhyw gyfyngiadau oed
• pa mor aml y profir cerbydau, a pha mor llym y gwneir hynny (yn ychwanegol i'r gofynion statudol y mae'n rhaid i bob cerbyd eu bodloni)
• a oes angen cloc tacsi
• unrhyw ofynion yn ymwneud â mynediad i bobl anabl

Mae'r ddeddfwriaeth sy'n llywodraethu trwyddedu cerbydau hurio preifat yn galluogi awdurdod trwyddedu i ganiatáu trwydded i gerbyd hurio preifat cyn belled â'i fod yn bodloni'r amodau canlynol:

• mae ei fath, ei faint a'i gynllun yn addas ar gyfer cerbyd hurio preifat
• ni fyddai cynllun ac ymddangosiad y cerbyd yn peri i berson gredu mai cerbyd hacni ydyw
• mae mewn cyflwr mecanyddol addas
• mae'n ddiogel
• mae'n gyfforddus

Bydd awdurdodau trwyddedu lleol hefyd am sicrhau bod y cerbydau wedi'u hyswirio'n briodol.

Cewch wybod mwy gan eich cyngor lleol.

• Cynghorau lleol

Canfod a yw'ch gyrrwr wedi'i drwyddedu

Cyn rhoi trwydded i yrrwr tacsi neu yrrwr cerbyd hurio preifat, rhaid i awdurdodau sicrhau bod yr ymgeisydd yn berson abl a phriodol i ddal y drwydded

Bydd awdurdodau lleol yn penderfynu beth i'w gynnwys wrth farnu a yw ymgeiswyr yn abl ac yn briodol, ond byddai'r asesiad fel arfer yn cynnwys:

• archwiliad cofnod troseddol
• prawf gwybodaeth topograffigol
• archwiliad meddygol
• prawf gyrru arbennig (mae'r Asiantaeth Safonau Gyrru wedi creu prawf gyrru yn arbennig ar gyfer tacsis neu cerbydau hurio preifat)

Fel arfer, mae'n ofynnol i yrwyr tacsi a cherbydau hurio preifat wisgo bathodyn yn dangos rhif eu trwydded.

Mwy o ddolenni defnyddiol

• Teithio gyda chŵn tywys mewn tacsis a cherbydau llog preifat (adran pobl anabl)

Cysylltiadau defnyddiol

• Cwynion y Swyddfa Cludiant Cyhoeddus Opens new window

• Transport for London (TfL) Opens new window