Gwefan llywodraeth y DU

Gwneud yn siŵr bod eich tacsi neu gerbyd hurio preifat yn gyfreithiol

Bydd unrhyw dacsi neu gerbyd hurio preifat (minicab) sydd heb drwydded yn rhedeg yn anghyfreithlon ac ni fydd wedi derbyn yr archwiliadau priodol y bydd awdurdodau trwyddedu'n eu gorfodi.

Peidiwch â defnyddio tacsi:

• os bydd y gyrrwr yn ymddangos i fod dan ddylanwad alcohol
• os nad yw'r gyrrwr yn ymddangos yn gyfarwydd â'r ardal leol
• os bydd y cerbyd yn edrych yn rhy hen i gael ei ddefnyddio fel tacsi
• os bydd y cerbyd mewn cyflwr gwael

• Trwyddedu tacsis a cherbydau hurio preifat

Awgrymiadau diogelwch wrth deithio

Mae’n syniad da:

• gwneud nodyn o'r plât rhif a rhif trwydded y gyrrwr a'u tecstio i rywun fel rhagofal ychwanegol
• gallwch dynnu llun o'r cerbyd os oes gennych ffôn â chamera
• eisteddwch yng nghefn y cerbyd pob tro
• gafaelwch yn eich ffôn symudol fel y gellir ei ddefnyddio'n rhwydd

Diogelwch mewn tacsi yn Llundain

Mae gan Transport for London (TfL) cynlluniau i wneud teithio mewn tacsi yn fwy diogel ledled Llundain.

Stiwardio arosfannau

Ledled Llundain, bydd llawer o arosfannau'n cael eu stiwardio ble bydd stiward yn sicrhau eich bod yn defnyddio tacsi sydd wedi'i drwyddedu. Bydd y stiward hefyd yn sicrhau bod y gyrrwr tacsi'n gwybod lle'r ydych am fynd.

Dim ond mewn ardaloedd penodol ac ar adegau penodol o'r nos y bydd stiwardio arosfannau ar waith, a dim ond ar y penwythnosau fel arfer.

• Dod o hyd i arosfannau tacsi sy'n cael eu stiwardio Opens new window

Sicrhau bod tacsi yn drwyddedig yn Llundain

Mae Transport for London (TfL) yn rhedeg Uned Dacsis sy'n ymroddedig i gadw teithwyr yn ddiogel trwy:

• fynd i'r afael â gyrwyr sy'n codi mwy o dâl nag a ddylent
• trwy ddal gyrwyr anniogel a gyrwyr heb drwydded

Mae’n hanfodol eich bod yn sicrhau bod trwydded gan eich tacsi neu'ch minicab. Mae gan Adran Drafnidiaeth Llundain gronfa ddata ar-lein sy'n eich galluogi i chwilio am weithwyr trwyddedig.

Gallwch hefyd decstio ‘home’ i 60835 a byddwch yn derbyn neges destun yn rhestru'r gweithwyr trwyddedig lleol.

• Dod o hyd i dacsi trwyddedig yn Llundain Opens new window

Cysylltiadau defnyddiol

• Cwynion y Swyddfa Cludiant Cyhoeddus Opens new window

• Transport for London (TfL) Opens new window