Gwefan llywodraeth y DU

Pryd y dylech wneud cais

Gwnewch gais i adnewyddu eich pasbort os oes naw mis neu lai cyn iddo ddod i ben:

• bydd y Gwasanaeth Hunaniaeth a Phasbortau (IPS) yn ychwanegu'r amser sy'n weddill (hyd at naw mis) at eich pasbort 10 mlynedd newydd
• mae rhai gwledydd yn gofyn am chwe mis o ddilysrwydd ar eich pasbort
• ni ddylech drefnu i deithio oni bai bod eich pasbort yn ddilys

Ni ellir rhoi ad-daliad am yr amser sy'n weddill ar basbort heb ei ddefnyddio.

Yr amser y mae'n ei gymryd: canllaw ar gyfer ceisiadau arferol

Mae'r amser y mae'n ei gymryd i brosesu cais am basbort yn dibynnu ar y canlynol:

• pa mor brysur yw'r IPS - y cyfnod o fis Ebrill i fis Medi yw'r cyfnod prysuraf
• pa wasanaeth rydych yn ei ddefnyddio
• p'un a yw eich cais wedi'i gwblhau'n gywir
• p'un a ydych wedi darparu'r dogfennau cywir
• p’un a oes angen i'r IPS gysylltu â'r person a gydlofnododd eich cais

Bydd defnyddio'r gwasanaeth Gwirio ac Anfon yn:

• cymryd o leiaf bythefnos (ni ellir gwarantu hyn) ond dylech ganiatáu mwy o amser rhag ofn y bydd angen i'r IPS gysylltu â chi neu gyd-lofnodwr am wybodaeth ychwanegol
• eich helpu i leihau nifer y gwallau ond cofiwch y gall fod angen i'r IPS gysylltu â chi am fwy o wybodaeth o hyd

Bydd defnyddio'r gwasanaeth post yn:

• cymryd o leiaf dair wythnos (ni ellir gwarantu hyn) ond dylech ganiatáu mwy o amser rhag ofn y bydd angen i'r IPS gysylltu â chi neu gyd-lofnodwr am wybodaeth ychwanegol
• dylech ystyried defnyddio'r gwasanaeth Gwirio ac Anfon gan y bydd yn eich helpu i leihau nifer y gwallau, ond cofiwch y gall fod angen i'r IPS gysylltu â chi am fwy o wybodaeth o hyd

Yn achos unigolion sy'n gwneud cais am y tro cyntaf:

• bydd yn cymryd o leiaf chwe wythnos (ni ellir gwarantu hyn) ond dylech ganiatáu mwy o amser rhag ofn y bydd angen i'r IPS gysylltu â chi neu gyd-lofnodwr am wybodaeth ychwanegol
• bydd defnyddio'r gwasanaeth Gwirio ac Anfon yn eich helpu i leihau nifer y gwallau
• yn ystod cyfnodau prysur, efallai na fydd apwyntiadau ar gael ar adeg neu mewn man delfrydol bob amser a gall hyn oedi eich cais

• Y Gwasanaeth Hunaniaeth a Phasbortau: Gwasanaeth Gwirio ac Anfon Swyddfa'r Post Opens new window

• Cyngor ar deithio gan y Swyddfa Dramor a Chymanwlad

Ceisiadau brys

Os bydd angen pasbort arnoch o fewn pythefnos dylech ddefnyddio gwasanaeth un wythnos Llwybr Carlam neu wasanaeth un diwrnod Premiwm yr IPS. Dim ond drwy apwyntiad y mae'r gwasanaethau hyn ar gael - ffoniwch y Llinell Gyngor Pasbortau ar 0300 222 0000.

Nid yw'r gwasanaeth Premiwm ar gael ar gyfer estyniadau i basbort. Efallai na fyddwch yn gallu uwchraddio o wasanaeth arferol i wasanaeth premiwm neu lwybr carlam yn ystod yr haf. Mewn rhai achosion, efallai y bydd angen i'r IPS gymryd mwy o amser i edrych ar eich cais, gan gynnwys cadarnhau manylion a roddwyd gennych a chysylltu â'ch cyd-lofnodwr.

• Y Gwasanaeth Hunaniaeth a Phasbortau: Gwasanaeth Gwirio ac Anfon Swyddfa'r Post Opens new window

• Ceisiadau brys am basbort

• Dilyn hynt eich cais am basbort

Pwy all adnewyddu ei basbort

Gallwch wneud cais i adnewyddu eich pasbort os oes gennych eich pasbort diwethaf o hyd a bod y canlynol yn wir:

• pasbort oedolyn 10 mlynedd safonol y DU neu basbort plentyn pum mlynedd y DU a gyhoeddwyd cyn eich pen-blwydd yn 16 oed oedd eich pasbort diwethaf
• nid yw wedi'i ddifrodi
• nid oes angen i chi newid eich enw na'ch statws cenedlaethol

Ni allwch adnewyddu eich pasbort os bydd y canlynol yn wir:

• roeddech wedi'ch cynnwys fel plentyn ar basbort rhywun arall o'r blaen

Yn yr achos hwn bydd angen i chi wneud cais am basbort cyntaf i oedolyn.

• Gwneud cais am eich pasbort cyntaf fel oedolyn

Os ydych yn newid eich enw

Os ydych am i'ch pasbort newydd ddangos enw gwahanol i'ch pasbort cyfredol, gweler 'Newid enwau a manylion personol ar basbortau'.

• Newid enwau a manylion personol ar basbortau

Pobl nad ydynt yn byw yn y DU a'r rhai y tu allan i'r DU dros dro

Os nad ydych yn byw yn y DU, gallwch wneud cais yn bersonol i adnewyddu eich pasbort tra byddwch yn ymweld â'r DU.

Ni all yr IPS dderbyn ceisiadau o dramor. Os hoffech adnewyddu eich Pasbort Prydeinig tra byddwch y tu allan i'r DU, bydd angen i chi gysylltu â'ch llysgenhadaeth, eich uchel gomisiwn neu'ch swyddfa is-gennad leol.

• Ceisiadau am basbort ac adnewyddu pasbort os ydych dramor neu'n byw y tu allan i'r DU

Estyniad i basbort cyfyngedig

Os cyhoeddodd yr IPS eich pasbort diwethaf am gyfnod cyfyngedig (blwyddyn neu lai), dylech ffonio'r Llinell Gyngor Pasbortau ar 0300 222 0000 cyn gwneud cais.

Ni fyddwch yn gallu defnyddio'r gwasanaeth un diwrnod Premiwm, gan nad yw ar gael ar gyfer estyniadau i basbort.

Y camau nesaf - adnewyddu pasbort oedolyn

I gael ffurflen gais, cadarnhau'r ffi a chael gwybod pa ddogfennau ategol y mae angen i chi eu darparu, dilynwch y ddolen isod.

• Y ffurflen gais, y ffi a'r dogfennau ategol ar gyfer adnewyddu pasbort oedolyn

Nodi rhif cod bar y cais

Gwnewch yn siŵr eich bod yn cadw cofnod o rif cod bar y cais cyn ei anfon i'r IPS. Bydd angen y rhif hwn arnoch os byddwch am wneud ymholiad ynglŷn â'ch cais neu ddilyn ei hynt.

• Dilyn hynt eich cais am basbort

Cysylltiadau defnyddiol

• Cyngor ar Deithio gan y Swyddfa Dramor

• Y Gwasanaeth Hunaniaeth a Phasbortau (IPS)