Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Rhieni

Hawliau yn ystod absenoldeb rhiant ac wrth ddychwelyd i’r gwaith

Tra’r ydych ar absenoldeb rhiant, bydd eich contract cyflogaeth yn parhau. Mae hyn yn golygu bod gennych hawl o hyd i gael eich holl fuddiannau cyflogaeth statudol, ond gall eich cyflogwr atal rhai o’r hawliau a’r buddiannau yn eich contract. Yma, gallwch gael gwybod mwy am eich hawliau.

Hawl i wyliau yn ystod absenoldeb rhiant

Mae eich lwfans gwyliau statudol yn un o’ch buddiannau cyflogaeth statudol. Byddwch yn dal i gronni eich lwfans gwyliau statudol yn ystod eich absenoldeb.

Bydd rhai cyflogwyr yn rhoi hawl gwyliau ychwanegol drwy gontract cyflogaeth gweithwyr yn ogystal â’r lwfans gwyliau statudol. Ni fyddwch yn dal i gronni hawl gwyliau eich contract yn ystod eich absenoldeb, oni bai eich bod wedi cytuno ar hynny gyda’ch cyflogwr.

Hawliau pensiwn yn ystod absenoldeb rhiant

Nid yw absenoldeb rhiant yn effeithio ar eich hawliau pensiwn.

Diswyddiadau yn ystod eich absenoldeb rhiant

Os ydych chi ar absenoldeb rhiant, dylech gael eich trin yr un fath ag unrhyw weithiwr arall os bydd sefyllfa o ddiswyddiadau’n digwydd. Mae hyn yn cynnwys yr hawl i gael gwybod am y diswyddiadau a chael ymgynghori amdanynt, a chael eich ystyried am unrhyw swydd arall.

Ni chaiff eich cyflogwr ddewis eich diswyddo:

am eich bod yn cymryd absenoldeb rhiant
am eich bod wedi gwneud cais i gymryd absenoldeb rhiant
am eich bod wedi cymryd absenoldeb rhiant

Fodd bynnag, os dewisir eich diswyddo am resymau teg (e.e. gan fod eich holl adran yn cael eu diswyddo), gellir eich diswyddo.

Dychwelyd i’r gwaith

Cyn belled â bod yr absenoldeb am lai na phedair wythnos, cewch ddychwelyd i’r un swydd. Dylech hefyd elwa o unrhyw welliannau mewn telerau ac amodau cyflogaeth, er enghraifft, os bu codiad cyflog cyffredinol.

Os yw eich absenoldeb am fwy na phedair wythnos, bydd gennych hawl i ddychwelyd i’r un swydd. Os nad yw hyn yn bosibl, bydd gennych hawl i ddychwelyd i swydd debyg gyda’r un statws a thelerau ac amodau â’r hen swydd, neu rai gwell. Ni ddylai eich cyflogwr eich trin yn annheg na’ch diswyddo am gymryd absenoldeb rhiant nac am ofyn am gael gwneud hynny.

Ble i gael cymorth

Os cewch broblemau tra’ch bod ar absenoldeb rhiant, siaradwch â’ch cyflogwr yn gyntaf. Efallai y bydd angen i chi wneud cwyn drwy ddefnyddio trefn gwyno fewnol eich cyflogwr.

I gael mwy o wybodaeth am ble i gael cymorth gyda materion cyflogaeth, ewch i’r dudalen cysylltiadau cyflogaeth.