Gwefan llywodraeth y DU

Sut i apelio yn erbyn penderfyniad gan y CSA

Os ydych am apelio yn erbyn penderfyniad gan y CSA, rhaid i chi naill ai:

• cwblhau’r ffurflen gais apelio
• ysgrifennu llythyr i’r CSA

Rhaid anfon y ffurflen gais neu’r llythyr i’r CSA o fewn mis i ddyddiad llythyr y penderfyniad.

Lawr-lwytho ffurflen gais apelio

Os agorwyd eich cais ar ôl Mawrth 2003, ac rydych am wneud apêl, gallwch lawr-lwytho’r ffurflen ganlynol.

• Download Lawr-lwytho ‘Sut gallaf apelio yn erbyn penderfyniad gan yr Asiantaeth Cynnal Plant’ (PDF, 346K)

• Help gyda ffeiliau PDF

Gallwch gael y ffurflen gais apelio ar gefn y daflen.

Apelio trwy ysgrifennu llythyr

Os ydych am apelio drwy ysgrifennu llythyr i’r CSA, bydd rhaid i chi gynnwys y wybodaeth ganlynol:

• eich rhif cyfeirnod cynhaliaeth plant (bydd hwn ar ben y llythyr a anfonwyd atoch sy’n dweud wrthych am ein penderfyniad)
• y dyddiad ar lythyr y penderfyniad
• manylion y penderfyniad rydych yn apelio yn ei erbyn
• y rhesymau pam eich bod yn credu bod y penderfyniad yn anghywir

Rhaid i chi lofnodi’r ffurflen apelio neu’r llythyr a’u hanfon i’r cyfeiriad canlynol:

Uned Apeliadau Canolog / Central Appeals Unit

Child Support Agency

PO Box 33

Preston

PR11 2DT

Os ydych wedi gofyn i rywun eich cynrychioli, gall y person hwnnw lofnodi’r ffurflen neu’r llythyr. Dim ond os ydych wedi dweud yn barod wrth y CSA bod y person yma yn gweithredu fel eich cynrychiolydd y gallant dderbyn hyn.

Edrych ar y penderfyniad eto

Unwaith caiff apêl ei derbyn, bydd y CSA yn edrych yn ofalus ar y penderfyniad ac yn ei wirio i weld os oes unrhyw wallau.

Yna, byddant yn:

• egluro’r rhesymau am y penderfyniad
• gofyn am fwy o wybodaeth, os oes angen
• gweithio swm newydd o gynhaliaeth plant allan, os yn addas

Os bydd y CSA yn newid y penderfyniad a bod y newid o fudd ariannol i chi, bydd y CSA yn:

• stopio’r apêl
• gweithio swm newydd o gynhaliaeth plant allan
• dweud wrthych ba gamau a gymerwyd

Gallwch dynnu eich apêl yn ôl ar unrhyw amser. Er mwyn tynnu eich apêl yn ôl, rhaid i chi (neu’ch cynrychiolydd) ysgrifennu i’r Uned Apeliadau Canolog eto.

Bydd y CSA yn paratoi ‘ymateb apêl’ os:

• ni fyddwch am dynnu eich apêl yn ôl
• ni ellir newid y penderfyniad er eich budd chi

Mae’r ymateb i’r apêl yn ddogfen sy’n cynnwys holl fanylion yr apêl ynddi. Bydd hyn yn cynnwys:

• y penderfyniad rydych yn apelio yn ei erbyn
• y rhesymau am eich apêl

Caiff hyn ei anfon i’r Tribiwnlys Haen Gyntaf Nawdd Cymdeithasol a Chynnal Plant.

Y Tribiwnlys Haen Gyntaf

Y Tribiwnlys Haen Gyntaf fydd yn gwrando ar eich apêl. Os byddant yn newid penderfyniad gwreiddiol y CSA, byddant yn dweud wrth y CSA pa gamau i’w cymryd. Efallai y gallwch fynd yn ôl i’r tribiwnlys Haen Gyntaf os ydych yn credu nad yw’r CSA wedi gwneud beth ddywedwyd wrthynt am ei wneud.

Os bydd y Tribiwnlys Haen Gyntaf yn penderfynu bod penderfyniad gwreiddiol y CSA yn gywir, bydd y penderfyniad hwnnw yn sefyll.

Cewch fwy o wybodaeth am sut mae tribiwnlys yn gweithio drwy ddefnyddio’r cyswllt isod.

• Apelio i’r Tribiwnlys Nawdd Cymdeithasol a Chynnal Plant Opens new window

Apelio yn erbyn penderfyniad a wnaed gan y Tribiwnlys Haen Gyntaf

Gallwch apelio i’r Uwch Dribiwnlys os ydych yn credu fod y ddau beth canlynol yn gymwys i chi:

• mae penderfyniad y Tribiwnlys Haen Gyntaf yn anghywir yn ôl y gyfraith
• ni ddilynwyd y broses apêl yn gywir

Fel y Tribiwnlys Haen Gyntaf, mae’r Uwch Dribiwnlys yn gorff annibynnol sydd ar wahân i’r CSA. Mae ganddo’r awdurdod i newid penderfyniad y Tribiwnlys Haen Gyntaf os bydd o’r farn:

• bod y penderfyniad yn anghywir yn ôl y gyfraith
• ni ddilynwyd y broses apêl yn gywir

Os bydd yr Uwch Dribiwnlys o’r farn bod y Tribiwnlys Haen Gyntaf wedi gwneud y penderfyniad anghywir, bydd fel arfer yn gwneud un o’r canlynol

• rhoi’r penderfyniad y mae’n credu dylai’r Tribiwnlys Haen Gyntaf fodi wedi ei wneud
• cyfeirio’r achos i Dribiwnlys Haen Gyntaf gwahanol a dweud wrthynt beth i’w wneud

Mwy o wybodaeth am apeliadau’r CSA

Am fwy o wybodaeth am apelio, gallwch lawr-lwytho un o’r taflenni canlynol.

Os agorwyd eich achos ar ôl Mawrth 2003, dylech lawr-lwytho’r daflen ‘Sut gallaf apelio yn erbyn penderfyniad cynhaliaeth plant’.

• Download Lawr-lwytho ‘Sut gallaf apelio yn erbyn penderfyniad cynhaliaeth plant’ (PDF, 346K)

• Help gyda ffeiliau PDF

Os agorwyd eich achos cyn Mawrth 2003, dylech lawr-lwytho’r daflen ‘Sut i Apelio’

• Download Lawr-lwytho ‘Sut i Apelio’ (PDF, 163K)

• Help gyda ffeiliau PDF

Cysylltiadau defnyddiol eraill

• Os ydych yn anghytuno gyda phenderfyniad gan yr Asiantaeth Cynnal Plant (CSA)

• Gwefan Tribiwnlys Nawdd Cymdeithasol a Chynnal Plant Opens new window