Gwefan llywodraeth y DU

Sut mae Didyniad Enillion Morwyr yn gweithio

Er mwyn cael y didyniad, rhaid i chi:

• fod yn gweithio ar long - nid yw rigiau olew na safleoedd eraill ar y môr yn cael eu cyfrif fel llongau at ddibenion y Didyniad Enillion Morwyr - ond mae llongau cargo, tanceri, llongau mordeithio a llongau teithwyr yn cael eu cyfrif
• fod yn gweithio gydol yr amser neu ran o'r amser oddi allan i'r DU - mae hyn yn golygu bod rhaid i chi wneud dyletswyddau ar o leiaf un daith sy'n cychwyn neu'n dod i ben mewn porthladd dramor, ar gyfer pob cyflogaeth
• fod yn 'preswylio'n arferol o fewn y DU' - fod yn ‘preswylio’n arferol’ o fewn y DU - neu’n preswylio ar gyfer dibenion treth mewn gwlad arall yn Ardal Economaidd Ewrop (ar wahân i’r DU) - gallwch gael gwybod mwy drwy ddilyn y ddolen isod

Cewch y didyniad o'ch enillion fel morwr os oes gennych 'gyfnod cymwys' o 365 diwrnod o leiaf pan fyddwch yn absennol o'r DU am y mwyafrif o'r dyddiau hynny. Mae yna reolau arbennig ar gyfer cyfrifo hyn - gweler 'Sut mae cyfrifo'r didyniad' isod.

• Cael gwybod a ydych chi'n preswylio neu'n preswylio'n arferol yn y DU (PDF 640K) Opens new window

• Cymorth gyda ffeiliau PDF

Pwy all gael y didyniad

Gall unrhyw un sy'n gweithio ar long gael y didyniad. Er enghraifft, gallwch ei gael os cyflogir chi fel diddanwr, cogydd, cludwr taith neu gerddor.

Allwch chi ddim cael y didyniad:

• os cyflogir chi gan y Goron - felly chaiff morwyr y Llynges Frenhinol mo'i gael
• os nad ydych yn preswylio’n arferol o fewn y DU nac yn preswylio yn un o wledydd yr Ardal Ewropeaidd Economaidd (ar wahân i’r DU) ond efallai bod gostyngiadau treth eraill y gallwch eu hawlio - gweler yr adran ‘Os ydych chi'n forwr ac nad ydych yn preswylio yn y DU’ isod

Sut mae cyfrifo'r didyniad

Er mwyn gweld a ydych chi'n gymwys i gael y didyniad, mae angen i chi gyfrifo a yw'ch dyddiau oddi allan i'r DU yn ddigon i wneud cyfnod cymwys. Gallwch ddefnyddio Taflen Gymorth HS205 Didyniad Enillion Morwyr er mwyn eich helpu wrth wneud hyn.

• Taflen gymorth Didyniad Enillion Morwyr (PDF 57K) Opens new window

• Cymorth gyda ffeiliau PDF

Os oes gennych fwy nag un swydd

Os oes gennych fwy nag un swydd, gallwch ddal i gael y didyniad oddi ar eich cyflog fel morwr os ydych chi'n bodloni'r holl amodau.

Cofnodion y bydd arnoch angen eu cadw

Efallai y bydd Cyllid a Thollau EM eisiau edrych ar eich ffurflen dreth felly bydd angen i chi gadw manylion:

• y Daflen Gymorth HS205 wedi ei chwblhau
• tocynnau awyren neu docynnau teithio eraill
• biliau gwesty a derbynebau eraill
• pasportau a fisas
• llyfr rhyddhau morwyr
• cofnodion bwrdd rhydd y llongau y buoch yn cyflawni dyletswyddau arnynt

Os oes unrhyw amheuaeth byddant yn cysylltu â'ch cyflogwr er mwyn cael manylion o daith a chriw y llong.

Sut mae cael Didyniad Enillion Morwyr

Os ydych yn preswylio’n arferol o fewn y DU

Os ydych yn preswylio’n arferol o fewn y DU, bydd rhaid i chi gwblhau ffurflen dreth Hunanasesu, gan gynnwys y tudalennau Cyflogaeth a Gwybodaeth Ychwanegol atodol – gallwch gael gwybod mwy drwy ddilyn y dolenni isod

• Cwblhau'ch ffurflen dreth (unigolion a chyfarwyddwyr) Opens new window

• Deall a defnyddio Hunanasesu ar-lein Opens new window

• Cael gafael ar ffurflen dreth Hunanasesu Opens new window

• Taflen gymorth Didyniad Enillion Morwyr (PDF 57K) Opens new window

• Cymorth gyda ffeiliau PDF

Os ydych yn preswylio mewn gwlad Ardal Ewropeaidd Economaidd (ar wahân i’r DU)

Os nad ydych yn preswylio yn y DU ond yn preswylio yn un o wledydd yr Ardal Ewropeaidd Economaidd (ar wahân i’r DU), o’r flwyddyn treth 2011-12 efallai y byddwch yn gymwys i’r Didyniad Enillion Morwyr. Dylech hawlio drwy ddefnyddio’r ffurflen (R43M(SED) Hawlio Ad-daliad - Morwyr Masnachu sy’n preswylio yn yr EEA. Ni ddylech ddefnyddio ffurflen dreth i hawlio Didyniad Enillion Morwyr.

• Cael ffurflen R43M(SED) – Hawlio Ad-daliad – morwyr masnachu sy’n preswylio yn yr EEA Opens new window

Terfynau amser ar gyfer cael gostyngiad treth

Mae’r terfynau amser ar hawlio Didyniad Enillion Morwyr yn cael eu dangos yn y table isod.

Terfynau amser ar gyfer hawlio

Os ydych chi'n forwr nad yw'n preswylio yn y DU na’r EEA

Os ydych chi'n forwr ac nad ydych yn preswylio yn y DU na’r EEA (ar wahân i’r DU), ond eich bod yn talu treth yn y DU oherwydd eich bod yn gweithio i gwmnïau llongau'r DU, efallai y gallech gael eich treth yn ôl. Bydd angen i chi gwblhau ffurflen R43M Hawlio Ad-daliad.

• Cael ffurflen R43M – Hawlio Ad-daliad – morwyr masnachu Opens new window

Sut i gael rhagor o gymorth

Os byddwch angen help neu gyngor, gallwch ffonio'r Llinell Gymorth i Forwyr ar 029 2032 5045. Mae ar agor rhwng 8.00 am a 4.00 pm, o ddydd Llun i ddydd Gwener.

• Gostyngiadau a lwfansau treth - rhagor o wybodaeth

• Gostyngiadau a lwfansau treth - gweithwyr neu gyfarwyddwyr