Gwefan llywodraeth y DU

Pryd allwch chi gael gostyngiad treth ar gyfer ffïoedd a thanysgrifiadau proffesiynol?

Mae'n bosib y bydd angen i chi gael eich enw wedi'i gynnwys ar gofrestr proffesiynol neu gael trwydded arbennig er mwyn gwneud eich gwaith. Neu mae'n bosib y gallai fod yn ddefnyddiol dros ben i berthyn i fudiad pan fydd eu gweithgareddau yn anghenrheidiol i'ch gwaith.

Beth bynnag fo'r rheswm byddwch yn talu ffïoedd cofrestru neu danysgrifiadau aelodaeth - bob blwyddyn fel arfer. Efallai y gallech ddidynnu cost y rhain o'ch incwm trethadwy a thalu llai o dreth.

Gallwch gael gostyngiad treth ar ffïoedd proffesiynol a thanysgrifiadau:

• cyn belled ag eich bod wedi cofrestru, cael trwydded neu wedi dod yn aelod o'r mudiad dan sylw oherwydd bod hynny'n angenrheidiol neu'n berthnasol i'ch gwaith
• cyn belled â bod Cyllid a Thollau EM wedi cymeradwyo'r mudiad yr ydych yn rhan ohono

• Rhestr o fudiadau a gymeradwyir gan Gyllid a Thollau EM Opens new window

Pan nad oes gennych hawl i gael gostyngiad treth

Allwch chi ddim cael gostyngiad treth ar unrhyw ffïoedd na thanysgrifiadau yr ydych yn eu talu i fudiad nad yw Cyllid a Thollau EM wedi ei gymeradwyo.
Ni fyddwch yn gymwys i gael gostyngiad treth:

• gyda thanysgrifiad aelodaeth oes
• os nad ydych chi wedi talu am y ffïoedd a thanysgrifiadau proffesiynol a ganiateir eich hun - er enghraifft os yw'ch cyflogwr wedi eu talu ac wedi cytuno ar 'ganiatâd arbennig' gyda Chyllid a Thollau EM

Cael gwybod faint o ostyngiad treth y gallwch ei gael

Pan fydd Cyllid a Thollau EM yn cymeradwyo mudiad ac yn ei ychwanegu at restr Cyllid a Thollau EM, byddant yn gofyn i'r mudiad roi gwybod i'w aelodau ei bod yn bosib y gallent fod yn gymwys i gael gostyngiad treth ar eu ffïoedd neu eu tanysgrifiadau. Gall eich sefydliad dweud wrthych faint y cewch ei ddidynnu.

Sut mae cael gostyngiad treth ar gyfer ffioedd a thanysgrifiadau proffesiynol

I gael gwybod sut y gallwch gael gostyngiad treth am eich ffioedd a thanysgrifiadau proffesiynol a faint o amser sydd gennych i’w gael, darllenwch y canllaw isod.

• Sut mae cael gostyngiadau a lwfansau - gweithwyr neu gyfarwyddwyr

Mwy o ddolenni defnyddiol

• Gostyngiadau a lwfansau treth – mwy o wybodaeth

• Gostyngiadau a lwfansau treth - gweithwyr neu gyfarwyddwyr