Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Y cartref a’r gymuned - Nodwch, os gwelwch yn dda, na ddiweddarir yr adran hon bellach

Cyngor am ddefnyddio gwasanaethau dymchwel

Os ydych chi'n bwriadu dymchwel adeilad neu ran ohono, mae'n bosib y bydd angen i chi gael caniatâd cynllunio gan eich cyngor lleol. Mae'n syniad da hefyd rhoi gwybod i unrhyw gymdogion a all gael eu heffeithio.

Cael caniatâd cynllunio

Dywedwch wrth eich cyngor lleol os ydych yn bwriadu dymchwel adeilad neu ran o adeilad. Bydd syrfewyr yn ymweld â'ch safle i weld a fydd y dymchwel yn cydymffurfio â Deddf Adeiladu 1984. Mae'n bosib hefyd y bydd angen cymeradwyaeth arnoch dan nifer o Ddeddfau Cynllunio - bydd eich cyngor lleol yn eich cynghori ynghylch hyn, ond yn gyffredinol, dyma ychydig o ganllawiau.

Canllawiau

Does dim angen caniatâd i ddymchwel tai gwydr, ystafelloedd haul, garejys â waliau parod a siediau. Fel arfer, os yw'r adeilad sydd i'w ddymchwel yn llai na 1750 troedfedd giwbig o faint (49.56 metr ciwbig) yna, does dim rhaid cael caniatâd i'w ddymchwel. Fodd bynnag, os yw'r adeilad sydd i'w ddymchwel mewn ardal gadwraeth, bydd rhaid cael caniatâd dan y ddeddfwriaeth gynllunio.

Yn ogystal â dweud wrth eich cyngor lleol, dylech hysbysu pob darparwr gwasanaeth, megis cyflenwyr nwy, trydan a dŵr, ac unrhyw un sy'n byw mewn adeilad cyffiniol.

Mae'n bosib y bydd eich Awdurdod Lleol yn codi arnoch am unrhyw ddifrod a wneir i bafinau, ymyl pafinau neu fin y ffordd.

Deddf Adeiladu 1984 a'r Rheoliadau Adeiladu (yn agor ffenestr newydd) Opens new window

Cysylltu â'ch cymdogion

Gall gwaith adeiladu neu ddymchwel beri problemau i'ch cymdogion. Gallwch leihau neu osgoi niwsans i'ch cymdogion drwy:

roi chwe wythnos o rybudd i'r cyngor am unrhyw waith dymchwel - mae'n bosib y bydd y cyngor yn gosod rhai amodau ynghylch sut y dylid gwneud y gwaith

anfon llythyr at y cymdogion cyn i'r gwaith ddechrau'n dweud wrthyn nhw am y gwaith a beth i'w ddisgwyl. Rhowch enw a rhif cysylltu i'ch cymdogion a sicrhau eu bod yn gwybod beth sy'n digwydd

delio ag unrhyw gwynion sy'n cael eu gwneud am eich safle dymchwel ar unwaith

Ceisio sicrhau cyn lleied o lwch, sŵn a mwg ag y bo modd

Llwch

Cadwch y llwch i lawr drwy daenu dŵr drosto ble bynnag a pha bryd bynnag y bo modd.

Sŵn

Does dim gofyniad cyfreithiol i safleoedd adeiladu weithio ar oriau penodol. Fodd bynnag, mae gweithio y tu allan i'r oriau 7.00am a 5.00pm yn debygol o arwain at gwynion. Gallai gweithio ar y Sul ac ar Wyliau Banc gael effaith debyg. Mae'n beth doeth hefyd i ddechrau'n hwyrach ar ddydd Sadwrn a gweithio hanner diwrnod yn unig.

Mwg

Ni chaniateir llosgi ar safleoedd adeiladu oni bai fod gennych Dystysgrif Eithrio gan Asiantaeth yr Amgylchedd, sy'n gadael i chi losgi coed glân, papur a cherdyn. Fodd bynnag, hyd yn oed gyda'r dystysgrif hon, mae'n bosib bod Deddf Diogelu'r Amgylchedd, 1990 a Deddf Awyr Iach, 1993 yn dal i fod yn berthnasol. I gael rhagor o wybodaeth am y meysydd hyn, cysylltwch â'ch cyngor lleol.