Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Llywodraeth, dinasyddion a hawliau - Nodwch, os gwelwch yn dda, na ddiweddarir yr adran hon bellach

Paneli a phwyllgorau ar gyfer Gwobr y Frenhines am Wasanaeth Gwirfoddol

Mae’r broses asesu enwebiadau ar gyfer Gwobr y Frenhines am Wasanaeth Gwirfoddol yn golygu cyfres o wahanol gamau. Yma cewch wybod beth sy’n digwydd ar ôl i enwebiadau ar gyfer Gwobr y Frenhines am Wasanaeth Gwirfoddol gael eu cyflwyno a phwy sy'n eistedd ar y paneli ac ar y pwyllgorau.

Sut mae’r broses asesu’n gweithio

Ar ôl i chi gyflwyno ffurflen enwebu, bydd gweinyddwr y wobr yn edrych ar bob enwebiad i wneud yn siŵr bod y grŵp yn gymwys ar gyfer y wobr. Yna, bydd y gweinyddwr yn anfon yr enwebiadau at y panel asesu lleol.

Y panel asesu lleol

Bydd Arglwydd Raglawiaid (Lord Lieutenants), sef cynrychiolwyr y Frenhines ym mhob sir, yn trefnu panel asesu lleol a fydd yn cynnwys pobl sy’n gwybod am y gymuned leol. Bydd y panel yn asesu'r holl enwebiadau cymwys yn eu sir.

Yn ystod yr asesiad, mae’n bosib y bydd yr Arglwydd Raglaw neu ei gynrychiolydd yn ymweld â phob un o’r grwpiau sydd wedi’u henwebu er mwyn cael profiad uniongyrchol o waith y grŵp.

Yna, bydd y panel yn penderfynu pa enwebiadau sy’n llwyddiannus ac yn ysgrifennu datganiad (panel citation) yn esbonio pam y dylai'r grŵp ennill y wobr. Bydd y panel yn anfon yr enwebiadau a datganiadau’r panel at y pwyllgor asesu arbenigol.

Y pwyllgor asesu arbenigol

Bydd y pwyllgor asesu arbenigol yn cynnwys arbenigwyr ym maes gwirfoddoli o bob cwr o'r DU. Byddant yn pwyso a mesur yr enwebiadau llwyddiannus a datganiadau'r panel ac yna'n argymell i'r prif bwyllgor gwobrwyo pwy ddylai ennill y wobr.

Y prif bwyllgor gwobrwyo

Bydd y prif bwyllgor gwobrwyo yn adolygu ac yn cymeradwyo argymhellion y pwyllgor asesu arbenigol, ac yn anfon eu hargymhellion i Swyddfa’r Cabinet.

Yna, bydd Swyddfa’r Cabinet yn gwneud cynnig ffurfiol o ba grwpiau ddylai ennill y wobr ac yn ei anfon at Ei Mawrhydi y Frenhines i’w gymeradwyo’n derfynol.

Sut mae’r broses yn gweithio ar gyfer gweinyddiaethau datganoledig

Mae gan Gymru, yr Alban a Gogledd Iwerddon baneli cenedlaethol annibynnol ar gyfer adolygu argymhellion y panel asesu lleol yn y gwledydd hyn.

Bydd y panel annibynnol yn penderfynu pa enwebiadau sy’n llwyddiannus ac yn anfon y rhain, ynghyd â’r datganiad ar gyfer pob enwebiad llwyddiannus, at y pwyllgor asesu arbenigol.

Enillwyr ac astudiaethau achos Gwobr y Frenhines am Wasanaeth Gwirfoddol

Dilynwch y ddolen isod i weld rhestr o enillwyr diweddaraf ac enillwyr blaenorol y wobr ac i ddarllen astudiaethau achos am eu gwaith.

Yn yr adran hon...

Additional links

Allweddumynediad llywodraeth y DU