Gwefan llywodraeth y DU

Eich hawliau cyflogaeth

Mae eich hawliau cyflogaeth wedi'u diogelu o dan y gyfraith er mwyn sicrhau na fydd pobl yn camfanteisio arnoch nac yn eich trin yn wael. Mae rhai hawliau gennych cyn gynted ag y byddwch yn dechrau gweithio ac mae eraill yn dibynnu ers faint rydych wedi bod yn gweithio.

Cael cyngor ar eich hawliau cyflogaeth

Os bydd angen cyngor arnoch, mae amrywiaeth o sefydliadau'n cynnig cyngor am ddim a rhai lle gallwch gael cyngor cyfreithiol y gall fod angen i chi dalu amdano.

Isod ceir rhai o'r sefydliadau a all gynnig cyngor am ddim.

Llinell Gymorth Hawliau Cyflog a Gweithio

Gall y Llinell Gymorth Hawliau Cyflog a Gweithio eich helpu gyda chwestiynau neu gwynion ynghylch:

• hawliau'r Isafswm Cyflog Cenedlaethol
• gweithio i asiantaeth cyflogaeth
• yr hawl i beidio â gorfod gweithio mwy na 48 awr yr wythnos yn erbyn eich ewyllys
• hawliau'r Isafswm Cyflog Amaethyddol
• gweithio i reolwr gangiau (sef asiant sy'n dod o hyd i waith i chi ym maes amaethyddiaeth, coedwigaeth, prosesu bwyd, pecynnu bwyd, prosesu pysgod cregyn)

Gallwch ffonio'r llinell gymorth ar 0800 917 2368 am gyngor neu ddefnyddio'r ffurflen ymholiadau neu'r ffurflen gwynion ar-lein o dan yr amgylchiadau canlynol:

• mae angen mwy o wybodaeth arnoch am eich hawliau yn y meysydd hyn
• rydych o'r farn nad yw eich cyflogwr yn parchu'r hawliau hynny

• Ffurflen ymholiadau cyffredinol ynghylch Hawliau Cyflog a Gweithio Opens new window

• Ffurflen gwyno am Hawliau Cyflog a Gweithio Opens new window

• Manylion cyswllt y Llinell Gymorth Hawliau Cyflog a Gweithio

Os bydd gennych gwestiwn am faes cyflogaeth arall nad yw wedi'i restru yma, mae'n debygol na fydd y Llinell Gymorth Hawliau Cyflog a Gweithio yn gallu ei ateb.

• Hawliau cyflogaeth sylfaenol

• Canllawiau ar hawliau cyflogaeth sylfaenol mewn ieithoedd eraill

ACAS (y Gwasanaeth Cynghori, Cymodi a Chyflafareddu)

Mae Acas yn cynnig cyngor cyfrinachol a diduedd am ddim ar hawliau cyflogaeth fel hawliau gwyliau, tâl salwch a diswyddo annheg.

Gall hefyd helpu cyflogeion a chyflogwyr sy'n ymwneud ag anghydfod cyflogaeth i nodi ffyrdd ymarferol o ddatrys y broblem.

• Manylion cyswllt Acas

Y Comisiwn Cydraddoldeb a Hawliau Dynol

I gael cyngor neu wybodaeth am wahaniaethu, cydraddoldeb a hawliau dynol, gallwch gysylltu â'r Comisiwn Cydraddoldeb a Hawliau Dynol.

• Y Comisiwn Cydraddoldeb a Hawliau Dynol

Sefydliadau eraill

Mae sefydliadau eraill a all fod yn gallu darparu help am ddim gydag ystod eang o faterion gan gynnwys cyflogaeth:

• Cyngor ar Bopeth - help gyda phroblemau cyfreithiol, ariannol ac eraill
• Cyngor Cyfreithiol Cymunedol - help dros y ffôn gyda budd-daliadau a chredydau treth, dyled, addysg, tai, cyflogaeth a phroblemau teuluol

I gael manylion cyswllt dilynwch y dolenni isod.

• Dod o hyd i'ch Canolfan Cyngor ar Bopeth leol

• Cyngor Cyfreithiol Cymunedol

Efallai y bydd angen i chi dalu am gyngor cyfreithiol. Mynnwch wybod mwy am y canlynol:

• cael cyngor cyfreithiol a chymorth cyfreithiol
• chwilio am gyfreithwyr cymeradwy, asiantaethau cynghori a darparwyr gwybodaeth eraill (Cymru a Lloegr)
• dod o hyd i gyfreithiwr yn yr Alban

• Cael cyngor cyfreithiol a chymorth cyfreithiol (adran llywodraeth, dinasyddion a hawliau)