Gwefan llywodraeth y DU

• Download y ffeil Windows Media Video (WMV, 48148K)

• Download y ffeil QuickTime (MOV, 77438K)

Gweithio yn y diwydiant rheoli cyfleusterau

Dysgwch pa sgiliau sydd eu hangen arnoch, y cyfleoedd a gynigir a sut i gael cymorth wrth ddod o hyd i swydd yn y diwydiant rheoli cyfleusterau.

• Gweithio yn y diwydiant rheoli cyfleusterau

Lee Wiltshire, Carillion: "Rydym yn ddarparwr gwasanaeth rheoli cyfleusterau meddal. Cyfleusterau meddal yw pob math o wasanaethau a ddarperir i'r ysbyty heblaw'r rhai clinigol. Rydym yn gwneud yr holl waith glanhau, arlwyo, diogelwch, cynnal a chadw'r safle ac ati. Mae gennym 16 o wahanol wasanaethau rydym yn eu darparu i'r ysbyty gan gyflogi dros 900 o bobl ac mae'r gwasanaethau hynny yn hanfodol i weithrediad yr ysbyty."

Julia Featherstone, Carillion: "Mae pob math o bobl wedi ymuno â ni. Yn ddiweddar mae pobl wedi dod atom a oedd yn rheolwyr yn flaenorol ac newydd golli eu swyddi, ac bellach maent yn cadw tŷ.Ac maen nhw wir yn mwynhau.Wn i ei bod fwy na thebyg yn hollol wahanol i'r hyn y byddent yn ei wneud fel arall ond mae'n rhywbeth newydd, yn her newydd a hyd yn hyn mae wedi bod yn eithaf da."

Steve Butt, Carillion: "Roeddwn yn ddi-waith am chwe mis. Roeddwn wedi bod yn chwilio am waith yn y cyfnod hwnnw yn y sector manwerthu. Rheolwr manwerthu oeddwn i, dyna'r hyn roeddwn yn ei wybod ond doedd dim swyddi o gwmpas ar y pryd. Byddwn yn gwneud cais am 40 neu 50 o swyddi ar yr un pryd a mynd i sawl cyfweliad i chwilio am waith. Dewisais y swydd yn Carillion gan fy mod eisiau parhau i ymdrin â chwsmeriaid neu gleifion gan fod gennyf y sgiliau o ddelio â phobl. Ond roedd yn llwybr gwahanol y gallwn ei ddilyn hefyd a gobeithio y gallwn ddatblygu yn Carillion."

Julia Featherstone: "Ymunais â'r GIG gyntaf fel PSA ac mae hynny ddeng mlynedd yn ôl erbyn hyn, a bellach dwi'n arweinydd tîm felly mae bob amser gyfleoedd gyrfa os ydych am eu cael.Mae llawer o'n staff yn mynd i fod yn weithwyr cymorth gofal iechyd oherwydd pan fyddwch yn gweithio yn y math hwnnw o amgylchedd rydych yn clywed am y swyddi gwag sy'n dod i'r fei."

Lee Wiltshire: "Mae angen i'n hymgeiswyr allu gweithio mewn amgylchedd ysbyty.Nid yw'r un fath ag unrhyw leoliad swydd arall felly mae angen i bobl fod yn ymwybodol o'r hyn y byddant yn dod i gysylltiad ag ef.Byddant yn dod i gysylltiad â chleifion a staff ac ymwelwyr yn aml felly mae angen sgiliau gofal cwsmeriaid da arnynt ac mae angen i staff allu dilyn cyfarwyddiadau a phrosesau gwaith sy'n ofynnol mewn ysbyty modern prysur."

Nigel Patterson, City Facilities Management: "Rydym yn gwmni rheoli cyfleusterau sy'n darparu gwasanaeth cwsmeriaid i 350 o siopau ASDA ledled y wlad lle rydym yn glanhau popeth mewn siop ASDA ac yn cynnal popeth sydd angen ei drwsio. Ar ochr beirianyddol y busnes rydym yn chwilio am beirianwyr medrus.Rydym yn cyflogi dros fil ohonynt. Gallant fod yn drydanwyr. Gallant fod yn beirianwyr H vac, peirianwyr rheweiddio, tirlunwyr, seiri ac ati.Mae angen y sgiliau hynny arnom ym mhob ardal ac ym mhob siop. O ran ochr lanhau ein busnes mae pobl sy'n ymwneud â gwasanaethau sy'n deall y broses o ddarparu gwasanaeth cwsmeriaid, sy'n frwd dros gadw'r siop yn lân."

Derek Sarath, City Facilities Management: "Mae mwy o waith glanhau nag y byddech yn ei feddwl. Rydych yn dod i gysylltiad â chemegion, rhaid i chi ddysgu am y rheini. Gallwch ddilyn cwrs NVQ Lefel 2 ar cemegion glanhau."

Nigel Patterson: "Ar hyn o bryd mae gennym tua 100 o leoedd gwag i lanhawyr ledled y wlad ac mae gennym tua deg o swyddi gwag i beirianwyr ond mae'r sefyllfa honno fwy na thebyg yn newid, oherwydd gallai nifer y swyddi gwag newid yfory.Os oes rhywun yno sydd wedi bod yn ddi-waith am amser hir neu sydd ag anabledd ac sydd am ddychwelyd i'r gwaith rydym am eich helpu i ddychwelyd i'r gwaith os gallwn ynghyd â'r Ganolfan Byd Gwaith."

Derek Sarath: "Roeddwn wedi dod drwy gyfnod o salwch ac yn ddi-waith ers ychydig fisoedd. Doedd dim ffordd i mi wybod sut i ddychwelyd i'r gwaith oherwydd fy salwch ac fe'm hargymhellwyd gan ymgynghorydd yn y Ganolfan Gwaith yn Lerpwl i fynd i le o'r enw Remploy. Roeddwn wedi clywed amdano ond nid oeddwn wedi'i ddefnyddio o'r blaen.Pan es yno gwnaethant i mi deimlo'n gyfforddus a dywedais wrthynt am fy anableddau a'r problemau yr oeddwn wedi'u cael a dywedodd ASDA bod hynny'n iawn, y cawn ddechrau ar fy swydd yn raddol ac na fydd unrhyw beth yn peri gormod o straen. Dyna ddigwyddodd ac roedd popeth yn iawn."

Lee Wiltshire: "Fy nghyngor i bobl sydd am ddychwelyd i'r gwaith yw mynd i'r Ganolfan Gwaith a dod yn rhan o Bartneriaeth Cyflogaeth Leol.Gall y treialon gwaith, sef yr hyfforddiant cyn-gyflogaeth, agor eu meddyliau i roi cynnig ar waith gwahanol.Mae pobl wedi dod i'n meysydd gwaith sydd heb wneud y math hwn o waith o'r blaen ond sy'n ei fwynhau ac sy'n debygol, gobeithio, o aros gyda ni am gryn amser."

Nigel Patterson: "Mae'n wych cwrdd â phobl bob dydd a chael rhywbeth y gallwch fod yn falch ohono yn hytrach na bod gartref ac efallai wneud dim byd.Mae gwaith yn weithgaredd cymdeithasol sy'n gwneud bywyd yn fwy o hwyl."

Derek Sarath: "Daw boddhad swydd o'r ffaith fy mod yn codi'n fore a chael rhywbeth i'w wneud am y diwrnod yn hytrach nag eistedd a gwylio'r teledu.Felly dwi'n ôl yn y gwaith ac yn teimlo'n ddefnyddiol, yn lle teimlo'n dda i ddim fel cynt."

Steve Butt: "Dwi'n hapusach nag erioed nawr.Dwi ddim o dan straen, nid oes unrhyw broblemau a dwi'n dod i'r gwaith yn hapus, ac yn mynd gartre'n hapus."

Gweithio yn y diwydiant rheoli cyfleusterau

Dysgwch pa sgiliau sydd eu hangen arnoch, y cyfleoedd a gynigir a sut i gael cymorth wrth chwilio am swydd yn y diwydiant rheoli cyfleusterau.

• Gweithio yn y diwydiant rheoli cyfleusterau