Gwefan llywodraeth y DU

A yw gweithio ym maes peirianneg yn addas i chi?

Efallai bod gennych ddiddordeb mewn technoleg newydd neu mewn defnyddio eich sgiliau mathemateg, gwyddoniaeth neu gyfathrebu i ddatrys problemau ym maes datblygu cynlluniau. Os felly gallai peirianneg fod yn addas i chi. Mae peirianneg yn cynnig diwydiant cyflym a chystadleuol gyda chyfleoedd i ddysgu sgiliau newydd.

Dyma rywfaint o sylwadau cadarnhaol gan bobl sy'n gweithio yn y diwydiant peirianneg ar hyn o bryd:

Karen Sanders, Gosodwr Offer Cynnal a Chadw a Pheirianneg

"Rwy'n mwynhau bod yn gyfrifol am ansawdd fy ngwaith fy hun."

Shona Wright, Peiriannydd Dylunio

"Rwyf wrth fy modd yn meddwl am syniadau a datrysiadau sy'n mynd â'm gwaith o ddarn o bapur i gynnyrch gorffenedig."

Peirianneg: y ffeithiau

Yn aml mae gan bobl syniadau pendant am swyddi gwahanol. Ond mae'n bwysig cael y ffeithiau bob amser. Dyma rywfaint o gamsyniadau cyffredin, ynghyd â'r ffeithiau go iawn:

• "Mae'n anodd iawn i ferched gael swydd yn y sector peirianneg" - ddim yn wir, mae llawer o gyflogwyr wedi'u siomi gan y nifer isel o ferched sy'n gwneud cais am swyddi peirianneg, yn enwedig ar lefelau crefft a thechnegydd
• "Mae gweithio yn y sector peirianneg yn boeth, yn fudr ac yn llychlyd" - mewn gwirionedd, mae amgylchedd glân yn bwysig iawn ac mae llawer o beiriannau'n cael eu gweithio gan gyfrifiaduron - yn ôl yr angen, caiff pobl ddillad amddiffynnol i wneud gweithio mor gyfforddus â phosibl
• "Nid oes dyfodol i beirianneg yn y DU, mae popeth yn cael ei wneud mewn gwledydd eraill" - mae llawer o gwmnïau cystadleuol yn y DU; mae datblygu cynhyrchion newydd yn allweddol i'w llwyddiant ac mae llawer o gyflogwyr angen pobl i weithio peiriannau a thechnegwyr i reoli prosiectau

Manteision gweithio yn y diwydiant peirianneg

Mae llawer o fanteision o weithio yn y diwydiant peirianneg, gan gynnwys:

• cyfleoedd ardderchog i ddynion a merched - mae llawer o gyflogwyr yn annog mwy o ferched i wneud cais am swyddi peirianneg
• amodau gwaith amrywiol - trafod gwaith dylunio gyda chontractwyr adeiladu ar y safle neu weithio mewn swyddfa neu ffatri
• rhagolygon da - mae prentisiaethau yn ffordd wych o ddechrau

Enghreifftiau o brofiadau pobl

Holly Moss, Peiriannydd Cymorth Technegol

"Rwy'n gweithio fel peiriannydd cymorth technegol, gan helpu i sicrhau fod y dechnoleg sy'n caniatáu i weithredwyr wneud eu galwadau yn gweithio'n iawn. Fe astudiais gyfrifiadureg yn y brifysgol, a dyma fy swydd gyntaf ar ôl graddio. Dwi wrth fy modd! Rwy'n ennill £20,000 y flwyddyn."

Cyngor gyrfaoedd a phroffiliau swyddi

Gallwch gael rhagor o wybodaeth am rolau penodol yn y diwydiant peirianneg drwy ddefnyddio'r ddolen cyngor gyrfaoedd a phroffiliau swyddi isod:

• Proffiliau swyddi gweithgynhyrchu a pheirianneg Opens new window

Dewch o hyd i swydd yn y sector hwn

Gallwch gael rhagor o wybodaeth am hyfforddiant a gyrfaoedd yn y diwydiant peirianneg drwy fynd i'r gwefannau canlynol:

• Y Sefydliad Peirianneg a Thechnoleg Opens new window

• Y Gymdeithas Awyrennaeth Frenhinol Opens new window

• Y Sefydliad Peirianneg Forol, Gwyddoniaeth a Thechnoleg Opens new window

• Y Sefydliad Ffiseg Opens new window

I chwilio am swyddi sydd ar gael yn y sector hwn, defnyddiwch y ddolen 'Dechrau chwiliad swyddi a sgiliau' isod neu ffoniwch 0845 6067 890 i siarad ag ymgynghorydd y Ganolfan Byd Gwaith.

• Dechrau chwiliad swyddi a sgiliau Opens new window

• Help a chyngor wrth wneud cais am swydd

• Cysylltu â'r Ganolfan Byd Gwaith