Gwefan llywodraeth y DU

A yw gweithio ym maes lletygarwch, hamdden, teithio a thwristiaeth yn addas i chi?

Mae'r sector anferth hwn yn cynnig amrywiaeth o swyddi cyffrous gan gynnwys:

• gweithiwr bar

• cogydd

• trefnydd digwyddiadau a chynhadleddau

• croesawydd blaen y tŷ

• rheolwr cyffredinol gwesty

• tywysydd teithiau

Dyma rywfaint o sylwadau cadarnhaol gan bobl sy'n gweithio yn y diwydiant lletygarwch, hamdden, teithio a thwristiaeth ar hyn o bryd:

Ibrahim Naseem, Gweinydd Bwyty

"Mae cyfarfod â phobl newydd drwy'r amser yn golygu nad oes dau ddiwrnod yr un fath. Rwy'n eithaf cymdeithasol a hyderus felly mae gweithio mewn bwyty yn addas iawn i mi."

Gary Brown, Rheolwr Parc Thema

"Mae cyfle gwych i ddod ymlaen yn y diwydiant yma. Efallai y byddwch yn dechrau fel gweinydd ac yn symud ymlaen i fod yn rheolwr digwyddiadau."

Lletygarwch, hamdden, teithio a thwristiaeth: y ffeithiau

Yn aml mae gan bobl syniadau pendant am swyddi gwahanol. Ond mae'n bwysig cael y ffeithiau bob amser. Dyma rywfaint o gamsyniadau cyffredin, ynghyd â'r ffeithiau go iawn:

• "Swyddi dydd Sadwrn yw'r rhain, nid gyrfaoedd go iawn" - nid yw hynny'n wir o gwbl, mae bron pob swydd yn y sector anferth hwn yn rhoi cyfle i chi symud cam i fyny'r ysgol; eich lle chi yw dewis, os ydych am wella eich sgiliau a symud ymlaen, gallwch wneud hynny
• "Rhaid i chi weithio oriau maith" - meddyliwch eto, mae cyfleoedd diri i weithio oriau hyblyg sy'n gweddu i'ch ffordd o fyw; yn aml gallwch weithio'n rhan amser os byddai'n well gennych

Manteision gweithio yn y diwydiant lletygarwch, hamdden, teithio a thwristiaeth

Mae llawer o fanteision o weithio yn y diwydiant lletygarwch, hamdden, teithio a thwristiaeth, gan gynnwys:

• mae'n yrfa gyffrous a chyflym - pan fyddwch yn gweithio gyda'r cyhoedd nid oes dau ddiwrnod yr un fath, bydd bob amser heriau newydd i'w hwynebu, ac efallai y cewch gyfle i weithio mewn lleoedd cyffrous
• cyfleustra a hyblygrwydd - mae'r rhan fwyaf o swyddi yn y sector hwn yn cynnig amrywiaeth o oriau a phatrymau sifft; mae'n bosibl y gallwch drefnu gweithio yn ystod y dydd, gyda'r nos, ar y penwythnos neu'n rhan-amser

Enghreifftiau o brofiadau pobl

Gina Tomas, Cynrychiolydd Gwyliau Plant

"Mae gen i swydd wych. Rwy'n croesawu'r holl westeion ifanc i'n parc gwyliau ac yn gwneud fy ngorau i'w cadw'n hapus ac wedi'u difyrru nes iddynt fynd adref. Rwy'n rhan o dîm mawr a rhaid i ni gydweithio'n dda. Ar hyn o bryd ni fyddwn yn cyfnewid fy swydd am ddim byd! Rwy'n ennill £12,000."

Martin Lyons, Cogydd Tafarn

"Mae fy swydd yn un ymarferol ac mae gen i ddiddordeb brwd mewn bwyd. Rwy'n paratoi, coginio a chyflwyno amrywiaeth o brydau, gyda chymorth dau gogydd dan hyfforddiant. Rwy'n cael datblygu prydau a bwydlenni newydd, felly mae ychydig o greadigrwydd i'w daflu i'r crochan hefyd. Mae fy nghyflog yn £19,000."

Cyngor gyrfaoedd a phroffiliau swyddi

Gallwch gael rhagor o wybodaeth am swyddogaethau penodol yn y diwydiant lletygarwch, hamdden, teithio a thwristiaeth drwy ddefnyddio'r ddolen cyngor gyrfaoedd a phroffiliau swyddi isod.

• Cyngor gyrfaoedd a phroffiliau swyddi Opens new window

Dewch o hyd i swydd yn y sector hwn

Gallwch gael rhagor o wybodaeth am hyfforddiant a gyrfaoedd yn y diwydiant lletygarwch, hamdden, teithio a thwristiaeth drwy fynd i'r gwefannau isod.

• Pasbort Sgiliau'r DU Opens new window

• Gwefan People 1st Opens new window

Rhagor o help a chymorth

I chwilio am swyddi sydd ar gael yn y sector hwn, defnyddiwch y ddolen 'Dechrau chwiliad swyddi a sgiliau' isod neu ffoniwch 0845 6067 890 i siarad ag ymgynghorydd y Ganolfan Byd Gwaith.

Byddant yn gallu rhoi gwybod pa help a chymorth sydd ar gael i'ch helpu i mewn i waith.

• Dechrau chwiliad swyddi a sgiliau Opens new window

• Dod o hyd i'ch swyddfa Canolfan Byd Gwaith leol Opens new window

• Help a chyngor wrth wneud cais am swydd