Gwefan llywodraeth y DU

A yw gweithio yn y llywodraeth yn addas i chi?

Mae llywodraeth ganolog a chynghorau lleol yn cynnig amrywiaeth wych o swyddi diddorol ag amodau gwaith da, cyfleoedd hyfforddi gwerthfawr a rhagolygon gyrfa gwych. Gallai gweithio yn y llywodraeth fod yn addas i chi.

Dyma rywfaint o sylwadau cadarnhaol gan bobl sy'n gweithio yn y llywodraeth ar hyn o bryd:

Una Robert, Swyddog Safonau Masnach

"Mae fy swydd gyda'r cyngor lleol yn rhoi ymdeimlad mawr o foddhad i mi. Mae'n talu'n dda a daw bob dydd â her newydd a gwahanol."

Des Crane, Swyddog Cyngor ar Dai

"Rwy'n gweithio i'r cyngor, gan gynorthwyo tenantiaid ag anawsterau dysgu. Mae'n talu'n dda ac yn swydd werth chweil!"

Llywodraeth: y ffeithiau

Yn aml mae gan bobl syniadau pendant am swyddi gwahanol. Ond mae'n bwysig cael y ffeithiau bob amser. Dyma rywfaint o gamsyniadau cyffredin, ynghyd â'r ffeithiau go iawn:

• "Rhaid i chi gael gradd i weithio i'r llywodraeth" - ddim yn wir, mae cyfleoedd i raddedigion a'r rhai heb radd o fewn llywodraeth ganolog a llywodraeth leol
• "Mae pob swydd o fewn llywodraeth ganolog yn Llundain" - mewn gwirionedd mae 80 y cant o staff llywodraeth ganolog yn gweithio y tu allan i Lundain - lleolir rhai dramor hyd yn oed.
• "Rhaid gweithio mewn swyddfa" - mae gweithio yn yr awyr agored yn rhan o rai swyddi, er enghraifft swyddi amgylcheddol neu weithio mewn ysgolion

Manteision gweithio yn y llywodraeth

Mae llawer o fanteision o weithio yn y llywodraeth, gan gynnwys:

• cyfleoedd ardderchog - mae cyfleoedd i bobl â phob lefel o addysg i weithio o fewn llywodraeth ganolog a llywodraeth leol, nid oes yn rhaid i chi gael gradd
• rhagolygon gyrfa - mae swyddi yn y llywodraeth yn cynnig cyfleoedd hyfforddi gwerthfawr

Enghreifftiau o brofiadau pobl

Ian Soames, Llyfrgellydd

"Rwy'n gweithio i'm cyngor lleol, yn rhedeg llyfrgell y pentref. Dechreuais gydag ychydig o TGAU ond bellach mae gennyf NVQ Lefel 3. Rwyf wrth fy modd yn dod i adnabod y bobl leol ac rwy'n mwynhau cynnal gweithdai arbennig i blant yn enwedig. Mae'r cyflog yn dda ar tua £23,000."

Ella Yemani, Rheolwr Cymorth

"Rwy'n gweithio i'r Bwrdd Cyfiawnder Ieuenctid. Pan adawais yr ysgol dechreuais weithio gyda throseddwyr ifanc. Roeddwn wrth fy modd ond roeddwn am fynd ymhellach. Mae'n golygu fy mod yn gyfrifol am gynnal sawl tîm o staff. Mae angen i mi fod yn gyfathrebwr da ac yn drefnus iawn. Rwy'n ennill £30,000."

Cyngor gyrfaoedd a phroffiliau swyddi

Gallwch gael rhagor o wybodaeth am rolau penodol yn y llywodraeth drwy ddefnyddio'r ddolen cyngor gyrfaoedd a phroffiliau swyddi isod:

• Cyngor gyrfaoedd a phroffiliau swyddi Opens new window

Dewch o hyd i swydd yn y sector hwn

Gallwch gael rhagor o wybodaeth am hyfforddiant a gyrfaoedd yn y llywodraeth drwy fynd i'r gwefannau canlynol:

• Sgiliau Llywodraeth Opens new window

• Cydffederasiwn Recriwtio a Chyflogi Opens new window

I chwilio am swyddi sydd ar gael yn y sector hwn, defnyddiwch y ddolen 'Dechrau chwiliad swyddi a sgiliau' isod neu ffoniwch 0845 6067 890 i siarad ag ymgynghorydd y Ganolfan Byd Gwaith.

Bydd yn gallu rhoi gwybod pa help a chymorth sydd ar gael i'ch helpu i mewn i waith.

• Dechrau chwiliad swyddi a sgiliau Opens new window

• Help a chyngor wrth wneud cais am swydd

• Cysylltu â’r Ganolfan Byd Gwaith