Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Pobl anabl - Nodwch, os gwelwch yn dda, na ddiweddarir yr adran hon bellach

Pobl anabl

Twristiaeth a’r Ddeddf Gwahaniaethu ar sail Anabledd

Mae gan unrhyw ddarparwr gwasanaeth sy'n darparu gwasanaeth i'r cyhoedd yn y DU ddyletswyddau o dan y Ddeddf Gwahaniaethu ar sail Anabledd, pa un a ydynt yn codi am y gwasanaeth hwnnw ai peidio.

Cyfrifoldebau darparwyr gwasanaethau

Mae darparwyr gwasanaethau yn cynnwys llety gwyliau, atyniadau i ymwelwyr, bwytai, a darparwyr cludiant. Allan nhw ddim gwrthod darparu'r gwasanaeth i chi a chithau'n berson anabl, na darparu gwasanaeth o safon is i chi oherwydd eich anabledd, oni ellir cyfiawnhau hynny.

Efallai y bydd angen i ddarparwyr gwasanaethau wneud 'addasiadau rhesymol' i unrhyw rwystrau a all atal person anabl rhag defnyddio neu gael gafael ar eu gwasanaeth.

Beth yw addasiad rhesymol?

Dan y Ddeddf Gwahaniaethu ar sail Anabledd, dim ond newidiadau sy'n 'rhesymol' y mae'n rhaid i ddarparwyr gwasanaethau eu gwneud. Bydd newidiadau syml i gynllun ystafelloedd, gwell arwyddion a gwybodaeth a hyfforddiant staff yn gwella mynediad i gwsmeriaid anabl.

Yr hyn sy'n ymarferol i sefyllfa'r darparwr gwasanaeth sy'n bwysig a pha adnoddau sydd ganddo. Ni fydd yn rhaid iddynt wneud newidiadau sy'n anymarferol neu y tu hwnt i'w modd.

Enghreifftiau o newidiadau rhesymol y gellir eu gwneud

Dyma enghreifftiau o newidiadau rhesymol y gellir eu gwneud:

  • defnyddio print bras ar gyfer cofrestru ymwelwyr a gwybodaeth i ymwelwyr
  • sicrhau bod o leiaf un copi o'r fwydlen sefydlog mewn Braille
  • darparu rhai ffonau gyda botymau mawr
  • darparu larymau cludadwy sy'n dirgrynu ar gyfer gwesteion na fyddant yn gallu clywed larwm tân cyffredin
  • lle nad oes derbynfa isel ar gael, darparu desg isel arall ar gyfer defnyddwyr cadair olwyn
  • anfon staff ar gyrsiau hyfforddiant ymwybyddiaeth o anabledd er mwyn codi ymwybyddiaeth y staff o faterion cyffredin sy'n gysylltiedig ag anabledd

Yn dda ar gyfer busnes

Bydd gwneud eu gwasanaethau'n fwy hwylus nid yn unig o fudd i bobl anabl ond gallai hefyd ysgogi gwesteion i'w hargymell i eraill ac ymweliadau eildro. Er enghraifft:

  • ffrindiau, teuluoedd ac unrhyw ofalwyr sy'n dod gyda pherson anabl
  • cwsmeriaid hŷn nad ydynt yn ystyried eu hunain yn anabl ond a fyddai'n gwerthfawrogi gwell cyfleusterau a mynediad hwylus

Os ydych yn teimlo bod rhywun yn gwahaniaethu yn eich erbyn, efallai y dymunech ofyn am gyngor gan y Comisiwn Cydraddoldeb a Hawliau Dynol.

Gwefan Tourism for All

Elusen yw Tourism for All UK, sy'n cynnig arbenigedd a chymorth i'r sector twristiaeth a lletygarwch i ddarparu gwasanaethau sy'n hwylus i bawb, yn ogystal â rhoi cyngor i bobl anabl ynghylch llety a gwasanaethau twristiaeth eraill.

Yn yr adran hon...

Allweddumynediad llywodraeth y DU