Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Pobl anabl - Nodwch, os gwelwch yn dda, na ddiweddarir yr adran hon bellach

Gwyliau yn y DU ar gyfer pobl anabl

Mae'r wybodaeth hon yn berthnasol i wyliau a gwyliau byr yn y DU ar gyfer pobl anabl, teuluoedd a gofalwyr. Cael gwybod ynghylch y gefnogaeth sydd ar gael a hefyd manylion o’r Cynllun Mynediad Cenedlaethol.

Mudiadau ac elusennau sy’n darparu gwyliau a gwyliau byr

Ceir llawer o fudiadau ac elusennau sy'n trefnu ac yn darparu gwyliau i bobl anabl. Gall hyn osgoi'r drafferth a'r amser i chi o drefnu pethau ac fel arfer rydych yn sicr o fynediad hwylus a chymorth - ond efallai na fydd cymaint o ddewis i chi o ran ble i fynd, beth i'w wneud a ble i aros.

Cysylltiadau teithio a gwyliau ar gyfer pobl anabl

Mathau o wyliau a gwyliau byr

Mae 'na sawl math o wyliau sy'n addas i bobl gydag anableddau neu namau gwahanol. Dyma rai syniadau:

gwyliau gweithgarwch - gan gynnwys nofio, hwylio, marchogaeth a gwersylla
gwyliau mwy hamddenol sy'n cynnwys teithiau wedi'u trefnu a mynd i weld atyniadau a golygfeydd
gwyliau cerdded gyda themâu penodol, er enghraifft, gwylio adar

Yn ogystal â gwestai a thai aros, ceir y mathau canlynol o lety hefyd:

bythynnod hunanarlwyo
parciau gwyliau a chanolfannau gweithgareddau
gwersylloedd

Bydd llety gwyliau ac atyniadau twristiaid sy’n tanysgrifio i’r Cynllun Mynediad Cenedlaethol wedi ystyried gofynion pobl anabl gydag anghenion arbennig ac wedi gwneud darpariaethau priodol.

Y Cynllun Mynediad Cenedlaethol

Mathau o gefnogaeth ar wyliau

Gall cyfarpar arbennig, cerbydau wedi'u haddasu a gwasanaethau nyrsio a gofal fod yn ystyriaethau pwysig ar wyliau. Mae rhai cwmnïau teithio'n delio'n benodol gyda gwyliau ar gyfer pobl anabl. Byddant yn ystyried adeiladau hwylus, atyniadau lleol a chyfleusterau hamdden.

Yn dibynnu ar eich anghenion - a'r cyrchan a ddewiswch - gallai'r gefnogaeth gael ei darparu gan ofalwyr proffesiynol a/neu nyrsys yn ogystal â gwirfoddolwyr. Efallai y gallwch ddewis lefel y gofal gofynnol.

Cyfarpar, addasiadau a gwasanaethau pan fyddwch ar wyliau

Cymorth ariannol

Mae rhai elusennau'n helpu gyda chostau gwyliau ac mae rhai hefyd yn berchen ar eu heiddo'u hunain. Gall teuluoedd ar incwm isel, a chyda phlentyn anabl, fod yn gymwys i gael grant tuag at gost gwyliau. Cysylltwch â'ch adran gwasanaethau cymdeithasol lleol.