Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

Pobl anabl - Nodwch, os gwelwch yn dda, na ddiweddarir yr adran hon bellach

Pobl anabl

Y Cynllun Mynediad Cenedlaethol

Nod y Cynllun Mynediad Cenedlaethol yw helpu darparwyr gwasanaethau yn y diwydiant twristiaeth i hwyluso mynediad at eu gwasanaethau, gan alluogi mwy o bobl anabl i'w defnyddio.

Y cynllun a'i safonau cysylltiedig

Cynllun gwirfoddol yw'r Cynllun Mynediad Cenedlaethol, a gall darparwyr llety gymryd rhan ynddo er mwyn hyrwyddo'r cyfleusterau y maent yn eu cynnig i westeion anabl neu ymwelwyr hŷn.

Mae'r Cynllun Mynediad Cenedlaethol yn canfod pa mor hygyrch yw'r llety i bobl a all fod ag anhawster cerdded, yn defnyddio cadair olwyn, neu â nam synhwyrol.

Mae'r graddau wedi'u rhannu'n dri chategori, ar gyfer:

  • pobl gydag anawsterau symud
  • pobl ddall neu bobl â nam ar eu golwg
  • pobl fyddar neu bobl drwm eu clyw

Cynrychiolir y graddau unigol gan symbolau a ddangosir ar wefannau ac a ddefnyddir mewn llenyddiaeth hyrwyddo megis y llawlyfr Mynediad Hwylus Prydain.

Gellir cael gwybodaeth am y cynllun, gan gynnwys lluniau ac eglurhad o'r symbolau, ar wefan enjoyEngland, lle gallwch hefyd chwilio am westai, llety gwely a brecwast, meysydd gwersylla a llety hunanarlwyo, gyda gradd gan y Cynllun Mynediad Cenedlaethol.

Asesiad annibynnol

Mae pob eiddo sy'n dangos symbol y Cynllun Mynediad Cenedlaethol yn dangos eu bod yn bodloni gofynion y Cynllun Mynediad Cenedlaethol a'u bod wedi'u harchwilio'n annibynnol gan aseswyr hyfforddedig.

Mae perchenogion llety sy'n cymryd rhan yn y Cynllun Mynediad Cenedlaethol wedi gwneud ymdrech arbennig i sicrhau bod eu gwesteion ag anghenion clyw, gweledol neu symudedd yn gallu aros yn eu llety'n gyfforddus.

Gall nodweddion hwyluso mynediad gynnwys rheiliau llaw, rampiau a mynedfeydd heb risiau, cawodydd mynediad gwastad a chyferbyniad lliw yn yr ystafelloedd ymolchi.

Efallai y bydd aelodau staff wedi mynychu cwrs ymwybyddiaeth anabledd, ac yn gwybod pa fath o gymorth gaiff ei werthfawrogi fwyaf.

Pan welwch un o'r symbolau, gallwch fod yn siŵr bod y llety a'r prif gyfleusterau wedi cael eu hasesu'n drwyadl yn erbyn meini prawf llym. Os oes gennych chi anghenion ychwanegol neu ofynion arbennig, dylech sicrhau y gall y llety a ddewiswch ddiwallu'r rhain cyn i chi gadarnhau eich archeb.

Gwybodaeth i ddarparwyr llety i dwristiaid

Mae gwybodaeth fanwl i fusnesau, gan gynnwys sut mae gwneud cais, ar gael ar wefan masnach twristiaeth VisitEngland.

Hefyd, gall darparwyr llety lwytho dogfennau mewn fformat pdf oddi ar y we sy'n eu helpu i arolygu eu hunain, er mwyn asesu statws presennol eu busnes.

Yn yr adran hon...

Allweddumynediad llywodraeth y DU