Gwefan llywodraeth y DU

Hwyluso mynediad

Mae gan y rhan fwyaf o lefydd wefannau sy'n rhoi manylion unrhyw gyfarpar arbennig sydd ar gael a pha mor hwylus yw'r adeiladau o ran mynediad. Gallwch hefyd gael gwybod am deithiau, darlithoedd a gweithdai ar gyfer pobl o bob oed a gallu. Dyma rai bethau efallai y byddwch am ofyn yn eu cylch:

• gwybodaeth am fynediad i wahanol rannau o'r adeilad
• gwybodaeth am deithio a pharcio
• pa gymorth a ddarperir ac a oes angen eu hysbysu o flaen llaw
• pa fformatau y mae’r wybodaeth yn cael ei darparu ynddo
• manylion y gwasanaethau a'r digwyddiadau a dargedir yn benodol at bobl anabl

Dros y blynyddoedd diwethaf, mae newidiadau wedi'u gwneud i weithdrefnau, arferion a mynediad i adeiladau. Er enghraifft:

• teithiau ac arweinlyfrau i bobl ag anableddau dysgu
• hyfforddiant staff i godi ymwybyddiaeth o ofynion gwahanol bobl
• gwybodaeth am yr arddangosion mewn fformatau gwahanol, megis tapiau sain a Braille

Mae ffyrdd newydd o ddarparu gwybodaeth i bobl anabl yn datblygu'n gyson. Er enghraifft:

• disgrifiad o gasgliadau amgueddfeydd ac archifau ar gyfer ymwelwyr dall neu â nam ar eu golwg
• systemau o symbolau ar gyfer pobl ag anawsterau dysgu
• y defnydd o dechnoleg, er enghraifft fideos ar-lein mewn Iaith Arwyddion Prydain

Mae canolfannau'n dechrau cynnwys anghenion defnyddwyr gyda dyslecsia yn eu gwaith cynllunio a'r ffordd y maent yn arddangos ac yn hyrwyddo'u casgliadau.

Dolenni defnyddiol

• Culture24 Opens new window

• Yr Ymddiriedolaeth Genedlaethol Opens new window

• English Heritage Opens new window

• Cadw – Henebion Cymreig Opens new window

• Historic Scotland Opens new window