Gwefan llywodraeth y DU

Sut mae atal pobl sy'n gwneud galwadau ffug - awgrymiadau

Gall y bobl sy'n gwneud galwadau ffug honni eu bod yn gweithio i'r bwrdd dŵr, y bwrdd trydan neu'r bwrdd nwy, eu bod yn weithwyr cyngor neu'n aelodau o'r heddlu, er mwyn gallu dwyn arian neu eiddo o'ch cartref. Gallwch gymryd rhai camau i atal y math hwn o droseddu.

Er mwyn lleihau'r risg i chi o ddioddef y trosedd hwn, cofiwch y tri cham canlynol:

Stopiwch cyn agor y drws

Bachwch - rhowch y gadwyn yn ei lle

Holwch - y sawl sy'n galw am ei gerdyn adnabod - ac edrychwch arno'n fanwl - cyn ei adael i mewn. Defnyddiwch y rhif ffôn yn y llyfr ffôn, nid y rhif sydd ar gerdyn adnabod

Os ydych yn byw yng Nghymru neu yn Lloegr

Mae'r Llywodraeth wedi llunio cyngor sydd ar gael gan eich cyngor lleol, yn eich gorsaf heddlu leol a chan eich grŵp Gwarchod y Gymdogaeth lleol.

Gellir cael rhagor o wybodaeth am sut i leihau troseddu ar y wefan Lleihau Troseddu hefyd.

• Dod o hyd i’ch cyngor lleol

• Gwefan Lleihau Lefelau Troseddu Opens new window

Os ydych yn byw yn yr Alban

Gallwch ffonio Uned Atal Troseddau Gweithrediaeth yr Alban i gael gwybodaeth gyffredinol am atal troseddu a diogelwch cymunedol ar 0131 244 3995. Mae'r llinell ar agor o ddydd Llun i ddydd Gwener, o 9.00 am tan 5.00 pm.

Mae'n bosib hefyd y gall y swyddog atal troseddu yn eich swyddfa heddlu leol, neu reolwr diogelwch cymunedol eich cyngor lleol helpu. Cewch eu cyfeiriadau a'u rhifau yn y llyfr ffôn.