Gwefan llywodraeth y DU

Pecyn Teulu Cymorth Cynnar

Cyfres o ddeunyddiau i helpu teuluoedd i gydlynu gwybodaeth a gwasanaethau yw’r Pecyn Teulu. Mae hefyd yn cynorthwyo gweithwyr proffesiynol i gynllunio'r gwasanaethau y maent yn eu darparu.

Mae’r Ffeil Deulu yn rhan bwysig o’r Pecyn Teulu. Mae’n ffordd hawdd i deuluoedd rannu gwybodaeth a ffeithiau sylfaenol am eu plentyn ac am y sefyllfa deuluol gyda phobl eraill. Yn ôl teuluoedd, mae’n lleihau’r straen a’r rhwystredigaeth sy’n deillio o ailadrodd yr un pethau. Mae hefyd yn cynorthwyo i leihau’r pwysau sy’n gysylltiedig â cheisio cofio popeth mewn sefyllfa lle mae rhywun dan straen.

Mae’r pecyn hefyd yn cynnwys llyfrynnau gwybodaeth am y gwasanaethau a’r cymorth sydd ar gael i chi.

• Rhannu gwybodaeth am eich plentyn – Ffeil Deulu Cymorth Cynnar

• Y Pecyn Teulu – gwefan Mae Pob Plentyn yn Bwysig Opens new window

Llyfrynnau ‘Gwybodaeth Gefndir’

Mae’r llyfrynnau hyn yn darparu gwybodaeth sylfaenol ynghylch sut mae gwasanaethau’n cael eu trefnu a sut maent yn gweithio. Maent yn esbonio pa wasanaethau sydd ar gael i gynorthwyo rhieni a gofalwyr gyda phlant ifanc anabl, yn eu helpu i wybod beth ddylent ei ddisgwyl gan bob gwasanaeth ac yn egluro beth i’w ofyn.

Mae’r llyfrynnau’n esbonio ac yn diffinio gwasanaethau, swyddogaethau gweithwyr proffesiynol ac acronymau. Gall rhieni a gofalwyr ddefnyddio’r llyfrynnau i gael yr wybodaeth y mae arnynt ei hangen pan fydd angen.

Gallwch weld llyfrynnau am y canlynol, a’u llwytho i lawr:

• pobl y byddwch yn cyfarfod â nhw o bosib
• gofal plant
• cymorth ariannol (gan gynnwys y Lwfans Byw i’r Anabl)
• addysg
• gwasanaethau iechyd
• gwasanaethau cymdeithasol
• asesiadau statudol - addysg
• mudiadau a chysylltiadau defnyddiol

Mae’r llyfrynnau gwybodaeth gefndir yn rhan o Becyn Teulu Cymorth Cynnar – byddwch yn cael y pecyn hwn pan fyddwch yn dechrau'r rhaglen.

Gallwch hefyd eu llwytho i lawr oddi ar wefan Mae Pob Plentyn yn Bwysig.

• Llyfrynnau Gwybodaeth Gefndir – gwefan Mae Pob Plentyn yn Bwysig Opens new window

• Llyfrynnau Gwybodaeth Gefndir am Cymorth Cynnar mewn ieithoedd eraill – gwefan Mae Pob Plentyn yn Bwysig Opens new window

Llyfrynnau ‘Gwybodaeth i Rieni’

Gall y llyfrynnau hyn fod yn ddefnyddiol pan roddir diagnosis o gyflwr penodol. Fe’u datblygwyd i ddarparu gwybodaeth allweddol sy'n ddefnyddiol yn ôl teuluoedd eraill sydd 'wedi bod yna o'r blaen', gan gynnwys cysylltiadau.

Mae rhai teuluoedd yn hoffi defnyddio’r llyfrynnau i esbonio pethau am sefyllfa eu plentyn i neiniau a theidiau, ffrindiau, gwarchodwyr plant ac ysgolion. Gallwch lwytho unrhyw un o’r llyfrynnau oddi ar wefan Mae Pob Plentyn yn Bwysig, neu archebu copi papur. Mae’r teitlau’n cynnwys:

• Anhwylderau ar y sbectrwm awtistig
• Parlys yr ymennydd
• Byddardod
• Syndrom Down
• Os oes gan eich plentyn gyflwr prin
• Anableddau dysgu
• Nam amlsynhwyraidd
• Anawsterau lleferydd ac iaith
• Nam ar y golwg

Pan nad yw’ch plentyn wedi cael diagnosis

• Llyfrynnau Gwybodaeth i Rieni – gwefan Mae Pob Plentyn yn Bwysig Opens new window

Cofnodi datblygiad eich plentyn gyda Dyddiaduron Datblygiad Cymorth Cynnar

Mae'r Dyddiaduron Datblygiad yn helpu teuluoedd i gadw cofnod, i ddathlu ac i rannu gwybodaeth ynghylch beth mae eu plentyn yn gallu ei wneud. Gall rhieni a gofalwyr ddod â nhw i apwyntiadau a rhannu'r wybodaeth sydd ynddynt fel nad oes angen ailadrodd gwybodaeth bwysig am ddatblygiad eu plentyn.

Gallwch lenwi’r adrannau eich hun neu gyda'r bobl eraill sy'n gweithio gyda'ch plentyn.

Mae’r Dyddiaduron Datblygiad:

• yn canolbwyntio ar beth mae’ch plentyn yn gallu ei wneud, nid ar y pethau nad yw'n gallu eu gwneud
• yn annog cydweithio
• yn gwella cyfathrebu
• yn sicrhau bod sylwadau gofalwyr amser llawn yn cael eu cynnwys yn yr asesiadau
• yn ei gwneud yn haws siarad am y camau nesaf ar gyfer dysgu a datblygu

Gallwch ddysgu mwy am Ddyddiaduron Datblygiad a llwytho copïau oddi ar wefan Mae Pob Plentyn yn Bwysig.

• Dyddiaduron Datblygiad Cymorth Cynnar – gwefan Mae Pob Plentyn yn Bwysig Opens new window

Llyfryn ‘Dewisiadau Doeth’

Mae’r llyfryn 'Helping you choose: making informed choices for you and your child' yn arbennig o berthnasol i deuluoedd a chanddynt blant ifanc byddar, ond mae hefyd o fudd i rieni a gofalwyr yn gyffredinol. Mae’n annog rhieni a gofalwyr plant anabl i ofyn cwestiynau fel:

• ydyn ni’n cael y gefnogaeth a'r cymorth iawn i wneud y penderfyniadau a’r dewisiadau iawn ar gyfer ein teulu?
• ydyn ni’n cael cynnig yr holl ddewisiadau a’r cyfleoedd sydd ar gael i blant byddar a’u teuluoedd?
• ydyn ni’n cael ein trin â pharch ac ydy ein safbwyntiau a’n barn yn cael eu parchu?

Gallwch hefyd lwytho’r llyfryn oddi ar wefan Mae Pob Plentyn yn Bwysig.

• Deunyddiau Cymorth Cynnar – gwefan Mae Pob Plentyn yn Bwysig Opens new window