Gwefan llywodraeth y DU

Dewis ble i astudio

Cofiwch nad oes gan y rhan fwyaf o wledydd system fynediad ganolog fel UCAS yn y DU - mae'n debygol y bydd yn rhaid i chi wneud cais i bob prifysgol yn unigol.

Gallwch ddysgu am addysg uwch mewn gwledydd eraill yn yr Undeb Ewropeaidd ar wefan Your Europe. Mae gan Your Europe wybodaeth am strwythur cyrsiau, ffioedd nodweddiadol, a chymorth ariannol.

Mae gan wefan Cyngor y DU dros Faterion Myfyrwyr Rhyngwladol (UKCISA) ddolenni at wybodaeth am addysg uwch mewn gwledydd unigol - yn yr UE ac y tu allan iddi.

Mae ffynonellau gwybodaeth eraill yn cynnwys llysgenadaethau tramor yn y DU, ac ar gyfer gwledydd y Gymanwlad, Cymdeithas Prifysgolion y Gymanwlad.

• Eich Ewrop: addysg uwch yng ngwledydd yr Undeb Ewropeaidd Opens new window

• UKCISA: cyngor i fyfyrwyr y DU am astudio dramor Opens new window

• Llysgenadaethau tramor yn y DU Opens new window

Syniadau ar gyfer cyrsiau

Mae canllaw 'Astudio Dramor' Sefydliad Addysgol, Gwyddonol a Diwylliannol y Cenhedloedd Unedig (UNESCO) yn cynnwys cronfa ddata o oddeutu 2,900 o gyrsiau ac ysgoloriaethau sydd ar gael ledled y byd. Yn ogystal â gwybodaeth sylfaenol am gyrsiau, cewch syniad pa gymorth ariannol a all fod ar gael.

• UNESCO: canllaw i astudio dramor Opens new window

Gwneud yn siŵr bod sefydliadau a chymwysterau'n cael eu cydnabod

Gweld sefydliadau

Mae dilyn cwrs gradd yn golygu buddsoddiad sylweddol o amser ac arian, felly mae'n werth edrych yn iawn ar unrhyw sefydliad yr ydych yn ystyried gwneud cais iddo.

Gallwch ddefnyddio gwefan enic-naric.net i weld a yw prifysgol y mae gennych ddiddordeb ynddi yn cael ei chydnabod yn ei gwlad ei hun. Mae'r wefan hon yn cael ei rhedeg gan y Comisiwn Ewropeaidd, Cyngor Ewrop ac UNESCO/CEPES, a cheir dolenni gwych at wybodaeth arni. Bydd y dolenni hyn yn rhoi gwybodaeth am y systemau addysg mewn dros 50 o wledydd. Mae 'Pecyn Cymorth i fyfyrwyr' UNESCO yn cynnwys awgrymiadau ynghylch sicrhau bod cwrs yr ydych yn ei ystyried yn fuddiol.

• Rhwydwaith enic-naric: proffiliau gwledydd Opens new window

• UNESCO: pecyn cymorth i fyfyrwyr Opens new window

Gwirio cymwysterau

Hyd yn oed os yw sefydliad yn cael ei gydnabod yn ei wlad ei hun, bydd yn syniad i chi edrych pa statws sydd gan y cymhwyster a gewch yn y DU.

Gall dinasyddion y DU sy'n meddwl am fynd dramor i astudio gael cyngor gan UK Naric ynghylch achrediad a chydnabyddiaeth y cymwysterau y bwriadant eu hastudio. Gallwch hefyd gael gwybodaeth am y sefydliad yr ydych yn awyddus i fynd iddo dramor.

UK NARIC yw'r asiantaeth genedlaethol yn y DU sy'n gyfrifol am ddarparu gwybodaeth a barn arbenigol am gymwysterau a enillir dramor. Tra mae'n gallu rhoi barn am statws gradd o wlad dramor yn y DU, er gwybodaeth yn unig y mae hyn ac nid oes sail gyfreithiol i'r wybodaeth. Mae gan gyflogwyr a sefydliadau addysg uwch yn y DU hawl i wneud eu penderfyniadau eu hunain (neu ddim) ynghylch a ydynt am gydnabod cymwysterau dramor ai peidio.

Mae'n bwysig bod eich cymwysterau'n cael eu cydnabod, yn enwedig ar gyfer gyrfaoedd pan fydd angen y cymwysterau hynny arnoch i ymarfer - ym maes meddygaeth neu'r gyfraith, er enghraifft. Dylech holi'r corff proffesiynol perthnasol yn y wlad y bwriadwch weithio ynddi.

• Asiantaeth UK NARIC Opens new window

• Mwy o wybodaeth am rwydwaith NARIC Opens new window

Gofynion mynediad

Yn ogystal â gwneud yn siŵr bod y cwrs a'r brifysgol yn iawn i chi, bydd angen i chi feddwl am bethau ymarferol.

Bydd nifer o brifysgolion mewn gwledydd tramor yn cynnig cyrsiau drwy gyfrwng y Saesneg, ond efallai y bydd rhai yn gofyn i chi sefyll prawf iaith cyn y byddant yn eich derbyn. Yn ogystal â hyn bydd angen i chi drefnu fisa myfyriwr, trwydded breswylio neu waith papur arall y mae'n rhaid ei gael.

Mae gan Your Europe wybodaeth am ofynion mynediad yn Ewrop. Mae 'Proffiliau Gwledydd' enic-naric.net yn cynnwys dolenni at wybodaeth am systemau addysg ledled y byd - mae llawer o'r rhain yn cynnwys manylion gofynion mynediad.

• Dewisiadau ar ôl graddio: gweithio ac addysg i ôl-raddedigion (adran addysg a dysgu)

• Eich Ewrop: addysg uwch yng ngwledydd yr Undeb Ewropeaidd Opens new window

• Rhwydwaith enic-naric: proffiliau gwledydd Opens new window

I gael gwybodaeth am ariannu eich cwrs gradd dramor, dilynwch y ddolen isod:

• Astudio mewn prifysgol dramor: arian