Gwefan llywodraeth y DU

Beth y mae angen i chi ei wneud

Mae'n bwysig y caiff pasbort person a fu farw ei ganslo fel na ellir ei ddefnyddio'n anghyfreithlon. Os ydych yn gyfrifol am eiddo person a fu farw dylech ddychwelyd y pasbort i'r Gwasanaeth Hunaniaeth a Phasbortau pryd bynnag y bo'n bosib. Dylech roi gwybod i'r Gwasanaeth Hunaniaeth a Phasbortau pan fydd deiliad pasbort wedi marw.

Sut mae dychwelyd pasbort person a fu farw

Os ydych yn y DU, dylech naill ai:

• fynd â’r pasbort i’ch Swyddfa Basbort Ranbarthol agosaf
• ei anfon at Reolwr Gwasanaeth Cwsmer, Swyddfa Basbort Casnewydd, Rhif Blwch 175, Casnewydd NP20 1XA

Dylech hefyd gynnwys copi wedi'i lenwi o'r ffurflen 'Beth i'w wneud pan fydd deiliad pasbort wedi marw'. Gallwch gael gafael ar y ffurflen ar-lein drwy ddilyn y ddolen isod neu gallwch ofyn am gopi drwy ffonio'r Llinell Gymorth Pasbortau ar 0300 222 0000.

Os ydych dramor, dylech anfon y pasbort i'ch llysgenhadaeth, eich uwch gomisiwn neu'ch is-genhadaeth Brydeinig agosaf. Dylech hefyd gynnwys copi wedi'i lenwi o'r ffurflen 'Beth i'w wneud pan fydd deiliad pasbort wedi marw'.

At ddibenion diogelwch, cyn ei phostio, dylech dorri cornel uchaf ochr dde clawr blaen y pasbort - mae hyn yn atal neb rhag ei ddefnyddio eto.

Pan fydd y Gwasanaeth Hunaniaeth a Phasbortau yn cael y pasbort byddant yn ei ganslo ar y gronfa ddata pasbortau ac yn:

• cael gwared arno'n ddiogel ar eich rhan
• ei ddychwelyd atoch

Os hoffech i'r pasbort gael ei ddychwelyd atoch, bydd angen i chi roi gwybod i'r Gwasanaeth Hunaniaeth a Phasbortau drwy dicio blwch ar y ffurflen. Oni fyddwch yn gofyn iddo gael ei ddychwelyd, bydd y Gwasanaeth Hunaniaeth a Phasbortau yn cael gwared ar y pasbort unwaith y byddant wedi'i ddiddymu.

• Download ffurflen 'Beth i'w wneud pan fydd deiliad pasbort wedi marw' oddi ar y we (PDF, 54K)

• Cymorth gyda ffeiliau PDF

• Dod o hyd i'ch Swyddfa Basbort Ranbarthol agosaf Opens new window

• Dod o hyd i'ch Swyddfa Basbort Ranbarthol agosaf (Gogledd Iwerddon) Opens new window

• Dod o hyd i lysgenadaethau, uwch gomisiynau ac is-genadaethau Prydeinig o amgylch y byd Opens new window

Rhestr wirio - dychwelyd pasbort person a fu farw

Pan fyddwch yn dychwelyd pasbort person a fu farw i'r Gwasanaeth Hunaniaeth a Phasbortau neu lysgenhadaeth, is-genhadaeth neu uwch gomisiwn Prydeinig, dylech gynnwys y canlynol:

• y pasbort, ar ôl torri cornel uchaf ochr dde'r clawr
• ffurflen 'Beth i'w wneud pan fydd deiliad pasbort wedi marw' wedi'i llenwi, gan nodi p’un ai a ydych am i’r pasbort gael ei ddychwelyd atoch ai peidio (bydd angen rhif y dystysgrif marwolaeth arnoch, os yw hwn ar gael i chi)

Os na allwch ddod o hyd i basbort y person a fu farw

Os yw'r pasbort ar goll neu os nad yw ar gael eich cyfrifoldeb chi yw rhoi gwybod am hyn i'r Gwasanaeth Hunaniaeth a Phasbortau.

Os ydych chi yn y DU, dylech ysgrifennu at Reolwr Gwasanaethau Cwsmer, Swyddfa Pasbort Casnewydd, Blwch Post 175, Casnewydd, NP20 1XA. Y tu allan i'r DU, dylech gysylltu â'ch llysgenhadaeth, eich is-genhadaeth neu'ch uwch gomisiwn Prydeinig agosaf.

Bydd angen i chi anfon neu fynd â'r canlynol i'r Gwasanaeth Hunaniaeth a Phasbortau:

• ffurflen Hysbysu am Basbort sydd ar Goll neu wedi'i Ddwyn (LS01) wedi'i llenwi
• copi gwreiddiol (nid llungopi) o'r dystysgrif marwolaeth
• ffurflen 'Beth i'w wneud pan fydd deiliad pasbort wedi marw' wedi'i llenwi

• Download Ffurflen Hysbysu am Basbort sydd ar Goll neu wedi'i Ddwyn (LS01) ar-lein (PDF, 231K)

• Cymorth gyda ffeiliau PDF

• Archebu tystysgrif marwolaeth (adran llywodraeth, dinasyddion a hawliau)

• Dod o hyd i lysgenadaethau, is-genadaethau ac uwch gomisiynau Prydeinig dramor Opens new window

• Llenwi'r ffurflen Hysbysu am Basbort sydd ar Goll neu wedi'i Ddwyn (LS01) Opens new window

Mwy o gymorth ar ôl i rywun farw

Os oes rhywun wedi marw ac mai chi sy'n gyfrifol am ddelio â'u materion, gweler 'Beth i'w wneud ar ôl marwolaeth' i gael mwy o gymorth a chyngor.

• Beth i'w wneud ar ôl marwolaeth (adran y llywodraeth, dinasyddion a hawliau)