Gwefan llywodraeth y DU

Iechyd meddwl eich plentyn

Mae plant yn wynebu pwysau o sawl math yn ein cymdeithas fodern. Mae'r rhan fwyaf yn ymdopi'n iawn, ond mae rhai yn cael trafferth ymdopi neu ddim yn cael y gefnogaeth y mae ei hangen arnynt i deimlo'n hapus, yn ddiogel ac yn hyderus. Os ydy'ch plentyn yn teimlo'n ofidus neu'n boenus, gall fynegi'r anhapusrwydd mewn sawl ffordd:

• methu cysgu, cael hunllefau, gwlychu'r gwely
• bod yn niwsans yn y dosbarth
• dechrau troi'n ffyslyd gyda bwyd neu lanweithdra, neu ddatblygu problemau bwyta
• troi'n ddigalon ac yn isel
• ceisio hunan-niweidio
• cael trafferth gwneud ffrindiau, neu'r berthynas â'r teulu yn y cartref yn troi'n anodd
• troi'n ofnus ac yn ddig/chwerw
• dechrau cwffio a throi'n ymosodol

Yn yr un modd, efallai y bydd eich greddf yn dweud wrthych fod rhywbeth o'i le.

Os ydych yn poeni am eich plentyn, gallech chi:

• siarad â'ch meddyg teulu - gall eich cyfeirio at wasanaethau arbenigol yn eich ardal ar gyfer plant, pobl ifanc a theuluoedd
• siarad ag ysgol eich plentyn - efallai y bydd yr ysgol yn gallu helpu i ddatrys y problemau, darparu cefnogaeth ychwanegol a bod yn ystyriol o'r plentyn
• cysylltu â'r gwasanaethau cymdeithasol i ganfod pa gefnogaeth sydd ar gael ar gyfer eich teulu
• cael gwybodaeth am fudiadau cwnsela pobl ifanc yn eich ardal drwy Youth Access ar 020 8772 9900

Mudiadau cymorth

• mae gwasanaeth gwybodaeth Young Minds i rieni ar 0800 018 2138 yn darparu cyngor cyfrinachol i unrhyw oedolyn sy'n pryderu am iechyd meddwl neu les emosiynol plentyn neu berson ifanc
• mae llinell gymorth Parentline Plus ar 0808 800 2222 yn darparu cymorth a gwybodaeth i unrhyw un sy'n gofalu am blant
• mae ChildLine ar 0800 1111 yn cynnig cymorth i bobl ifanc mewn trafferthion neu mewn perygl

• Llwytho taflenni ffeithiau ar ystod eang o faterion iechyd meddwl gan y Coleg Brenhinol y Seiciatryddion Opens new window

• Gwefan youth in mind – cyngor ar afiechyd meddwl i rieni, plant a phobl yn eu harddegau Opens new window

• Gwefan Parentline Plus Opens new window

• Deall gofid yn ystod plentyndod Opens new window

Mwy o ddolenni defnyddiol

• Parentchannel.tv (gwybodaeth fideos ar gyfer rhieni) Opens new window