Gwefan llywodraeth y DU

Siarad â'ch plentyn

Mae'n bosib y bydd eich plentyn yn poeni am beth i'w ddisgwyl ar ddiwrnod cynta'r ysgol.

Os felly, un ffordd o'u helpu yw sgwrsio â nhw am eu hofnau:

Peidiwch â bychanu ofnau eich plentyn - mae pethau sy'n amlwg neu'n wirion i oedolion yn gallu bod yn fwgan mawr i blentyn pump oed.

Meithrin sgiliau ymarferol

Os oes gan blant syniad da o sut le fydd yr ysgol a'u bod nhw eisoes wedi cael profiad o weithgareddau dysgu gartref ac mewn sefyllfaoedd eraill, maen nhw'n llai tebygol o deimlo dan straen.

Gall gemau, chwarae rôl a darllen gartref fod o help i'ch plentyn fynd i'r ffrâm meddwl iawn a rhoi hwb i'w hyder.

Dyma rai o'r gweithgareddau y gallai eich plentyn eu gwneud:

• chwarae gemau sy'n golygu cymryd eu tro neu siarad o flaen grŵp
• chwarae gyda phlant o oedran tebyg er mwyn meithrin eu sgiliau cymdeithasol
• darllen llyfrau am ddechrau'r ysgol
• defnyddio hoff deganau eich plentyn i chwarae rôl mynd i'r ysgol
• peintio a darlunio, sy'n golygu eistedd i lawr am gyfnodau byr

• Helpu eich plentyn i ddysgu

Yn ystod yr wythnosau cyn dechrau'r ysgol

Pan fydd diwrnod cynta'r tymor ar y gorwel, fe allech chi:

• gynnwys eich plentyn wrth ddewis y pethau sydd eu hangen ar gyfer yr ysgol fel bag ysgol neu wisg ysgol
• ymweld â'r ysgol gyda'ch plentyn er mwyn iddyn nhw gael cyfle i weld beth sy'n digwydd
• bydd gan rai ysgolion drefniadau i gynorthwyo'ch plentyn wrth ddechrau yn yr ysgol ac efallai yr hoffech holi am hyn
• sefydlu trefn ddyddiol a thrafod beth allai fod yn digwydd yn yr ysgol ar wahanol adegau o'r diwrnod

Mwy o ddolenni defnyddiol

• Cefnogaeth yn yr ysgol (adran pobl anabl)

• Siarad â rhieni a gofalwyr eraill ynghylch addysg gynradd (Mumsnet) Opens new window

Cysylltiadau defnyddiol

• Cysylltiadau rhieni