Gwefan llywodraeth y DU

Beth yw'r Confensiwn?

Mae gan bob plentyn a pherson ifanc hyd at 18 oed yr holl hawliau yn y Confensiwn. Mae gan rai grwpiau o blant a phobl ifanc - er enghraifft y rheiny sy'n byw oddi cartref a phobl ifanc anabl - hawliau ychwanegol i sicrhau eu bod yn cael eu trin yn deg a bod eu hanghenion yn cael eu bodloni.

Llofnododd y DU Gonfensiwn y Cenhedloedd Unedig ar Hawliau'r Plentyn ar 16 Rhagfyr 1991. Golyga hyn bod rhaid i lywodraeth y DU sicrhau bod pob plentyn yn cael yr holl hawliau a amlinellir yn y cytundeb ac eithrio yn y mannau hynny lle mae'r llywodraeth wedi cynnwys eithriadau penodol.

Mae’r Confensiwn yn gytundeb rhwng gwledydd sy'n golygu eu bod yn ufuddhau i’r un gyfraith. Pan fydd llywodraeth gwlad yn llofnodi confensiwn, golyga hynny ei bod yn cytuno i ufuddhau i'r rheolau a sefydlwyd yn y confensiwn hwnnw.

Beth mae’r cytundeb yn ei olygu

Ers 15 Ionawr 1992, pan ddaeth y cytundeb i rym, cafodd pob plentyn yn y DU hawl i dderbyn dros 40 o hawliau penodol. Mae’r rhain yn cynnwys:

Mae'r hawliau sy'n cael eu cynnwys yn y confensiwn yn berthnasol i bob plentyn a pherson ifanc, heb unrhyw eithriadau.

Am wybodaeth fanylach ar y cytundeb a'r hawliau sydd ynddo, a gweld unrhyw eithriadau sydd gan bob gwlad, cliciwch ar y ddolen isod.

• Mwy am UNCRC, yn cynnwys crynodeb o'r cytundeb Opens new window

Sicrhau bod gwledydd yn glynu wrth reolau'r Confensiwn

Y Pwyllgor ar Hawliau'r Plentyn sy'n ysgwyddo cyfrifoldeb dros wneud yn siŵr bod pob gwlad yn glynu wrth y cytundebau yn y Confensiwn. Corff rhyngwladol yw hwn gydag arbenigwyr ar hawliau dynol yn aelodau ohono. Adolygwyd perfformiad Llywodraeth y DU ddiwethaf gan y pwyllgor yn 2002.

Bellach, mae gan Loegr Gomisiynydd Plant, sy'n ysgwyddo cyfrifoldeb dros hyrwyddo ymwybyddiaeth o farn a diddordebau plant yn ogystal â hawliau eraill a sicrheir gan y Confensiwn. Rhaid i'r Comisiynydd baratoi adroddiad i'r Senedd bob blwyddyn.

Sylwadau ar gyflwyno

Mae aelodau'r Cenhedloedd Unedig wedi gofyn i'r llywodraeth adael iddynt wybod sut mae hawliau pobl ifanc yn cael eu hystyried yn y DU.

I wneud hyn, gofynnodd y llywodraeth i oedolion a phlant anfon eu safbwyntiau ar yr hawliau a nodir yn y Confensiwn, a holi a ellid gwneud mwy i'w hyrwyddo.

Roedd yr arolwg yn edrych ar amryw o feysydd gan gynnwys addysg, iechyd a chyfleusterau hamdden, a chaeodd ar 31 Ionawr 2007. Mae'r ymatebion yn cael eu dadansoddi yn awr, a chyhoeddir y darganfyddiadau yn nes ymlaen yn y flwyddyn

Cynghrair Hawliau Plant Lloegr

Yn ogystal â'r Pwyllgor a'r Comisiynydd Plant, mae Cynghrair Hawliau Plant Lloegr yn fudiad an-llywodraethol sy'n llunio adolygiad blynyddol sy'n barnu pa mor dda y mae'r llywodraeth wedi ymateb i ganfyddiadau ac argymhellion y Pwyllgor. Mae'r adroddiad yn crynhoi'r datblygiadau cadarnhaol a negyddol o ran hawliau plant yn Lloegr.

I archebu adroddiad blynyddol diweddaraf y Gynghrair, dilynwch y ddolen isod.

• Cyhoeddiadau Cynghrair Hawliau Plant Lloegr (CRAE) Opens new window

Mwy o ddolenni defnyddiol

• Mwy am hawliau dynol (adran llywodraeth, dinasyddion a hawliau)

• Swyddogion CAFCASS

• Unicef - yr elusen ryngwladol er hawliau plant Opens new window

• Gwefan llais yr ifanc Unicef DU Opens new window

• Gwefan y Gwasanaeth Cynghori a Chynorthwyo Llys i Blant Opens new window

Cysylltiadau defnyddiol

• Cysylltiadau rhieni