Gwefan llywodraeth y DU

Clybiau cerdd

Yn aml, caiff clybiau cerdd eu cynnwys mewn gweithgareddau ar ôl ysgol neu mewn rhaglenni dysgu yn yr ysgol (fe’u gelwir weithiau yn rhaglenni Cymorth i Astudio). Bydd gan ysgol eich plentyn fwy o wybodaeth am hyn.

Gall eich awdurdod lleol roi gwybodaeth i chi hefyd am raglenni a chlybiau ar ôl ysgol. Yn aml, mae'u gwefan yn lle da i gael gwybod beth sydd ar gael, neu gallwch gysylltu â hwy'n uniongyrchol.

• Dod o hyd i’ch awdurdod lleol

• Cymorth i astudio

Cynlluniau cerdd fforddiadwy, cyfleoedd i berfformio a digwyddiadau

Ceir amryw o gynlluniau rhad neu am ddim dan nawdd y llywodraeth i helpu plant i gymryd rhan mewn addysg a digwyddiadau cerddorol. Efallai y dewch o hyd hefyd i sefydliadau neu unigolion yn eich ardal sy'n cynnal gweithdai a dosbarthiadau cerddoriaeth i blant am ffi.

Dyma rai sefydliadau a allai fod o ddiddordeb i chi:

• Music for Youth – elusen addysgol sy’n cynnig llwybr am ddim i gyfleoedd perfformio a cherddoriaeth i blant rhwng pedair a 18 mlwydd oed
• Youth Music – mae’n cynnig gweithgareddau cerdd am ddim, ac fe’u bwriedir yn benodol ar gyfer plant na fyddent fel arall yn cael cyfle i gymryd rhan ynddynt

• Sut mae cael eich plentyn i gymryd rhan mewn Music for Youth Opens new window

• Mwy am weithgareddau Youth Music yn eich ardal chi Opens new window

Grantiau a gwersi cerdd i blentyn dawnus neu dalentog

Gall addysg gerddorol fod yn ddrud, ond mae cynlluniau a mentrau ar gael i helpu gyda'r costau.
Os yw’ch plentyn yn ddawnus neu’n dalentog, efallai y bydd yn gymwys i gael grant dan Gynllun Cerdd a Dawns y llywodraeth, a sefydlwyd i annog pobl ifanc.
Mae nifer o elusennau cerdd yn cynnig grantiau a allai helpu i dalu am wersi cerddoriaeth ar gyfer plentyn dawnus, neu helpu mewn ffyrdd eraill. Mae Awards for Young Musicians yn un o’r elusennau hyn, a gall ei gwefan eich cyfeirio at sefydliadau eraill a all helpu.

• Cynllun Cerdd a Dawns ar gyfer plant dawnus Opens new window

• Grantiau ar gyfer Cerddorion Ifanc Opens new window

Gwneud cais am wersi cerdd

Gallwch roi manylion eich cartref ar y ddolen ganlynol, a bydd wedyn yn eich tywys i wefan eich awdurdod lleol lle gallwch gael mwy o wybodaeth am wersi offerynnol yn eich ardal.

• Gwneud cais am wersi offerynnol Opens new window

Gweithgareddau celfyddydol eraill yn eich ardal

Gallwch ddod o hyd i amrywiaeth eang o weithgareddau celfyddydol eraill yn eich ardal ar wefan Plant a’r Celfyddydau Tywysog Cymru. Mae pob gweithgaredd celfyddydol lleol wedi’u rhestru, gan gynnwys gweithgareddau drama, dawnsio, peintio a thynnu llun, canu, adrodd stori a llawer mwy.

I weld beth sy'n digwydd yn eich ardal chi, dilynwch y ddolen isod a rhoi'ch cod post neu enw’r rhanbarth lle rydych yn byw, yn ogystal ag ystod oed eich plant.

• Chwilio am weithgareddau celfyddydol lleol Opens new window

Sgiliau syrcas

Mae amryw o blant wrth eu bodd â syrcas, a nawr mae ganddynt gyfle i fod yn rhan o syrcas. Mae llu o grwpiau ar hyd a lled y wlad yn cynnal cyrsiau sgiliau syrcas. Mae’r lleoliad yn dibynnu ar y cwmni sy'n rhedeg y cwrs – gall amrywio o ysgolion hyfforddiant syrcas arbenigol i fannau syrcas cymunedol, ysgolion a neuaddau eglwys.

• Dod o hyd i weithdy sgiliau syrcas yn eich ardal chi Opens new window

Mynediad i'r celfyddydau i blant anabl

Mae llond gwlad o sefydliadau, elusennau a grwpiau cymorth wedi ymrwymo i wella mynediad pobl anabl i weithgareddau a pherfformiadau celfyddydol. Mae rhai sefydliadau yn arbenigo mewn cynnwys pobl a chanddynt nam penodol. Gall y rhestr ganlynol o gysylltiadau defnyddiol eich helpu i gael gwybod mwy.

• Cael mynediad i ddiwylliant a’r celfyddydau – cysylltiadau defnyddiol

Cysylltiadau defnyddiol

• Cysylltiadau rheini